Yezekiyele 38:1 - MUKANDA WA MYIDI MUKULU

¹ Maweja-Nangila kungambila ne:

Mukanda wa Nzambi Dihungila Dikulukulu ne Dihungila Dihia-dihia 2003

¹ Dî dia Yehowa diakalua kundi ne,

Yezekiyele 38:1 ပူးပေါင်းရင်းမြစ်များ

Yeshaya 11:14

Nebaye bonsu pamue batangile luseke ludi diba dibuelela, ku mikuna ya bena Peleshete. Bonsu babidi nebaye batangile luseke ludi diba dipatukila, bua kupawula bisamba bidi mu tshipela. Nebakuate ditunga dia bena Edome ne dia bena Mowabe. Bena Amone nebikale ku bumfumu buabu.

Yeshaya 24:21

Dituku adi Maweja-Nangila neanyoke makole a mulu, ne bakalenga badi pa buloba.

Yezekiyele 37:28

Bisamba bikuabu nebimanye ne: ndi Maweja-Nangila, ndi mujidile bena Izrayele bua bangenzele mudimu. Bualu nzubu wanyi neikale munkatshi muenu kashidi.”

Yezekiyele 38:2

— Muntu, tangila kudi Ngoge, mukalenga munene wa bantu badi basombe mu Tubale ne mu Mesheke mu ditunga dia Magoge. Umutandishe mu dina dianyi.

Yezekiyele 39:1

Maweja-Nangila udi ungambila ne: — Muntu, ukanyine Ngoge mu dina dianyi. Meme Maweja-Nangila Mvidi Mukulu, ndi mmuambila ne: “Nenkuluishe wewe Ngoge, mukalenga munene wa mu Mesheke ne mu Tubale.

Zekâya 12:3

Dituku adi, nengenze Yerushalayime dibue dinene dia bujitu, didi bantu bakeba kuambula. Kadi bonsu badi badiambula nebatapike. Nenku bisamba bionsu bia pa buloba nebidisangishe bua kuluisha Yerushalayime.

Didimanyisha 16:12

Mutumibue muisambombu kuitshikija dikopu diende pa musulu munene wa Perate. Musulu kuuma, bua bakalenga badi batumina luseke ludi diba dipatukila bapete muaba wa kusabukila.

Didimanyisha 20:8

Neaye kudinga bantu bonsu ku ntengu inayi ya buloba, ke Ngoge ne Magoge. Neabasangishe bua kuluangana mvita. Nebikale bungi bu lusenga lua ku muelelu wa mayi manene.