Yezekiyele 32:4 - MUKANDA WA MYIDI MUKULU

⁴ Nenkuele ku mukuna, nenkushiye mu mpata, bua nyunyi yonsu ya mulu ikile pambidi pebe, bua nyama yonsu ya muitu isunsule mubidi webe.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nenkushiye hanshi ha buloba, nenkuele mu mpata, nembikile nyunyu yonso ya mulu bua kuikilayi hamʼbidi hebe, nengukutshishe nyama ya ha buloba buonso ne tshitalu tshiebe.

Yezekiyele 32:4 ပူးပေါင်းရင်းမြစ်များ

Misambu 63:10

Bantu badi bakeba kunshipa, babutuke diakamue, bapueke mu kandondu ka bafue!

Misambu 74:14

Uvua muzaze kabalubalu ka tshidika tshia Leviyatane, mutshidishe kudi nyama ya mu tshipela.

Yeshaya 14:19

Kadi wewe mbakuimanshe pambelu, mbakupale lukita bua kukujikamu. Udi mufuanangane ne muana, udibu balela mufuile munda, ukuatshisha bowa. Udi mufuanangane ne tshitalu, tshidibu badiatakaja ku makasa. Mbakubuikile bitalu bia bantu, bavuabu bashipe ku muele. Kadi bobu bavua babajika mu lukita lua mabue,

Yeshaya 18:6

Ke mudibu bimanshe bena Kushe, bashala tshiakudia tshia nyunyi ya pa mikuna, ne tshia nyama ya muitu. — Mikanku idi ibadia mu tshikondu tshia luya, nyama ya muitu mu tshikondu tshia mashika. —

Yeshaya 66:24

Nenku nebafike bua kumona bitalu bia bantu bavua bantombokele. Tshikusu tshidi tshibikunya katshiena mua kufua to. Kapia kadi kabiosha, kakena kajima lukasa to. Bidibu bamone nebikuatshishe bantu bonsu buowa.

Yirmeya 25:33

Dituku dikale malu aa mua kuenzeka, kakuakuila muntu nansha umue pa buloba bujima udi mua kudila bantu badi Maweja-Nangila ushipa. Kakuakuila muntu udi mua kuambula bitalu biabu bua kubajika. Nebishale panshi bu bufuke budi bufukisha buloba.

Yirmeya 8:2

Nebatangalaje miluba panshi kumpala kua Diba, kua Ngondu ne kumpala kua Tshiluilu tshia mitotu. Bintu ebi ke mvidie ivua bantu aba banange, ke ivuabu batendelela, ke ivuabu balamate, ke ivuabu bakonka malu, bakukuila. Kabena bangula mifuba eyi bua kuyijika to. Neyishale anu panshi bu bufuke bua kufikisha buloba.

Yezekiyele 29:5

Nenkuimanshe mu tshipela, wewe ne mishipa yonsu ayi. Neufuilemu, kabayi bambule tshitalu tshiebe, kabayi batshijika. Tshitalu tshiebe atshi nentshifile bua batshidie kudi nyunyi ne nyama ya tshisuku.

Yezekiyele 35:8

Nenguwuje mikuna yenu ne bitalu bia bantu badi bafuila mu mvita pa mikuna, mu bibandabanda ne mu mpongu.