Yezekiyele 39:2 - MUKANDA WA MYIDI MUKULU

² Nenkupatule mu ditunga diebe. Nkuenzeje bua upatukile luseke lua ku mutu wa ditunga, bua kuya kuluisha mikuna ya bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

² Nenkuimanyike, nenkuendeshe ku bukole; nendue nʼebe ku luseke lua kunfudilu kua nôde; nenkufikishe ha mikuna ya mu Isalele.

Yezekiyele 39:2 ပူးပေါင်းရင်းမြစ်များ

Misambu 40:14

Maweja-Nangila, umpandishe. Maweja-Nangila, kolesha ungambuluishe.

Misambu 68:2

Padi Mvidi Mukulu ujuka, uya ku mvita, baluishi bende badi batangalaka, bena lukuna bende badi bamunyema lubilu.

Yeshaya 37:29

Wewe udi umfunyina meme! Mvua mumvue pauvua umpenda ne dikamakama. Nenku nenkutekeshe, nkuele kakanu ku diulu, ne lukanu lua tshiamu mukana. Nenkupingaje kuebe, amu mu njila muuvua mufumine.

Yezekiyele 32:30

“Balombodi ba bantu badi basomba mu matunga a ku mutu, ne bena Sidone, badi muaba awu, mbaye kupetangana ne bafue bakuabu. Bavua bantu ba bukitu, bakuatshisha bowa. Kadi mpindiewu bantu badibu kabayi bateke panshi abu mbafue. Badi balala ne bundu muaba udi bantu bakuabu ba bungi bafue mu mvita. Badi ne bundu budi bonso badi bamane kubuela mu kandondu ka bafue nabu.

Yezekiyele 38:15

Neutume mu ditunga diebe dia ku mutu wa ditunga. Neulombole biluilu bia bantu ba bisamba bionsu. Bonsu nebabande pa nyama ya tubalu. Nenuenze tshiluilu tshinene tshia bantu ba bungi.

Yezekiyele 39:1

Maweja-Nangila udi ungambila ne: — Muntu, ukanyine Ngoge mu dina dianyi. Meme Maweja-Nangila Mvidi Mukulu, ndi mmuambila ne: “Nenkuluishe wewe Ngoge, mukalenga munene wa mu Mesheke ne mu Tubale.

Yezekiyele 39:3

Pashishe, nenkunyoke. Buta buebe bua mikete nebutshibuke mu tshianza tshiebe tshia bakaji. Mikete yebe neyiponene panshi ku tshianza tshiebe tshia balume.

Danyele 11:40

“Mu tshikondu tshia ku nshikidilu, mukalenga wa ditunga dia kuinshi neabangulule mvita. Kadi mukalenga wa ditunga dia ku mutu neamupishe ne matempu a mvita, ne badi babanda pa nyama ya tubalu, kabidi ne matu mavule a mvita. Neabuele mu matunga mashilangane ne bena mvita bende. Neasambuke mikalu, bu mudi mayi a musulu apasalala.