Yezekiyele 2:7 - MUKANDA WA MYIDI MUKULU

⁷ Neubambuluile bionsu bindi nkuambila ebi, nansha bobu bakuteleje, nansha kabayi bakuteleje, bualu mbantu ba tshitunu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Wewe ubambile mei anyi, nansha biasuabo kûnvua, nansha biabengabo kûnvua; bualu bua badi diku dia bantombokedi.

Yezekiyele 2:7 ပူးပေါင်းရင်းမြစ်များ

Ekesode 6:29

uvua mumuambile ne: — Ndi Maweja-Nangila, ambila mukalenga wa bena Ejipitu bionsu bindi mukuambile.

Yirmeya 1:17

Wewe Yirmeya, kolesha muoyi. Umuka! Uye kubambila bionsu bindi nkuambila bua wewe kubamanyisha. Kabatshinyi to. Wewe mubatshine, meme nenkukuatshishe bowa kumpala kuabu.

Yirmeya 1:7

Kadi Maweja-Nangila kungambila ne: — Lekela kuamba ne: ntshidi muana. Neuye kudi bantu bonsu kundi nkutuma. Neubambile miaku yonsu indi nkumanyisha.

Yirmeya 17:20

Wambile bantu bonsu badi bapitshile ku mishiku ayi ne: “Nuenu, bakalenga, nuenu kabidi bena Yuda ne bantu bonsu badi basombe mu Yerushalayime, telejayi tshidi Maweja-Nangila wamba ne:

Yirmeya 23:28

Padi muambi ulota ndota, mbimpe awule anu ndota yende! Kadi padiye ne bualu bundi mumuambile bua kumanyisha bantu, abuambe anu bu mudibu. Ki mbimpe kufuanyikija mpengelane nyimu to. Meme Maweja-Nangila ndi ngamba nanku!

Yirmeya 26:2

— Meme Maweja-Nangila ndi nkupa mukenji ewu. Uye kuimana mu lupangu lua nzubu wa Mvidi Mukulu. Uyukile ne bantu bonsu badi bafume mu bimenga bia Yuda bua kutendelela. Wambuluile bantu bionsu bindi mukutumine diyi bua kubambila. Kushiyi kalu nansha kamue to.

Yirmeya 34:6

Ke bualu buvua muambi Yirmeya muambile Sedekiya mukalenga wa bena Yuda mu Yerushalayime.

Yirmeya 36:14

Nanku, balombodi ba mu bukalenga kutuma Yekudi, muana wa Netaniya, ne muikulu wa Shelemiya. (Shelemiya uvua muana wa Kushi), bua kuambila Baruke ne: ufike ne muvungu wa tshiseba uuvua mubadile bantu bonsu. Nanku Baruke kuangata muvungu wa tshiseba kuya kudibu.

Yirmeya 42:21

Bualu lelu ndi munutuadile diandamuna dia kudi Mvidi Mukulu wetu. Kadi kanuena bateleje bualu nansha bumue budiye mungambile bua kunumanyisha.

Yirmeya 44:20

Nanku, Yirmeya kuambila bantu bonsu, balume ne bakaji, bavua bamuandamuna nanku ne:

Yirmeya 6:28

Bena Izrayele bonsu mbatomboke bikole. Bonsu mbena dishima. Badi ne muoyi mupape bu tshiamu tshikunze nansha tshifike. Bonsu mbena buenzavi.

Yirmeya 7:27

Nenku wewe Yirmeya, neuye kubambila bionsu ebi. Kadi kabakunteleja. Neubabikile mu dina dianyi bua badilengeje, kadi kabakukuandamuna to.

Yezekiyele 11:25

Meme kulondela bantu bavua mu bupika bionsu bivua Maweja-Nangila mundeje.

Yezekiyele 12:2

— Yezekiyele, udi musombe munkatshi mua bantomboji! Badi ne mesu, kadi kabena basue kumona. Badi ne matshi, kadi kabena basue kumvua, bualu badi bantu ba tshitunu.

Yezekiyele 2:5

Diba adi, nansha bobu bakuteleje, nansha kabayi bakuteleje, bualu mbantu ba tshitunu, kadi nebamanye ne: muambi udi munkatshi muabu.

Yezekiyele 20:27

— Wewe Yezekiyele, ambile bena Izrayele bindi meme Maweja-Nangila Mvidi Mukulu mbamanyisha ne: “Bankambua benu bavua bantombokela, babenge kungitaba.

Yezekiyele 3:10

Pashishe kungambilaye ne: — Yezekiyele, ungunzuluile muoyi webe, ne matshi ebe. Uteleje bionsu bindi nkuambila, ubivuluke bimpe.

Yezekiyele 3:17

— Muntu, ndi nkuteka mutentekedi bua kudimuja bena Izrayele. Neuteleje miaku yanyi. Neuyimanyishe bena Izrayele bua badimuke.

Yezekiyele 3:4

Pashishe kuambaye tshiakabidi ne: — Yezekiyele, juka, uye kudi bena Izrayele, ubambile miaku yanyi.

Yezekiyele 33:7

Yezekiyele, wewe ke undi muteke mutentekedi bua kudimuja bena Izrayele. Uteleje mundi nkuambila, ubele bena Izrayele mu dina dianyi.

Yezekiyele 40:4

Kungambilaye ne: — Yezekiyele, tabala, uditelejile ne matshi ebe. Wikale ne ntema ku bionsu bindi nkuleja. Bualu bavua bakufila kuneku bua wewe kumona bionsu bindi nkuleja. Pashishe newambile bena Izrayele malu onsu audi mumone.

Amosa 3:13

Maweja-Nangila Mvidi Mukulu wa bukole buonsu, udi wamba ne: telejayi, manyishayi ndelanganyi ya Yakobe ne:

Yona 3:2

— Juka, uye mu tshimenga tshinene tshia Ninive, umanyishe benatshi malu onsu andi mukuambile.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.