Yezekiyele 3:11 - MUKANDA WA MYIDI MUKULU

¹¹ Pashishe, uye kudi bantu ba mu tshisamba tshienu, badibu bakuate munemu mu bupika. Ubambile ne: “Telejayi bidi Maweja-Nangila Mvidi Mukulu wamba.” Ubambile nanku, nansha bakuteleje, nansha babenge kukuteleja.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hashishe, ya kudi badi mu buhika, kudi bana benu ba mu tshisamba tshiebe, akula nʼabo, ubambile ne, Mukelenge Yehowa udi wamba dî edi, nansha biasuabo kunvua nansha biabengabo kunvua.

Yezekiyele 3:11 ပူးပေါင်းရင်းမြစ်များ

Ekesode 32:7

Maweja-Nangila kuambila Moshe ne: — Tuluka lukasa, bualu bantu bauvua mupatule mu Ejipitu mbenze bualu bubi bupite.

Yirmeya 29:20

“Kadi nuenu bavua Maweja-Nangila mumushe mu Yerushalayime, mutume mu bupika mu Babilone, nuteleje tshidi Maweja-Nangila wamba!

Yezekiyele 2:4

Nanku, ndi nkutuma kudi bantu aba ba tshitunu ne muoyi mupape. Neubambile ne: “Telejayi bidi Maweja-Nangila Mvidi Mukulu unumanyisha.”

Yezekiyele 2:5

Diba adi, nansha bobu bakuteleje, nansha kabayi bakuteleje, bualu mbantu ba tshitunu, kadi nebamanye ne: muambi udi munkatshi muabu.

Yezekiyele 2:7

Neubambuluile bionsu bindi nkuambila ebi, nansha bobu bakuteleje, nansha kabayi bakuteleje, bualu mbantu ba tshitunu.

Yezekiyele 20:27

— Wewe Yezekiyele, ambile bena Izrayele bindi meme Maweja-Nangila Mvidi Mukulu mbamanyisha ne: “Bankambua benu bavua bantombokela, babenge kungitaba.

Yezekiyele 3:10

Pashishe kungambilaye ne: — Yezekiyele, ungunzuluile muoyi webe, ne matshi ebe. Uteleje bionsu bindi nkuambila, ubivuluke bimpe.

Yezekiyele 3:12

Nanku, Mueyelu wa Mvidi Mukulu kungambula pa buloba. Meme kumvua panyima panyi tshiona tshikole tshia diyi, diamba ne: “Tutumbishe Maweja-Nangila, muaba udiye uleja butumbi buende!”

Yezekiyele 3:15

Meme kufika ku Tele-Abibe, pabuipi ne bantu bavua basombe mu bupika, ku muelelu wa musulu wa Kebare. Meme kushala nabu matuku muanda mutekete, muikale nzakala, tshiyi mumanye tshia kuenza.

Yezekiyele 3:27

Kadi, pandi musue kukuambila bualu bua kumanyisha bantu, nenganyishe bua wewe kuakula tshiakabidi. Nanku neubamanyishe ne: “Telejayi bidi Maweja-Nangila Mvidi Mukulu wamba.” Bamue bantu nebateleje, banga nebabenge mua kuteleja, bualu mbantu ba tshitunu.

Yezekiyele 33:12

Yezekiyele, wambila bana benu kabidi ne: “Padi muntu wa nsongu ubanga kuenza malu mabi, bilenga bivuaye wenza kumpala, kabiena mua kumuepula ku lufu to. Kadi padi muntu mubi ulekela kuenza malu mabi, bubi buvuaye wenza bangabanga, kabuena mua kumujimija to. Padi muntu wa nsongu wenza malu mabi, kena upanda bua ditaba divuaye nadi bangabanga to.

Yezekiyele 33:17

“Bana benu badi bangamba ne: Maweja-Nangila kena wenza bimpe to. Kadi badi benza bibi ki mbobu anyi?

Yezekiyele 33:2

— Yezekiyele, vuluija bena Izrayele malu adi enzeka misangu yonsu indi nduisha ditunga. Bantu ba mu ditunga badi basungula muntu munkatshi muabu bua ikale mutentekedi.

Yezekiyele 33:30

Yezekiyele, banudi nabu mu bupika badi bayukidilangana, bakutela, ku bimana bia mu tshimenga nansha ku biibi bia ku nzubu yabu, bambilangana ne: “Tuyayi kuteleja bidi Maweja-Nangila utumanyisha.”

Yezekiyele 37:18

Nanku bana benu nebakuebeje ne: utunwuije tshiudi muenze atshi.

Danyele 12:1

“Mutumibue wa Mvidi Mukulu kungambila kabidi ne: ‘Tshikondu atshi nebafike kudi Mikayele, mfumu wa batumibue ba Mvidi Mukulu, mulami wa bantu bebe. Dituku adi nedikale dia dikenga, didi kadiyi dianji kumueka katshia bafuka bantu, too ne ku diba adi. Pashishe bana benu badi ne mena abu mafunda mu mukanda wa muoyi nebapande.

Danyele 6:13

Kuyabu kudi mukalenga wa bakalenga, bamuambila ne: — Mukalenga wa bakalenga, wewe kuela mukenji wa ne: matuku makumi asatu, muntu yonsu watendelela mvidi mukuabu, anyi muntu mukuabu, kayi untendelela meme nkayanyi, nebamuele mu buina bua nyama ya ntambue. Ki mmomu anyi? — Bulelela, ke dipangadika dituvua bangate, bilondeshile meyi a bena Madayi ne a bena Persa, adi muntu kayi mua kushintulula.

Dielulula 9:12

kungambilaye ne: “Tuluka lukasa. Bantu bauvua mupatule mu Ejipitu mbenze bualu bupite bubi. Kabena bitabe ku bionsu bimvua mubambile. Mbadienzele lupingu lua tshiamu tshiengulula.”