Yezekiyele 32:2 - MUKANDA WA MYIDI MUKULU

² — Muntu, ela kasala ka muadi, ubele mukalenga wa bena Ejipitu, umuambila ne: “Munkatshi mua bantu udi bu muana wa nyama wa ntambue. Kadi udi wenza malu bu nyama wa ngandu: udi wendakana, unaya mu misapa ya mu musulu webe, uvuandulula mayi ne makama ebe, enza bu muenji.”

Mukanda wa Nzambi Dihungila Dikulukulu ne Dihungila Dihia-dihia 2003

² Muana wa muntu, ashila Palô, mukelenge wa Ejipitu, muadi, umuambile ne, Wakudifuanyikisha bu muana wa nyama wa ntambue wa munkatshi mua bisamba bia bantu, kadi udi anu bu nyama munene wa mu mai manene, uhembula, uhatuisha mai mu mimpempe ya diulu diebe, uvuandulula mai a musulu ne makama ebe, unyanga tusulu tuau.

Yezekiyele 32:2 ပူးပေါင်းရင်းမြစ်များ

Genese 49:9

Yuda, muananyi, udi bu muana wa ntambue. Udi ushipa nyama, upingana muaba uvuaye mulale. Ntambue udi utua tshiadi panshi, ulala. Kakuena udi mua kumujula ku bukole.

Yobe 41:23

Padiye ubuela mu mayi, udi wanyungisha, bu mudi mayi asaba mu luesu. Udi wavuandulula, bu mudi manananshi apia mu luesu.

Yobe 7:12

Wewe udi untekela bantentekedi bua tshinyi? Ndi mayi manene malabale nansha mushipa wa tshidika anyi?

Nsumuinu 25:26

Bu mudi mayi mabi avuandulula mushimi nansha mpokolu, ke mudi muntu mubi unyanga muntu muimpe udi utekemena kudiye.

Nsumuinu 28:15

Mfumu wa tshikisu udi ne bumfumu mu tshisamba tshia bantu bapete, udi bu ntambue udi ukungula, bu nkashama udi ukeba tshiakudia tshiende.

Nsumuinu 30:30

nyama wa ntambue udi upita nyama yonsu ku bukitu, kayi utshina tshintu nansha tshimue,

Yeshaya 27:1

Dituku adi, Maweja-Nangila neangate muele wende, muele munene, mutue, kabidi wa bujitu, bua kunyoka ne kushipa Leviyatane, tshidika tshidi tshienza bowa, nyoka wa mantonya, kayi kukuata ne tshianza.

Yeshaya 51:9

Wewe Maweja-Nangila, tabalaku. Juka lukasa, kunengakanyi. Leja bukole buebe tshiakabidi. Ubuleje bu muuvua muenze kale mu bikondu bipite. Uvua mushipe, musaye Rakabe, nyama wa tshikisu wa mu mayi manene, ki ngwewe anyi?

Yirmeya 4:7

Nyama wa ntambue kupatuka, ufumina mu tshipuka muvuaye. Mubutudi wa bisamba bia bantu udi mu njila. mMumbuke mu diende ditunga bua kunyangakaja ditunga dienu. Bimenga bienu nebibutuke, nebishale munda mutupu.

Yirmeya 46:7

Udi wenda uya kumpala bu musulu wa Nile udi uwula, upasalala ne muenji mukole, nganyi mene awu?

Yirmeya 46:8

Ke Ejipitu! Uvua wamba ne: “Bu mudi musulu wa Nile upasalala ne muenji mukole, meme kabidi nempasalale nguwuje buloba bujima. Ndi nnyanga bimenga, ne bantu bavua basombemu.

Yirmeya 9:18

Badi bumvua meyi a muadi atumine ku Siyone, amba ne: “Tudi tukenga, tudi babutuke bikole be! Tudi ne bundu, bualu tudi ne bua kumuka mu ditunga dietu, kabidi bantu mbupule nzubu yetu!”

Yezekiyele 26:17

Nebadile miadi bimba bualu buebe ne: Eyi, mbabutule tshimenga tshivua ne lumu lunene. Majuwa atshi kaena enda kabidi pa mayi manene. Bena tshimenga etshi bavua bamfumu ba mayi manene, bavua batshinyisha bonsu bavua basombe ku muelelu wa mayi manene.

Yezekiyele 27:2

— Muntu, dila muadi bualu bua tshimenga tshia Tire,

Yezekiyele 27:32

Bu muvuabu ne dibungama, bavua bakuimbila misambu ya muadi, bakuelela kasala ka madilu. Tire, kakuvua tshimenga tshikuabu bu wewe to. Mpindiewu udi mushale tshianana, munkatshi mua mayi manene.

Yezekiyele 28:12

— Yezekiyele, ela kasala ka muadi, udile mukalenga wa mu Tire. Umuambile ne: Maweja-Nangila Mvidi Mukulu ke uvua mummanyishe miaku ya kasala aka ne: “Wewe mukalenga wa Tire, uvua muntu wa tshitembu, wa meji matue, kabidi mulengele be.

Yezekiyele 29:15

budi bushadile ku makalenga onsu. Kabakuikala kabidi bamfumu ba bisamba bikuabu to. Nenkepeshe bungi buabu, bua kabikadi kabidi bamfumu mu matunga a bende to.

Yezekiyele 29:3

Meme Maweja-Nangila Mvidi Mukulu ndi mmumanyisha ne: “Nenkunyoke wewe mukalenga wa bena Ejipitu. Udi bu ngandu munene wa tshidika, udi musombe munkatshi mua misapa ya Nile. Udi ujadika ne: musulu wa Nile nguanyi, bualu meme ngudi mudienzele wu.

Yezekiyele 32:16

Bakaji ba mu bisamba bionsu nebele kasala ka madilu, badila Ejipitu ne bantu bende bafuile. Meme Maweja-Nangila ndi njadika nanku.

Yezekiyele 32:18

— Yezekiyele, dila muadi bua bena Ejipitu. Muadi webe ubalunguluje mu kandondu ka bafue pamue ne bisamba binene bikuabu.

Yezekiyele 34:18

Bavule ba kunudi badi badia bimpe mu mpata milenga. Kadi badi badiata bisosa bidi bishale bua tshinyi? Nudi nupeta mayi mimpe a kunua. Kadi mayi anudi nunua, nudi nuavuandulula ne makasa enu bua tshinyi?

Yezekiyele 38:13

Bena mu Saba, bena mu Dedane, ne bena misoku idi pamue nabu, bangenda mushinga ba mu Tarshishe, nebakuebeje ne: ‘Udi musangishe bena tshiluilu tshiebe bua kupawula bintu bia bantu ne kubakengesha anyi? Udi mufike bua kuangata tshiamu tshitoke tshia mushinga mukole, ne tshiamu tshia mpawungi, bimuna ne bubanji, bua wikale ne bintu bipeta mu mvita bia bungi anyi?’ ”

Dibadika 24:9

Bena Izrayele kuzonzama, kulala panshi bu nyama ya ntambue. Udi mua kubajula ku bukole nnganyi? Izrayele, udi ukuela lupemba, bamuele pende! Udi ukutshipa, bamutshipe biende!

Matayi 7:24

— Nenku muntu yonsu udi unteleja, wenza bindi ngamba ebi, neafuanangane ne muena lungenyi, uvua muibake nzubu wende pa dibue.