Yezekiyele 40:5 - MUKANDA WA MYIDI MUKULU

⁵ Mvua mumone tshimana tshivua tshinyungulule lubanza lua pambelu lua nzubu wa Mvidi Mukulu nseke yonsu. Muntu uvua ne mutshi wende mu bianza wa bule bua metre asatu. Uvua upima mupimbu ne butumbuke bia tshimana atshi. Uvua musangane tshimana ne bule bua metre asatu mu mupimbu ne mu butumbuke.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nakamona lumbu lunyunguluke nsubu nseke yonso. Muntu au wakaluidikisha ne luidi luakadi mu tshianza tshiandi, bule bualu buikale coudées mile isambombo, coudée umue muikale bu coudée umue ne ntanta wa tshianza; wakidikisha mulumbu wa lumbu, wakausangana muikale luidi lumue, ne bule bualu bua mulu buakadi luidi lumue.

Yezekiyele 40:5 ပူးပေါင်းရင်းမြစ်များ

Misambu 125:2

Bu mudi mikuna milame Yerushalayime, ke mudi Maweja-Nangila ulama tshisa tshiende, mpindiewu ne kashidi.

Yeshaya 26:1

Dituku adi, mu ditunga dia Yuda, bantu nebimbe musambu, bamba ne: “Tudi ne tshimenga tshivuabu bakoleshe ne bimana. Bua kutshilama bimpe, Maweja-Nangila mmutshinyungulule ne bimana, kabidi ne mushiki wa buloba.

Yeshaya 60:18

Mu ditunga diebe, kabakumvua kabidi mutoyi wa mvita to. Munda mua ditunga diebe kamuena kabidi kabutu nansha tshinyangu. Kadi newinyike bimana biebe dina ne: “Lupandu”, ne biibi biebe ne: “Lumu lua Mvidi Mukulu”.

Yezekiyele 41:8

Meme kumona muvuabu basa tshitaku tshia tuzubu atu pa tshibumba tshia bule bua metre asatu, tshivua tshinyungulula nzubu mujima wa Mvidi Mukulu.

Yezekiyele 42:15

Muntu mumane kupima bibambalu bionsu bitua munda mua nzubu wa Mvidi Mukulu, kupatukilaye nanyi ku tshiibi tshia luseke ludi diba dipatukila lua nzubu wa Mvidi Mukulu. Kutuadijaye kupima muaba uvua munyungulule nzubu wa Mvidi Mukulu.

Yezekiyele 42:20

Ke mutotabu bapima tshimana tshidi tshinyungulule nzubu wa Mvidi Mukulu ku nseke yatshi yonsu inayi. Tshimana tshitata ne nseke inayi, bule bua metre nkama ibidi ne makumi atanu ku luseke. Tshitata tshiabuluja miaba ya patupu, ne muaba mujidila Mvidi Mukulu.

Yezekiyele 43:13

Bunene butudi tunwuija ebu ke bua tshilambuilu. Badi bapima ne tshipimu tshia santimetre makumi atanu, tshivuabu bapima natshi nzubu wa Mvidi Mukulu. Mukidi uvua mutshinyungulukile uvua ne bondoke bua santimetre makumi atanu, ne santimetre makumi atanu mu butshiama. Ku luseke lua lubanza kuvua mubangu wa santimetre makumi abidi ne itanu mu butumbuke. Butumbuke bua tshilambuilu,

Zekâya 2:5

Maweja-Nangila kundeja bualu bukuabu. Meme kumona muntu muikale ne nshinga wa kupima nende bimana mu bianza.

Dielulula 3:11

(Ku ndelanganyi ya bena Refayime bonsu, Oge, mukalenga wa Bashane, ke wa ndekelu udi mushale ne muoyi. Lukita luende bavua baluenze mu dibue. Batshidi mua kulumona mu Raba, tshimenga tshinene tshia bena Amone. Ludi ne bule bua metre anayi ne tshitupa, butshiama bua metre abidi.)

Didimanyisha 21:12

Tshimana tshipite bule tshivua tshinyungulukile tshimenga. Ku tshimana aku kuvua biibi dikumi ne bibidi. Ku tshiibi tshionsu kuvua mutumibue uvua utshilama. Bavua bafunde pa biibi mena a bisamba dikumi ne bibidi bia bena Izrayele.