Yezekiyele 4:2 - MUKANDA WA MYIDI MUKULU

² Pashishe, uleje mudibu batshiluisha. Wimbe mukidi, wele mushiki wa buloba, wele mualu wa mvita, unyungulule tshimenga ne matempu a mvita.

Mukanda wa Nzambi Dihungila Dikulukulu ne Dihungila Dihia-dihia 2003

² Utshintshimike, asaku mabula manene a kutshintshimika, unguishe mishiki ya buloba bua bena nvita babandehu bua kûluisha, asaku bitudilu bia bena nvita binyunguluka musoko, ne longololaku mitshi minene ya kushimbula nʼai ngumbu.

Yezekiyele 4:2 ပူးပေါင်းရင်းမြစ်များ

2 Samuele 20:15

Yowabe ne bena mvita bende kutshintshimikila Sheba uvua mu tshimenga atshi tshia Abele-Bete-Maka. Kuimanyikabu mushiki wa buloba, bule bumue ne tshimana tshia kumpala tshia tshimenga. Pashishe kumbulabu kabidi kuinshi kua bimana abi bua kubishimbula.

Yeshaya 22:7

Wewe Yerushalayime, bena matempu ne bena tubalu, mbabuele mu bibandabanda biebe bilengela. Mbele mualu wa mvita ku tshibuelelu tshiebe.

Yirmeya 32:24

Bena Babilone badi basemena pabuipi ne tshimenga bua kutshiluisha. Nebatshikuate. Tudi mua kuamba ne: tshikadi mu bianza biabu. Badi bakeba kutshikuata ku mvita, ku tshiyole tshia nzala, ne ku disama dia tshiambu. Bionsu biuvua muambe mbimane kuenzeka, wewe mene udi mua kubijadika.

Yirmeya 33:4

Meme Maweja-Nangila, Mvidi Mukulu wa Izrayele, ndi ne bualu bua kuamba, budi butangila nzubu idi mu tshimenga etshi, ne nzubu ya bakalenga ba bena Yuda. Nebayibutule. Kanuena mua kuluisha bena Babilone badi bakeba mua kukuata tshimenga to. Nuenu babaluishe, ndi nguwuje tshimenga tente ne bitalu bia bantu bandi nshipa, bua tshiji tshianyi tshikole tshindi natshi. Bena mu Yerushalayime bavua benza malu mabi a bungi. Ke mundi tshiyi kabidi bualu ne tshimenga etshi.

Yirmeya 52:4

Nanku Nebukadnesare kufika mu Yerushalayime ne tshiluilu tshiende. Bena mvita bende kuasa mitanda yabu mitangilangane ne tshimenga. Kuelabu tshimenga munkatshi basokome mu biina. Bivua bienzeke tshidimu tshia tshitema tshia bukalenga bua Sedekiya, dituku dia dikumi dia ngondu wa dikumi.

Yirmeya 6:6

Maweja-Nangila Mvidi Mukulu wa bukole buonsu, kutumina baluishi betu diyi, wamba ne: “Tapayi mitshi. Imanyikayi mushiki wa buloba bua kuluisha Yerushalayime.” Mbimpe kunyoka tshimenga etshi, bualu benatshi badi bakengeshangana bikole.

Yezekiyele 21:22

Meme kabidi nenkume bikashi, nentalaje tshiji tshianyi. Meme Maweja-Nangila, ndi ngamba nanku.”

Yezekiyele 21:27

Mukete udi uleja Yerushalayime, udi mu tshianza tshiende tshia balume. Nanku mukalenga neatume diyi bua bena mvita baye ku Yerushalayime, benda bela bibingu bia mvita. Neateke biamu binene bia mvita, bua binyange biibi bia tshimenga. Neele mishiki ya buloba, neumbule mikidi.

Yezekiyele 5:2

Padi matuku a kuluisha tshimenga ajika, oshile nsuki ya mu tshisumbu tshimue mu kapia, munkatshi mua tshimenga. Wangate ya mu tshisumbu tshibidi, uyikose ne muele webe awu, uyimiamine miaba yonsu ku mpenga kua tshimenga. Tshisumbu tshia ndekelu, umuangalaje nsuki yatshi mulu mu lupepele. Meme Maweja-Nangila nenyipate ne muele wanyi.

Danyele 11:15

Mukalenga wa ditunga dia ku mutu neafike. Neimanyike mishiki ya buloba ku tshimana tshia tshimenga. Neakuate tshimenga tshivuabu bakoleshe ne bimana. Mukalenga wa ditunga dia kuinshi, nansha mudiye ne bena mvita ba kalanda musenga, kakunutuila nkanana nansha.