Yezekiyele 4:4 - MUKANDA WA MYIDI MUKULU

⁴ Diba adi, uladile ku lubadi lua dia bakaji. Paudi ulala nanku, neutuale bubi buonsu bua bena mu bukalenga bua Izrayele. Newambule bujitu ebu pambidi pebe.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nunku lala biebe ku luseke lua ku tshianza tshiebe tshia bakashi, nenteke mibi ya Bena Isalele hamʼbidi hebe. Bu mudi bungi bua matuku awalala, mbu mudi bungi bua matuku awatuala mibi yabo.

Yezekiyele 4:4 ပူးပေါင်းရင်းမြစ်များ

Yezekiyele 4:5

Ndi nteka bujitu ebu pambidi pebe matuku bungi bumue ne bidimu bivua bena Izrayele benza bibi. Nanku neushale mu dikenga matuku 390.

Yezekiyele 4:8

Meme nenkusuike ne mionji, kuyi mua kukudimuka ku lubadi lukuabu, too ne ku diba diudi ukumbaja matuku a kuluisha tshimenga.

Lewitiki 10:17

— Munyinyi ewu wa mulambu udi Maweja-Nangila munupe, kanuena baudile muaba kampande wa tshijila bua tshinyi? Kanuena bamanye ne: ngwa tshijila menemene anyi? Maweja-Nangila mmunupeshe nyama ewu bua nukobolole bena Izrayele ku malu mabi adibu benza.

Lewitiki 16:22

Mbuji awu neaye ne bibawu bionsu bia bantu mu tshipela. “Diakamue padibu bipata mbuji awu uya mu tshipela,

Dibadika 14:34

Nuvua batentekele ditunga adi matuku makumi anayi. Nenku, bua bubi buenu, ndi nnunyoke bidimu makumi anayi. Mmumue ne: dituku dimue nedienze tshidimu tshijima tshia tshibawu. Nenujadike ne: ki mbimpe kuntombokela meme Maweja-Nangila to.

Dibadika 18:1

Ke Maweja-Nangila kuambila Arone ne: — Ntelejayi wewe, ndelanganyi yebe ne bana benu bena Levi: bilema bidi bantu benza muaba wa tshijila, nebinutangile nuenu bonsu biangatshile ku lelu. Kadi bilema binudi nuenza mu mudimu wenu wa butuangaji nebitangile anu wewe Arone ne ndelanganyi yebe.

Matayi 8:17

Uvua wenza bionsu ebi bua kukumbaja bivua muambi Yeshaya muambe ne: “Kudiambuilaye butekete buetu; kutumushilaye masama etu.”

Ebrewu 9:28

Ke muvuabu balambula Kristu musangu umue bua kujimija mibi ya bantu ba bungi. Neamueneke musangu muibidi, ki mbua kujimija mibi, kadi mbua kusungila badi bamuindila.

1 Petro 2:24

Kristu mene uvua muambule pambidi pende mibi yetu pa mutshi mutshiamakane, bua tuetu, bafue bua bubi, tuende ne muoyi, tuenze bidi Mvidi Mukulu musue. mBanuondape ku mputa ivuabu bamutape.