Yezekiyele 10:2 - MUKANDA WA MYIDI MUKULU

² Mvidi Mukulu kuambila muntu uvua muvuale bilamba bia buanda bua ndanda ne: — Upitshile pankatshi pa nkata idi muinshi mua bakerubine. Ambula mu bianza makala a kapia adi pankatshi pa bakerubine, uye kuatangalaja mu tshimenga. Meme kumona muntu uya kuambula makala.

Mukanda wa Nzambi Dihungila Dikulukulu ne Dihungila Dihia-dihia 2003

² Yehowa wakambila muntu wakadi muluate bivualu bia lin ne, Buela munkatshi mua nkata idi inyunguluka muinshi mua bakeluba, ûsha bianza biebe tente ne makala a kahia matema adi hankatshi ha bakeluba, wamuangalashe ha mutu ha musoko. Nunku yeye wakabuelamu ku mesu kuanyi.

Yezekiyele 10:2 ပူးပေါင်းရင်းမြစ်များ

2 Bakalenga 25:9

Nebuzaradane kuosha nzubu wa Mvidi Mukulu, nzubu wa bukalenga, ne nzubu mikuabu ya mu tshimenga, nangananga nzubu yonsu ya bantu bamanyike bikole.

Misambu 18:10

Maweja-Nangila kunzulula diulu, kupueka pa mavuba mafiike,

Ekesode 25:18

Kadi, pa tshibuikidiji tshia mushete apu, ku nseke ibidi ya mu bule buawu, wenzapu mpingu ibidi ya tshiamu tshia mpawungi, ileja Bakerubine.

Yeshaya 30:30

Maweja-Nangila neakule. Bantu nebumvue bukole bua diyi diende. Nealeje mudiye ne diboku dia bukole, dia kunyoka nadi bantu. Nealeje bantu patoke, mudi tshiji tshiende tshikole. Neabatumine kapia, kadi kosha kashidisha. Neabatumine mvula wa mudimbi, wa mabue, ne nkuba.

Yezekiyele 1:13

Munkatshi mua nyama inayi, muvua mumueneka bu makala a kapia akenka, bu bimunyi. Kapia kavua kakole, kavua kapenya.

Yezekiyele 10:16

Pasuabu batungunuka, nkata ivua yenda nabu. Pavuabu banyungisha mapuapua bua kubuka pa buloba, nkata ivua anu mibalamate.

Yezekiyele 9:11

Diba adi, muntu uvua muvuale bilamba bia buanda bua ndanda, mupayike kabuta ku mikaba, kufika bua kuambila Mvidi Mukulu ne: — Ndi mumane kukumbaja bionsu biuvua mungambile.

Danyele 7:9

“Pamvua ntangila amu kutangila, kutekabu nkuasa ya bukalenga. Mununu kufika, kusombapu. Uvua ne bilamba bitoke bu ndanda. Nsuki yende ivua bu miosa ya mikoku. Nkuasa wende wa bukalenga uvua utema kapia. Uvua ne nkata ikenka bu kapia kakole.

Didimanyisha 8:5

Pashishe mutumibue kuangata mbabula, kuelamu kapia ka ku tshilambuilu, kuwuja. Pashishe kuitshikijaye kapia pa buloba. Ke makubakuba kuakulawu, mikenya kupenya, tshikumina kuenzeka pa buloba.