Yezekiyele 40:6 - MUKANDA WA MYIDI MUKULU

⁶ Kuyaye ku tshiibi tshia luseke ludi diba dipatukila, kubandaye pa tshibandilu, kupimaye butshiama bua tshibuelelu. Buvua bua metre asatu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Hashishe yeye wakalua nʼanyi ku tshibuelelu tshidi tshitangila ku luseke lua esete; hakabandeye ku tshibandilu tshiatshi, wakidikisha mushiku watshi wa mbelu, wakaumona muikale luidi lumue mu butshiama buau; mushiku wa mbelu mukuabo mutangilangane ne tshitendelelu wakadi luidi lumue mu butshiama buau.

Yezekiyele 40:6 ပူးပေါင်းရင်းမြစ်များ

1 Bakalenga 6:8

Mu nzubu uvua kuinshi kua mikuabu bavua babuelela ku tshiibi tshivua ku luseke lua kuinshi lua nzubu wa Mvidi Mukulu, babanda pa tshibandila tshia tshijengu, bua kuya mu nzubu wa pankatshi, ne bua kuya mu nzubu wa pa mutu.

1 Kulondolola 9:18

Ndelanganyi yabu itshidi yenza mudimu wa kulama tshiibi, tshidi luseke ludi diba dipatukila lua nzubu, tshidibu binyike ne: ntshia mukalenga. Bankambua babu bavua bena mudimu wa kulama biibi mu mitanda ya bena Levi.

1 Kulondolola 9:24

Tshiibi tshionsu tshivua ne bantu basunguluke bavua batshilama. Biibi mene bivua binayi: tshia luseke ludi diba dipatukila lua nzubu, tshia luseke ludi diba dibuelela lua nzubu, tshia ku mutu wa nzubu ne tshia kuinshi kua nzubu.

Nehemya 3:29

Pashishe, bantu bavua bibakulula tshitupa tshikuabu bavua: Sadoke, muana wa Imere, uvua mulongolole tshitupa tshivua tshilulamangane ne nzubu wende; Shemaya, muana wa Shekanya, uvua mulami wa tshiibi tshia luseke ludi diba dipatukila.

Misambu 84:10

Eyi, Mvidi Mukulu, mukalenga wetu ne ngabu wetu, akidila muntu webe uudi mujidile.

Yirmeya 19:2

Upatukile nabu bua kuya mu tshibanda tshia Inome, upitshile ku tshiibi tshia Ngesu mifue. Nenkumanyishe bualu buudi ne bua kubambila muaba awu.

Yezekiyele 10:18

Butumbi bua Maweja-Nangila kumuka mu tshibuelelu tshia nzubu wa Mvidi Mukulu, kubuka, kuya kuikila pa bakerubine.

Yezekiyele 11:1

Mueyelu wa Maweja-Nangila kungambula pa buloba, kuya kunteka ku tshiibi tshia luseke ludi diba dipatukila lua nzubu wa Mvidi Mukulu. Pabuipi ne tshibuelelu tshia nzubu wa Mvidi Mukulu, meme kumona bantu balume makumi abidi ne batanu. Ku bantu abu mvua mumanye balombodi babidi ba bantu: ke Yazaniya, muana wa Azure, ne Pelatiya, muana wa Benaya.

Yezekiyele 40:20

Kupimaye kabidi bule ne butshiama bua tshiibi tshia kubuela mu lubanza lua pa mbelu tshia ku luseke lua ku mutu kua nzubu.

Yezekiyele 40:22

Tshibambalu tshinene, madidishi, ne malala a mabue bivuabu bazole, bivua mushindu umue ne bia tshiibi tshikuabu. Bua kufika ku tshiibi tshia ku mutu, bavua ne bua kubanda bibandilu muanda mutekete. Ku ndekelu kua tshibuelelu kuvua kabidi tshibambalu tshinene bua kufika mu lubanza lua pa mbelu.

Yezekiyele 40:24

Pashishe kuyaye nanyi luseke lua kuinshi kua nzubu. Meme kumona tshiibi tshikuabu. Kupimaye bibambalu bia balami ba nzubu, bimana, ne tshibambalu tshinene. Bule ne butshiama bua bionsu bivua mushindu umue ne bia biibi bikuabu.

Yezekiyele 40:26

Bavua ne bua kubanda bibandilu muanda mutekete bua kufika ku tshiibi. Ku ndekelu kua tshibuelelu kuvua tshibambalu tshinene. Ku bimana bia munda mua bibambalu ku luseke ne ku luseke lua muaba uvua bantu bapitshila, bavua bazolaku malala a mabue.

Yezekiyele 40:5

Mvua mumone tshimana tshivua tshinyungulule lubanza lua pambelu lua nzubu wa Mvidi Mukulu nseke yonsu. Muntu uvua ne mutshi wende mu bianza wa bule bua metre asatu. Uvua upima mupimbu ne butumbuke bia tshimana atshi. Uvua musangane tshimana ne bule bua metre asatu mu mupimbu ne mu butumbuke.

Yezekiyele 40:7

Kunyima kua tshibuelelu, kuvua muaba wa kupitshila, ne bibambalu bisatu ku luseke ne ku luseke. Tshibambalu tshionsu tshivua ne metre asatu mu bule ne mu butshiama. Bimana bivua bikosolola bibambalu abi bivua ne butumbuke bua metre abidi ne tshitupa. Kunyima kua bibambalu abi kuvua tshibuelelu tshia tshibambalu tshinene, tshivua tshitangilangane ne nzubu wa Mvidi Mukulu. Tshibuelelu atshi tshivua ne butshiama bua metre asatu.

Yezekiyele 41:16

bavua balamika mabaya, biangatshile kuinshi too ne ku madidishi. Nansha ku madidishi ne ku milongu yonsu isatu ya tuzubu, bavua balamika mabaya. Nansha madidishi mene bavua mua kuabuikila ne mabaya.

Yezekiyele 42:15

Muntu mumane kupima bibambalu bionsu bitua munda mua nzubu wa Mvidi Mukulu, kupatukilaye nanyi ku tshiibi tshia luseke ludi diba dipatukila lua nzubu wa Mvidi Mukulu. Kutuadijaye kupima muaba uvua munyungulule nzubu wa Mvidi Mukulu.

Yezekiyele 43:1

Muntu kuya nanyi ku tshiibi tshia luseke ludi diba dipatukila lua nzubu.

Yezekiyele 43:17

Tshibumba tshibidi tshia tshilambuilu tshivua kabidi ne butshiama bua momumue ku nseke yonsu inayi, metre muanda mutekete. Tshivua ne mubangu luseke lua lubanza, uvua ne centimetre makumi abidi ne itanu mu butumbuke. Mukidi uvua unyungulule tshibumba atshi, uvua ne santimetre makumi atanu mu butumbuke. Bavua babanda ku tshilambuilu pa tshibandilu tshivua luseke ludi diba dipatukila lua nzubu.

Yezekiyele 43:8

Bakalenga mbateke mushiku wa mbelu ne makunji bia ku nzubu wabu wa bukalenga, anu luseke lua mushiku wa mbelu ne makunji bia ku nzubu wanyi, bitangilangane. Mudi amu tshimana tshimue pankatshi pa nzubu wanyi ne wabu. Nanku bavua banyanga dina dianyi dia tshijila pavuabu benza malu mabi. Ke pamvua mubabutule ne tshiji.

Yezekiyele 44:1

Muntu kumfikisha ku tshiibi tshia pa mbelu tshivua luseke luvua diba dipatukila lua muaba wa tshijila.

Yezekiyele 46:12

“Padi mukalenga musue kufila mulambu wa budisuile kudi Maweja-Nangila, wa kuosha nansha wa bobumue, badi mua kumunzuluila tshiibi luseke ludi diba dipatukila lua nzubu wa Mvidi Mukulu. Udi ulambula milambu yende mushindu uvuaye muyilambule dituku dia Dikisha. Padiye upatuka, binjile tshiibi diakamue.

Yezekiyele 47:1

Muntu kupingana nanyi ku tshibuelelu tshia nzubu wa Mvidi Mukulu. Nanku meme kumona mayi apatukila muinshi mua mushiku wa mbelu, wa ku luseke ludi diba dipatukila. Bualu tshibuelelu tshia nzubu wa Mvidi Mukulu tshivua tshitangila ku luseke ludi diba dipatukila lua nzubu. Nanku mayi avua apuekela ku luseke lua kuinshi kua nzubu wa Mvidi Mukulu, pashishe avua apitshila luseke lua kuinshi kua tshilambuilu.

Yezekiyele 8:16

Mvidi Mukulu kungambula, kuya nanyi too ne mu lubanza lua munda mua nzubu wende. Ku tshibuelelu tshia nzubu wa Mvidi Mukulu pankatshi pa lutanda ne tshilambuilu, pavua bantu balume bu makumi abidi ne batanu. Bavua bela nyima ku nzubu wa Mvidi Mukulu, batangile luseke ludi diba dipatukila. Bavua batua binu bua kukukuila diba.