Yezekiyele 2:8 - MUKANDA WA MYIDI MUKULU

⁸ Kadi wewe Yezekiyele, kulondi tshitunu tshiabu to. Uteleje anu tshindi nkuambila. Ubulule mukana, udie tshionsu tshindi nkupesha bua kudia.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Kadi wewe, muana wa muntu, unvua dî dindi nkuambila; kuntombokedi bu mudibo benza kudi tshisamba atshi tshia bantombokedi. Bulula mukana muebe, udie tshintu tshindi nkuha.

Yezekiyele 2:8 ပူးပေါင်းရင်းမြစ်များ

Misambu 105:28

Ke Mvidi Mukulu kutumaye miidima, butuku kuila mu ditunga, kakuvua muntu uvua mubenge diyi diende nansha.

Yeshaya 50:5

Eyowa, Maweja-Nangila udi undongesha mundi mua kuteleja. Tshiena mumutombokele to. Tshiena musunuke nansha.

Yeshaya 8:11

Maweja-Nangila kunkuata ku tshianza, ungambila ne: kulondi malu a tshisamba etshi. Uvua umbela ne:

Yirmeya 13:2

Meme kusumba mukaba uvua Maweja-Nangila mungambile. Meme kuusuika mu tshimonu.

Yirmeya 15:16

Paudi mungambile malu, diakamue meme kuteleja bimpe, kuvuluka muaku webe onsu. Muaku webe kunguwuja ne disanka, kungenza muena diakalenga. Bualu mbanjidile mu dina diebe wewe, Maweja-Nangila wa bukole buonsu.

Yezekiyele 12:2

— Yezekiyele, udi musombe munkatshi mua bantomboji! Badi ne mesu, kadi kabena basue kumona. Badi ne matshi, kadi kabena basue kumvua, bualu badi bantu ba tshitunu.

Yezekiyele 12:7

Meme kuenza bionsu bivua Maweja-Nangila mungambile. Munda munya, meme kupatuka ku nzubu kuanyi ne dibuki bu muntu udi uya mu bupika. Dilolu meme nkayanyi kutubula disosu ku tshimana tshia tshimenga. Bantu bavua bamone mumvua nya ne dibuki dianyi pa makaya, mbuela mu midima.

Yezekiyele 3:10

Pashishe kungambilaye ne: — Yezekiyele, ungunzuluile muoyi webe, ne matshi ebe. Uteleje bionsu bindi nkuambila, ubivuluke bimpe.

Yezekiyele 33:7

Yezekiyele, wewe ke undi muteke mutentekedi bua kudimuja bena Izrayele. Uteleje mundi nkuambila, ubele bena Izrayele mu dina dianyi.

Yezekiyele 40:4

Kungambilaye ne: — Yezekiyele, tabala, uditelejile ne matshi ebe. Wikale ne ntema ku bionsu bindi nkuleja. Bualu bavua bakufila kuneku bua wewe kumona bionsu bindi nkuleja. Pashishe newambile bena Izrayele malu onsu audi mumone.

Lewitiki 10:3

Nanku Moshe kuambila Arone ne: — Ke muvua Maweja-Nangila mumane kukudimuka, pawaye wamba ne: “Bonsu badi bangenzela mudimu, badi ne bua kunnemeka, bualu ndi wa tshijila. Bantumbishe, bantu bonsu batangile.” Arone kushala mupuwa.

Yona 1:3

Kadi Yona kujuka bua kuya ku Tarshishe, unyema Maweja-Nangila. Ufika ku Yafa, kusanganaye buatu buvua pamue ne kuya ku Tarshishe. Nanku, kufutaye, kubuela mu buatu bua kuya ku ditunga adi, unyema Maweja-Nangila.

Dibadika 20:24

— Arone kakufika mu ditunga dingapesha bena Izrayele nansha. Neafuile muaba ewu, bualu nuvua bantombokele ku mayi a Meriba.

1 Petro 5:3

Kanukengeshi ne bumfumu bunudi nabu bantu badibu banupeshe bua nubalame. Kadi nubaleje tshilejilu tshimpe.

Didimanyisha 10:9

Meme kuya kudi mutumibue, kumulomba mukanda mukese. Yeye kungambila ne: — Uwangate, uudie! Newenze bululu mu tshifu tshiebe. Kadi mukana muebe newikale musheme bu buitshi.