Yezekiyele 40:10 - MUKANDA WA MYIDI MUKULU

¹⁰ Bibambalu bisambombu bia balami ba nzubu abi bivua ku tshiibi tshia luseke ludi diba dipatukila, bivua ne bule ne butshiama bua momumue. Bivua bisatu nseke yonsu ibidi. Bimana bivua bibikosolola bivua bionsu ne mupimbu wa momumue.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nsubu ya bansentedi ya munda mua tshibuelelu tshia ku luseke lua esete yakadi isatu ku luseke lua tshinga tshianza ne isatu ku luseke lua tshianza tshikuabo; buonso buai yakadi bunene bumue; biluwa bia ku luseke ne ku luseke biakadi bunene bumue kabidi.

Yezekiyele 40:10 ပူးပေါင်းရင်းမြစ်များ

Yezekiyele 40:11

Muntu uvua upima kabidi butshiama bua tshibuelelu tshia tshiibi. Buvua bua metre atanu. Butshiama bua muaba wa kupitshila buvua bua metre asambombu ne tshitupa.

Yezekiyele 40:21

Tshibuelelu atshi tshivua kabidi ne bibambalu bisambombu bia balami ba nzubu. Bibambalu bisatu luseke lumue, bisatu luseke lukuabu lua muaba wa kupitshila. Bimana ne bibambalu bivua bule ne butshiama bumue ne bia tshibuelelu tshia luseke ludi diba dipatukila. Bule bujima bua tshibuelelu buvua bua metre makumi abidi ne atanu, butshiama buatshi buvua bua metre dikumi ne abidi ne tshitupa.

Yezekiyele 40:29

Bibambalu bia balami, bimana bivua bikosolola bibambalu, tshibambalu tshinene, bionsu abi bivua mushindu umue mu bule ne mu butshiama ne bivua ku biibi bikuabu. Madidishi avua ku nseke yonsu ya tshibambalu tshinene. Tshibuelelu tshijima tshivua ne bule bua metre makumi abidi ne atanu. Butshiama buatshi buvua ne metre dikumi ne abidi ne tshitupa.

Yezekiyele 40:44

Muntu kumfikisha mu lubanza lua munda mua nzubu. Muvua bibambalu bibidi, tshimue tshivua ku luseke lua tshiibi tshia ku mutu wa nzubu, kadi tshibuelelu tshiatshi tshivua tshitangila luseke lua kuinshi kua nzubu; tshikuabu tshivua ku luseke lua tshiibi tshia kuinshi kua nzubu, kadi tshibuelelu tshiatshi tshivua tshitangila ku mutu kua nzubu.

Yezekiyele 40:7

Kunyima kua tshibuelelu, kuvua muaba wa kupitshila, ne bibambalu bisatu ku luseke ne ku luseke. Tshibambalu tshionsu tshivua ne metre asatu mu bule ne mu butshiama. Bimana bivua bikosolola bibambalu abi bivua ne butumbuke bua metre abidi ne tshitupa. Kunyima kua bibambalu abi kuvua tshibuelelu tshia tshibambalu tshinene, tshivua tshitangilangane ne nzubu wa Mvidi Mukulu. Tshibuelelu atshi tshivua ne butshiama bua metre asatu.