Yezekiyele 26:6 - MUKANDA WA MYIDI MUKULU

⁶ Nebanyange misoku iudi mutuangane nayi, idi ku muelelu wa mayi manene. Nanku bantu nebamanye ne: meme ndi Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bana bandi, misoko idi mu mpata hehi ne mai manene, nebashihibue ku muele wa nvita; nunku nebamanye ne, Meme ndi Yehowa.

Yezekiyele 26:6 ပူးပေါင်းရင်းမြစ်များ

Yirmeya 49:2

Ke padi Maweja-Nangila wamba ne: “Dituku diadia bantu badi basomba mu Raba, tshimenga tshinene tshia bena Amone, nebumvue mutoyi wa mvita. Tshimenga etshi netshishale tshipela. Misoku idi natshi mutumba nebayibutule ne kapia. Diba adi, Izrayele neangate tshiakabidi buloba buvua buende.” Ke mudi Maweja-Nangila wamba nanku.

Yezekiyele 16:46

Yayebe, ku mutu wa ditunga, ke tshimenga tshia Samariya, ne misoku idi natshi mutumba. Muakunyebe wa bakaji, kuinshi kua ditunga, ke Sodome, ne misoku idi nayi mutumba.

Yezekiyele 16:48

Meme Maweja-Nangila Mvidi Mukulu wa muoyi, ndi njadika ne: Sodome, muanenu wa bakaji, ne misoku idi nayi mutumba, katshia kabena banji kuenza bubi buuvua muenze wewe, ne misoku idi nebe mutumba.

Yezekiyele 16:53

Nendongolole bimenga ebi. Nengakaje tshimenga tshia Sodome, ne misoku idi natshi mutumba. Nengakaje tshimenga tshia Samariya, ne misoku idi natshi mutumba. Nengakaje nansha malu ebe wewe udi musombe munkatshi muabu.

Yezekiyele 25:11

Nennyoke bena Mowabe. Diba adi nebajadike ne: meme ndi Maweja-Nangila.”

Yezekiyele 25:14

Bantu banyi bena Izrayele nebasombuele bena Edome mu dina dianyi. Bena Izrayele nebabanyoke bikole, mushindu udi tshiji tshianyi tshilomba. Bena Edome nebalonge mudibu ne bua kuntshina. Meme Maweja-Nangila Mvidi Mukulu, ndi njadika bualu abu.”

Yezekiyele 25:17

Nembasombuele, nembanyoke bibi. Diba adi, nebamanye ne: meme ndi Maweja-Nangila.”

Yezekiyele 25:5

Nennyangakaje tshimenga tshienu tshinene tshia Raba, tshishale muaba wa kudishila nyama ya tumelu. Ditunga dijima dia bena Amone nedishale muaba wa kudishila mikoku. Diba adi, nenujadike ne: meme ndi Maweja-Nangila.

Yezekiyele 25:7

Nanku, nennuleje bukole buanyi. Nennufile kudi bantu benyi. Nebanunyenge bionsu binudi nabi. Kanuakuikala kabidi tshisamba tshia bantu to. Kanuakuikala ne ditunga to. Nennubutule bonsu kashidi. Diba adi, nenujadike ne: meme ndi Maweja-Nangila.”

Yezekiyele 26:8

Neanyange misoku iudi mutuangane nayi ku muelelu wa mayi manene. Pashishe baluishi bebe nebumbule mikidi, nebele mishiki ya buloba bua kubandabu, kukuluisha. Nebakunyunguluile ne ngabu mipite bungi.