Yezekiyele 40:4 - MUKANDA WA MYIDI MUKULU

⁴ Kungambilaye ne: — Yezekiyele, tabala, uditelejile ne matshi ebe. Wikale ne ntema ku bionsu bindi nkuleja. Bualu bavua bakufila kuneku bua wewe kumona bionsu bindi nkuleja. Pashishe newambile bena Izrayele malu onsu audi mumone.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Muntu eu wakangambila ne, Muana wa muntu, mona ne mesu ebe, unvua ne matshu ebe, teka mutshima webe ku malu andualua kukulesha; bualu bua bakulua nʼebe kunoko bua meme kukulesha malu â; ambila Bena Isalele malu onso audi umona.

Yezekiyele 40:4 ပူးပေါင်းရင်းမြစ်များ

Yeshaya 21:10

Wewe tshisamba tshianyi, tshivuabu bakengeshe, bu mudibu bashipule ntete ya mu budimi, teleja bualu ebu bundi mukuambile, buvuabu bammanyishe kudi Maweja-Nangila, Mvidi Mukulu muena bukole buonsu.

Yirmeya 26:2

— Meme Maweja-Nangila ndi nkupa mukenji ewu. Uye kuimana mu lupangu lua nzubu wa Mvidi Mukulu. Uyukile ne bantu bonsu badi bafume mu bimenga bia Yuda bua kutendelela. Wambuluile bantu bionsu bindi mukutumine diyi bua kubambila. Kushiyi kalu nansha kamue to.

Yezekiyele 2:1

Mvidi Mukulu kungambila ne: — Muntu, juka, ndi musue kukuambila bualu.

Yezekiyele 2:3

— Muntu, ndi nkutuma kudi bena Izrayele. Bantu abu mbantombokele. Badi anu bambenga bu muvua bankambua babu bambenga.

Yezekiyele 3:17

— Muntu, ndi nkuteka mutentekedi bua kudimuja bena Izrayele. Neuteleje miaku yanyi. Neuyimanyishe bena Izrayele bua badimuke.

Yezekiyele 43:10

Wewe, Yezekiyele, umanyishe bena Izrayele mushindu udi nzubu wa Mvidi Mukulu. Ubabele bua bumvue bundu bua malu mabi abu, batangile bimpe mushindu udibu ne bua kuasa nzubu ewu.

Yezekiyele 44:5

Maweja-Nangila kungambila ne: — Yezekiyele, tabuluka, tangila bimpe biudi umona. Teleja ne ntema biudi umvua. Teleja meyi ne mikenji bindi ngela, bua malu adi atangila nzubu wanyi. Uteleje nangananga mikenji idi ilongesha mudibu mua kubuela muaba wanyi wa tshijila, nansha kupatukamu.

Yezekiyele 47:6

Kunkonkaye ne: — Yezekiyele, udi mutangile bimpe anyi? Kuyaye nanyi ku luseke katupa. Pashishe kumpingajaye ku muelelu wa muenji wa mayi.

Matayi 10:27

Bualu bundi nnuambila mu midima, nubuambe patoke; bunudi numvua bamba mu musokoku, nubuambe, bantu bonsu bumvue.

Matayi 13:9

Ke Yezu kuamba kabidi ne: — Muena matshi a kumvua wasangana kumvua anyiee? Umvuee!

Bienzedi 20:27

Bualu mvua munumanyishe muonsu mudi Mvidi Mukulu ulongolola malu, tshiyi musokoke kalu nansha kamue.

1 Korente 11:23

Telejayi bimvua mupete kudi Mfumu, kabidi bimvua munulongeshe. Mfumu Yezu, butuku buvuabu ne bua kumukuata, uvua muangate diampa.

Dielulula 32:46

kubabelaye ne: — Mikenji yonsu indi nnuambila lelu eyi, nuyikumbaje. Nuyilongeshe ndelanganyi yenu, bua ikumbaje tshidi Mvidi Mukulu musue.