Yezekiyele 19:7 - MUKANDA WA MYIDI MUKULU

⁷ Kushipaye bantu mu bimenga biabu, kunyangaye ne bimenga abi. Bantu ba mu ditunga bavua ne bowa, pavuabu bumvue ntambue ukungula.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Wakanyanga nsubu yabo minene, wakabutula misoko yabo; buloba buakanyanguka ne bintu biabu bionso, bualu bua mukungulu wa muadi wandi.

Yezekiyele 19:7 ပူးပေါင်းရင်းမြစ်များ

2 Bakalenga 23:33

Neko, mukalenga wa bena Ejipitu kukuata Yowakaze, kuyaye nende mu tshimenga tshia Ribla, mu ditunga dia Amate. Kumulamaye mu nzubu wa lukanu. Ke muvua Neko mujikije bukalenga bua Yowakaze nanku. Tshikondu atshi, Neko kuambila bena ditunga dia Yuda bua bafute tshiamu tshitoke tshia mushinga mukole kilo binunu bisatu, ne tshiamu tshia mpawungi kilo makumi asatu.

Nsumuinu 19:12

Tshiji tshia mukalenga tshidi tshikuata bowa bu muadi wa nyama wa ntambue. Kadi kalolu kadiye uleja muntu, kadi bu lumuma ludi lupueka pa bisosa, lufila tshitalela.

Nsumuinu 28:3

Muntu wa tshikisu udi ukengesha bapele, udi ufuanangana ne mvula wa tshipupu, udi unyanga biakudia mu mpata.

Yirmeya 22:17

Kadi wewe udi musue anu tshidi tshikulengelela wewe nkayebe. Udi ukeba anu kushipesha bantu badi kabayi ne bualu, ne kukengesha bantu ne tshikisu.

Yezekiyele 12:19

Pashishe wambile bantu bonsu ne: “Maweja-Nangila Mvidi Mukulu udi unuambila ne: Bena mu Yerushalayime batua bashale mu buloba bua bena Izrayele nebadie, nebanue ne bowa, bazakala. Bushuwa ditunga diabu nedinyanguke, bualu bantu batua basombamu mbamane kudinyanga ne buenzavi buabu.

Yezekiyele 19:6

Muana awu kulala munkatshi mua ntambue mikuabu. Kuenzaye nyama wa ntambue muimpe mutambe. Kumanyaye kabidi mua kukuata nyama, kudia kusukumina. Kushipaye bantu ba bungi.

Yezekiyele 19:8

Bantu benyi bavua bafume miaba yonsu, kudisangishabu bua kumuluisha. Kumunyungulukilabu, bamuadila bua kumukuata. Kumukuatabu mu buteyi.

Yezekiyele 22:25

Bu mudi nyama ya ntambue mikuate nyama ikungula, ke mudi balombodi benu bashipe bantu, bangata ne bintu bia bantu ba bende, bashipesha balume ba bungi, bua bakaji babu bashale bakamba.

Yezekiyele 30:12

Nengumishe misapa ya musulu wa Nile. Nemfile bena Ejipitu kudi bantu ba tshinyangu. Nentume bantu benyi abu bua kudinyanga, kudishiya munda mutupu, kuangata bionsu bidimu. Meme Maweja-Nangila ndi ngenzeja bionsu ebi.

Yezekiyele 34:4

Kadi kanuena bakankamike mikoku idi kayiyi ne bukole, kanuena bondape idi isama, kanuena bele buanga pa mputa ya mikoku idi mitapike. Kanuena bapingaje idi mipambuke munkatshi mua mikuabu, kanuena bakebe idi mijimine, kadi nudi bayikengeshe bikole ne tshikisu.

Yezekiyele 45:8

Nanku, bakalenga nebapete muaba wabu mu Izrayele. Kabakukengesha kabidi bantu ba Maweja-Nangila to. Nebashile bisamba bia bena Izrayele bitupa bikuabu bia mu ditunga.”

Amosa 6:8

Maweja-Nangila, Mvidi Mukulu wa bukole buonsu mmuditshipe ne: “Meme Mvidi Mukulu mulelela, ndi njadika ne: lutambishi lua badi basomba mu bukalenga bua Izrayele ludi lunkuatshisha munyanji. Tshiena musue nzubu yabu milenga. Samariya ne bonsu badi basombamu, ndi mbifila kudi baluishi babu.”

Mika 1:2

Nuenu bisamba bionsu, telejayi. Buloba ne bionsu bidipu, teyayi matshi. Maweja-Nangila Mvidi Mukulu udi ulua kunufunda, utumina mu nzubu wende wa tshijila.