Yeshaya 8:16 - MUKANDA WA MYIDI MUKULU

¹⁶ Ndi nsokoka bivua Maweja-Nangila mungambile. Ndi ndama bimpe bionsu bindi ne bua kuamba. Ndi mbiambila amu balongi banyi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Kuta mukanda wa dî dianyi dia tshimanyishilu mu muvungu, jadika diyisha dianyi mu mitshima ya bayidi banyi.

Yeshaya 8:16 ပူးပေါင်းရင်းမြစ်များ

2 Bakalenga 11:12

Ke, mutuangaji Yoyada kupatula Yowashe, kumuasa tshifulu tshia bukalenga, kumupesha mukanda wa ndondu! Pashishe, kuelabu Yowashe mafuta pa mutu bua kumujidila. Diakamue, bantu bonsu kumukumina bikashi, bela mbila, bamba ne: “Mukalenga Yowashe, akuate ku mundundu!”

Misambu 25:14

Badi bitaba Maweja-Nangila, udi ubamanyisha malu ende masokome, ubalongesha mudi ndondu wende.

Yeshaya 50:4

Maweja-Nangila Mvidi Mukulu uvua mundongeshe tshindi ne bua kuamba. Ke yeye udi ummanyisha miaku, indi mua kuambuluisha nayi muntu ukadi mupungile. Dinda dionsu, Maweja-Nangila udi umbisha, mpeta kudiye dijinga dikole dia kumuteleja, bu mudi balongi bajinga kuteleja mulongeshi wabu.

Yeshaya 54:13

Bana bebe bonsu nembalongeshe meyi anyi. Nebasombe mu bupole.

Yeshaya 8:20

wandamuna ne: “Tuetu tudi bualu amu ne mikenji, kabidi ne malongesha a Maweja-Nangila.” Muntu udi kayi ulonda mukenji awu, kena utshisha bufuku to.

Danyele 12:4

“ ‘Wewe Daniyele, ulame malu aa munda. Kuambidi muntu malu a mu mukanda ewu padi diba dia ku nshikidilu kadiyi dianji kufika. Pashishe bantu ba bungi nebaubale. Lungenyi luabu ne luvulangane.’

Danyele 9:24

Mbapeshe tshisamba tshiebe ne tshimenga tshia tshijila tshiudi musombe bidimu makumi muanda mutekete, bua bajikije ditomboka diabu, balekele malu mabi, bafuilangane luse, bakose nsambu pa yoyi kashidi. Nanku malu adi Mvidi Mukulu uleja, adi bambi bambe, neakumbane. Nebajidile tshiakabidi nzubu wa Mvidi Mukulu wa tshijila.

Matayi 13:11

Ke Yezu kubandamuna ne: — Mbanyishe bua nuenu numanye malu masokome a Bukalenga bua mu diulu, kadi ki mbanyishe bua bantu bakuabu baamanye nansha!

Marke 10:10

Padibu bapingana ku nzubu, balongi badi bela Yezu nkonku tshiakabidi pa bualu abu.

Marke 4:34

Uvua wakula nabu mu nsumuinu. Kavua uyukila nabu kayi wela nsumuinu. Kadi patataye ushala nkayende ne balongi bende, uvua ubumvuija bionsu.

1 Korente 2:14

Muntu udi kayi ne Mueyelu wa Mvidi Mukulu, kena mua kuitaba malu malelela adi Mueyelu ewu utumanyisha. Neaatangile bu a bupale. Kena mua kuajingulula, bualu amu muntu udi ne Mueyelu, ke udi mua kuamanya.

Dielulula 4:45

Kumanyishaye bena Izrayele, bamane kumuka mu Ejipitu, bionsu bivua Maweja-Nangila musue: meyi ne mikandu, kabidi ne mikenji.

Ebrewu 3:5

Kadi Mvidi Mukulu utata muanyishe Moshe mu nzubu wende mujima. Uvua muntu mutume bua kumanyisha bonsu malu avua Mvidi Mukulu musue kuamba.

Didimanyisha 10:4

Nkavua musue kufunda diakamue bivua makubakuba amba. Kadi ke meme kumvua diyi difumina mu diulu, dingamba ne: — Kumanyishi muntu malu avua makubakuba muanda mutekete mambe. Kuafundi to.

Didimanyisha 19:10

Ke meme kudiela ku makasa ende bua kumukukuila. Kadi kungambilaye ne: — Kuenji nanku to! Meme kabidi ndi amu muena mudimu bu wewe, bu bana benu badi bitaba bulelela buvua Yezu mubamanyishe. Kukuila Mvidi Mukulu nkayende! Bulelela budi Yezu ujadika, ke Mueyelu udi umanyisha bambi malu.

Didimanyisha 2:17

“Bidi Mueyelu wa Tshijila wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nembapeshe mana masokome. Nempeshe kabidi yonsu wa kudibu lusoka lutoke lufunda dina dipiadipia, didi muntu kayi mumanye, amu udi udipeta.”

Didimanyisha 5:1

Mvua mumone mukanda muvunga mu tshianza tshia balume tshia uvua musombe mu nkuasa wa butumbi. Bavua baufunde munda ne panyima, batue bitampi muanda mutekete.

Didimanyisha 5:5

Ke umue wa ku bakulu kungamba ne: — Lekela muadi. Tangila: ntambue wa mu tshisamba tshia Yuda, wa ku ndelanganyi ya mukalenga Davide, udi mutshimune. Nanku Yeye udi mua kulamuna bitampi muanda mutekete ne kubulula mukanda.