Yezekiyele 39:6 - MUKANDA WA MYIDI MUKULU

⁶ Nentemeshe kapia mu ditunga dia Magoge, ne ku muelelu wa mayi manene, muaba udi bantu bela meji ne: tudi tusomba talala. Nanku, bantu bonsu nebajadike ne: meme ndi Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nentume kahia hamʼbidi ha ba mu Magoga ne hamʼbidi ha badi bashikame kabayi ne ntatu mu miaba ya ku muelelu wa mai manene; nunku bobo nebamanye ne, Meme ndi Yehowa.

Yezekiyele 39:6 ပူးပေါင်းရင်းမြစ်များ

Misambu 72:10

Bakalenga ba mu Tarshishe ne ba mu bidila bia kule, nebamutumine malambi, ba mu Saba ne ba mu Seba bamutuadile milambu.

Yeshaya 66:19

Nembaleje mundi ne bumfumu. Kadi bantu bakuabu bandi mumane kupandisha, nembatume mu bisamba bia bena Tarshishe, bena Pule, bena Lude, — ke bantu badi bamanye bikole mua kuela mikete, — bia bena Tubale ne bena Yavane, ne mu bidiila bidi kulekule. Miaba yonsu ayi bantu kabena banji kumvua butumbi buanyi. Kadi bantu bambatuma, nebamanyishe bena bisamba ebi butumbi buanyi.

Yirmeya 25:22

— ke bakalenga bonsu ba mu Tire, ba mu Sidone, ne ba ku matunga adi dishiya dia mayi manene;

Yezekiyele 30:16

Nengoshe ditunga dia Ejipitu, bantu nebafue. Bena mu Sine nebapapuke, bazakala. Nebanyange bimana bia mu No; tshimenga tshijima netshiyanguke.

Yezekiyele 30:8

Pandi ngosha ditunga dia bena Ejipitu, nshipa bena mvita bonsu badi babambuluisha, bantu nebajadike ne: meme ndi Maweja-Nangila.

Yezekiyele 30:9

Dituku dindi mbutula Ejipitu, nentume bantu mu buatu, baya kuambila bena Kushe bivua bienzeka. Nanku, bena Kushe nebakuatshike bowa, nebazakale. Dituku adi dikadi pabuipi.

Yezekiyele 37:6

Ndi nnuasa mijilu, nnupingajila munyinyi, nnubuikila dikoba. Pashishe nennupingajile mueyelu wenu, bua nupete muoyi. Nanku nenumanye ne: meme ndi Maweja-Nangila.”

Yezekiyele 38:11

Newele meji a kuluisha bantu aba badi kabayi ne bualu, basomba mu bimenga tatuabu kabayi bakolesha ne bimana, kabiyi ne biibi bidibu bakanga ne bikuvu.

Yezekiyele 38:13

Bena mu Saba, bena mu Dedane, ne bena misoku idi pamue nabu, bangenda mushinga ba mu Tarshishe, nebakuebeje ne: ‘Udi musangishe bena tshiluilu tshiebe bua kupawula bintu bia bantu ne kubakengesha anyi? Udi mufike bua kuangata tshiamu tshitoke tshia mushinga mukole, ne tshiamu tshia mpawungi, bimuna ne bubanji, bua wikale ne bintu bipeta mu mvita bia bungi anyi?’ ”

Yezekiyele 38:2

— Muntu, tangila kudi Ngoge, mukalenga munene wa bantu badi basombe mu Tubale ne mu Mesheke mu ditunga dia Magoge. Umutandishe mu dina dianyi.

Yezekiyele 38:6

Bena mvita ba mu ditunga dia Ngomere, ne ba mu Bete-Togarma badi basomba ku mutu wa ditunga, nebaye nebe bisumbu ne bisumbu. Nansha bantu ba bungi kabidi ba bisamba bikuabu nebaye anu nebe.

Yezekiyele 39:5

Nenufue kabayi banujika mu buloba, bu mumvua meme Maweja-Nangila mumane kunumanyisha.

Amosa 1:10

Nengoshe tshimenga tshia Tire, kapia nekashidishe nzubu yatshi mimpe.”

Amosa 1:4

Nengoshe nzubu wa mukalenga Azayele, kabidi ne nzubu munene wa mukalenga Benadade.

Amosa 1:7

Nengoshe tshimenga tshia Ngaza, kapia nekashidishe nzubu yatshi mimpe.

Nahume 1:6

Padiye mufike munda, udi mua kukandamana nnganyi? Padiye ne tshiji, udi mua kushala ne muoyi udiku anyi? Tshiji tshiende tshidi tshilambuluka bu kapia, mbuebue mene idi ipandika kumpala kuende.

Sefanya 2:11

Maweja-Nangila neabakuatshishe bowa. Neabutule nwidie yonsu ya pa buloba. Diba adi, bantu bonsu, nansha badi basomba kule kupite, nebamutendelele, muntu yonsu muaba udiye usomba.

Didimanyisha 20:8

Neaye kudinga bantu bonsu ku ntengu inayi ya buloba, ke Ngoge ne Magoge. Neabasangishe bua kuluangana mvita. Nebikale bungi bu lusenga lua ku muelelu wa mayi manene.

Didimanyisha 20:9

Badi batangalaka mu buloba bujima, banyungulukila mitanda ya bantu ba Mvidi Mukulu, ne tshimenga tshidi Mvidi Mukulu munange. Kadi kapia kadi katuluka mu diulu, kabosha kababutula.

Balombodi 18:7

Bantu batanu abu kutungunuka ne luendu, too ne ku Layishe. Kusanganabumu bantu bonsu basomba ne ditalala, anu bu bena Sidone. Kakuvua muntu nansha umue uvua mubenge mfumu wa buloba abu to. Bena Layishe bavua mutantshi mule ne bena Sidone. Kabavua ku diyi dia muntu mukuabu to.