Yezekiyele 22:3 - MUKANDA WA MYIDI MUKULU

³ Ubamanyishe tshindi meme Maweja-Nangila Mvidi Mukulu ngamba ne: “Udi mulekele bantu bebe bua bashipangane. Ke mudibu bakukebela kabuta. Badi benza mpingu indi mubenge bua kutendelela mvidie. Badi bapisha buloba buebe mikiya.

Mukanda wa Nzambi Dihungila Dikulukulu ne Dihungila Dihia-dihia 2003

³ Amba biebe ne, Mukelenge Yehowa udi wamba ne, Wewe musoko udi umatshisha mashi hanshi munkatshi muau, bua tshikondo tshia kubutuka kuau tshifike kudiu, udi udisongela mpingu bua wowo unyanguke!

Yezekiyele 22:3 ပူးပေါင်းရင်းမြစ်များ

2 Bakalenga 24:3

Maweja-Nangila uvua mutume makenga aa mu bukalenga bua bena Yuda, bualu kavua musue kumona kabidi bena bukalenga bua Yuda kumpala kuende to. Menashe uvua muenze bibi bitambe,

2 Bakalenga 24:4

bualu uvua mushipe bantu bapite bungi bavua kabayi ne bualu to, muele mashi mapite bungi panshi mu Yerushalayime. Ke muvua Maweja-Nangila kayi musue kufuila bena Yuda kabidi luse to.

Misambu 106:39

Pakenzabu malu aa, kudipishabu mikiya, mbuendenda mene.

Yeshaya 1:21

Mmunyi muvua tshimenga tshia bantu bavua bangitaba, tshiandamuka tshia bena buendenda? Tshimenga tshivua bantu banemekangana, banemeka ne bintu bia bantu bakuabu, mpindiewu tshikadi tshimenga tshia bashipianganyi.

Yezekiyele 12:25

Bualu meme Maweja-Nangila ndi ngakula. Kadi bindi ngamba bidi bienzeka lukasa, kabiyi binengakana to. Eyowa, nennunyoke, nuenu bantu banyi bantomboji, nuenu batshikale ne muoyi. Meme Maweja-Nangila ndi ngamba nanku.

Yezekiyele 22:2

— Muntu, udilongolole bua kulumbuluisha tshimenga tshia Yerushalayime, tshia bashipianganyi. Kutshinyi to! Ubavuluije malu mabi avuabu benze.

Yezekiyele 22:27

Balombodi benu badi bashipangana anu bua kunema, bu mudi nyama ya lonji ishipa nyama, iyipandabipese bipese.

Yezekiyele 22:4

Nanku, wewe Yerushalayime udi muena tshibawu tshia bantu bonsu bavuabu bashipe muebe. Udi mupie mikiya bua mpingu eyi idi bantu bebe benze. Wewe nkayebe ke udi udisemejila pabuipi tshikondu tshia kabuta kebe. Mataku ebe mmabadika! Ke pandi muanyishe bua bakuseke kudi bantu benyi. Bantu ba mu matunga onsu nebakutuishe bundu.

Yezekiyele 22:6

“Muebe, mulombodi yonsu wa bena Izrayele mmushipe bantu kabayi bualu, anu bua muanzu udiye nawu.

Yezekiyele 23:37

Badi bakaji bena tshiendenda, bena tshinyangu. Badi benda tshiendenda, batendelela mvidie mibi indi mubenge. Badi bashipa bana babu ba balume bavuabu bandelela, babalambule mvidie.

Yezekiyele 23:45

Kadi bantu ba nsongu nubafundile bakaji aba tshibawu, bua tshiendenda tshiabu, ne bua bantu bavuabu bashipe. Bualu mbende tshiendenda, badi kabidi ne mashi ku bianza!”

Yezekiyele 23:7

Okola uvua mudifile kudi balombodi aba ba bena Ashure. Kadi misangu yonsu ivuaye upetangana ne umue wa kudibu, uvua utendelela mvidie yabu mibi indi mbenga.

Yezekiyele 33:25

Ubambile tshindi meme Maweja-Nangila Mvidi Mukulu mujadike ne: “Nudi nudia munyinyi, nudia ne mashi. Nudi nukukuila mvidie mikuabu. Nudi nushipangana. Kadi munudi mua kuamba ne: nempete ditunga mbishi?

Yezekiyele 9:9

Maweja-Nangila kungambila ne: — Malu mabi adi bantu benza mu bukalenga bua Izrayele nansha bua Yuda mmapite bunene. Bantu aba badi bashipangana mu ditunga dijima. Badi bakengeshangana mu tshimenga tshionsu. Badi bambilangana ne: “Maweja-Nangila ukadi mumuangale mu ditunga, kena mutumone to.”

Mika 3:10

Nudi nuibaka Yerushalayime, tshimenga tshia Mvidi Mukulu, ne mashi a bantu banudi nushipa, ne bintu bia banudi nukengesha.

Sefanya 3:3

Bamfumu ba tshimenga etshi badi bu nyama ya ntambue idi ikungula. Balumbuluishi babu badi bu bimungu, bidi bikeba biakudia dilolu. Kadi kabiena bishiya tshintu tshia kudia mu dinda.

Rome 2:5

Kadi udi ne muoyi mupape. Kuena musue kudilengeja. Ke muudi udikebela dinyoka dipite bunene, dituku diamueneka tshiji tshia Mvidi Mukulu, diakosaye nsambu pa yoyi.

2 Petro 2:3

Bu mudibu ne lukuka lua biuma, balongeshi ba dishima aba nebanuelele nsumuinu ifuma ku meji a bantu, bua bapete bintu bienu. Kadi Mukoshi wabu wa nsambu ukadi mumane kujadika tshibawu tshiabu. Neababutule lukasa, kayi ujingakana.