Yezekiyele 24:11 - MUKANDA WA MYIDI MUKULU

¹¹ Pashishe uteke luesu lua munda mutupu pa mbabula, bua lupie, lukunze, bua mikiya idi munda mualu ijike, bua dimoma diumbuke.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hashishe ambika luesu luikala munda mutuhu heku bua tukuate kahia kakole, bua tshiamu tshialu tshia mitaku tshikuate kahia tô ne hakunzatshi, ne bua bukoya bualu bulungule ne buvingutuke munda mualu, ne bua dimoma dialu diumuke.

Yezekiyele 24:11 ပူးပေါင်းရင်းမြစ်များ

Yirmeya 21:10

Tshiena ne meji a kusungidila tshimenga etshi, kadi anu a kutshibutula. Mukalenga wa bena Babilone neatshikuate, neatshioshe ne kapia.”

Yeshaya 1:25

Wewe Yerushalayime, newikale nanyi tshilumbu. Nenkuele mu kapia bua kulengulula, kumusha bikanganya biebe, kumusha manyanu onsu adi munda muebe.

Matayi 3:12

Yeye ke udi ne lubenji mu bianza biende, bua kupepula bisote, kushiya ntete. Neateke ntete mu diyeba. Kadi bisote neabioshe mu kapia kadi kakayi kajima.

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Yezekiyele 20:38

Nengumushe munkatshi muenu bantu bavua bantombokela kabayi bangitaba. Nembumushe mu matunga adibu basombe. Kadi kabena bapingana mu buloba bua Izrayele bua kusombamu to. Nanku nenujadike ne: meme ndi Maweja-Nangila.

Yirmeya 52:13

Uvua muoshe nzubu wa Mvidi Mukulu, nzubu wa mukalenga, ne nzubu ya mu tshimenga, nangananga nzubu yonsu ya bantu banene ba mu Yerushalayime.

Yirmeya 39:8

Bena Babilone kuosha nzubu wa bukalenga mu Yerushalayime, ne nzubu mikuabu. Kushimbulabu kabidi tshimana tshia tshimenga.

Yirmeya 38:18

Kadi paudi ubenga kuya kudi balombodi ba mukalenga wa bena Babilone, tshimenga etshi, nebatshikuate kudi bena Babilone, nebatshibutule batshioshe. Wewe mene kuakushala, kuakupanda to.”

Yirmeya 37:10

Nansha nuenu batshimune tshiluilu tshionsu tshia bena Babilone tshidi tshinuluisha, nansha bena Babilone badi bashale bikale amu bantu batapike mputa, yonsu wa kudibu neapete bukole, neimane kulu mu ntenta wende. Nebafike bua kuosha tshimenga etshi tshionsu ne kapia.

Yirmeya 32:29

Bena Babilone badi batshiluisha mpindiewu, nebabuelemu. Nebatshinyenge, batshioshe. Neboshe nangananga nzubu eyi ivuabu bampendele pa kuosha musenga wa kamonya bua kutendelela Baale, ne pa kulambula milambu ya maluvu bua kutendelela mvidie ya bantu ba bisamba bikuabu.

Yeshaya 27:9

Kadi mpindiewu, monayi, bubi bua bena Izrayele nebujimine; nebalekele bilema biabu. Nebatshibule mabue onsu a ku tshilambuilu, baazaza bu mabue a lupemba. Kabena basa kabidi makunji a kutendelela mvidie, nansha bioshelu bia manananshi.

Yeshaya 4:4

Maweja-Nangila neatume kapepa ka buakane, ka kulengeja naku bantu. Pikala Maweja-Nangila mumane kusukula manyanu a bakaji ba mu Yerushalayime, pikalaye mumane kumbusha mashi a bantu avua Siyone mupumune muende,

Yezekiyele 24:10

Ela nkunyi minene, sonsola kapia, ulambe munyinyi, upie umana, welamu ndungu, mifuba ipie ibobe.