Yeshaya 7:4 - MUKANDA WA MYIDI MUKULU

⁴ Wambile Akaze ne: “Udimuke! Kuzakadi, kutshinyi tshiji tshia Resine wa bena Arame ne tshia Peka, muana wa Remalya. Badi amu bu bishelele bia nkunyi bibidi bidi bifuima.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Wambile Ahaza ne, Udimuke biebe, wikale talalâ! Kutshinyi, ne mutshima webe kauteketshi, bualu bua nshikidilu ya bimunyi ebi bibidi bidi bihatula anu muishi wa kahia, bua tshiji tshikole tshia Lesine ne Bena Sulia ne tshia muana wa Lemalaya.

Yeshaya 7:4 ပူးပေါင်းရင်းမြစ်များ

2 Bakalenga 15:27

Azariya mumane kulala mu bukalenga bua bena Yuda bidimu makumi atanu ne bibidi, Peka, muana wa Remalya, kudia bukalenga bua bena Izrayele mu Samariya. Kushalaye mu bukalenga bidimu makumi abidi.

2 Kulondolola 20:17

Kanuakuikala ne tshilumbu tshia kubaluisha muaba awu to. Nuenu bena Yerushalayime ne bena Yuda, nuimane amu muaba awu, numone mundi nnupikula. Kanutshinyi, kanupampakanyi. Malaba nuye kudibu. Nengikale nenu.”

Yeshaya 10:24

Nanku umvuayi tshidi Maweja-Nangila Mvidi Mukulu wa bukole buonsu wamba: “Bantu banyi, nuenu badi basomba mu Siyone, lekelayi kutshina bena Ashure, badi banutuuta ne mitshi, banuambuila tshibonge, muvua bena Ejipitu banuenzela bangabanga.

Yeshaya 30:15

Maweja-Nangila Mvidi Mukulu, wa tshijila wa bena Izrayele, udi wamba ne: Nenupande, amu panudi nupingana kundi, kabidi panudi nushala ne lutulu. Nenuikale ne bukole buenu, panudi nulama lutulu luenu, nutekemena kundi. Kadi nuenu kubenga amu kubenga.

Yeshaya 30:7

Balombodi badi baya nabi kudi bena Ejipitu, badi kabayi mua kuenza bualu nansha bumue. Ke pamvua muinyike Ejipitu dina ne: “Nyoka udi kayi unyungakana.”

Yeshaya 35:4

Ambilayi badi batekesha mu maboku ne: “Kanutshinyi, kolayi bo bo bo, Mvidi Mukulu wenu udiku! Udi ufika bua kunusombuela, bua kupingajila bena lukuna benu malu mabi avuabu banuenzele. Yeye mene udi ufika bua kunupandisha.”

Yeshaya 37:6

awu kubambila ne: “Nuye kuambila mfumuenu ne: Maweja-Nangila udi wamba ne: Uvua muteleje muvua balombodi ba bena mvita ba mukalenga wa bena Ashure bampenda. Kadi kutshinyi bionsu bivuabu bakula abi to.

Yeshaya 41:14

Izrayele, tshisamba tshia Yakobe, lekela kutshina. Bakuabu badi bakumona bu kantu kakese, bu kishi kadibu mua kudiata ku makasa. Kadi meme nkayanyi nenkuambuluishe. Meme Maweja-Nangila ndi njadika nanku. Meme Mvidi Mukulu wa tshijila wa bena Izrayele, nenkusungidile.

Yeshaya 7:1

Tshikondu tshivua Akaze, muana wa Yotame, ne muikulu wa Uziya, mukalenga wa bena Yuda, mukalenga Resine wa bena Arame kufika ne Peka, muana wa Remalya, uvua mukalenga wa bena Izrayele, bua kuluisha tshimenga tshia Yerushalayime. Kadi kabavua batshikuate to.

Yeshaya 7:8

Bualu, Damase udi tshimenga tshikulu tshia bena Arame, Resine udi mukalenga amu wa bena Damase. Samariya udi tshimenga tshikulu tshia bena Efrayime, Peka udi mukalenga amu mu Samariya. Kadi nkushale amu bidimu makumi asambombu ne bitanu, bua tshisamba tshia bena Efrayime kubulukatshi.’ Panudi kanuyi nushindika muoyi wenu kudi Maweja-Nangila, kanuakuikala bantu bashindame to.”

Yeshaya 8:4

Bualu muana ewu kayi muanji kumanya mua kubikila “Tatu,” nansha “Mamu,” nebatuadile mukalenga wa bena Ashure bintu bisuabu bapawule mu Damase, ne bisuabu biibe mu Samariya.

Yeshaya 8:6

— Tshisamba etshi tshidi tshibenga mayi a mu mukidi wa Shilo, adi apueka kaayi muenji. Tshidi tshiteketa mu maboku, pa kumona bakalenga babidi aba: Resine ne Peka.

Muadi 3:26

Bidi bimpe kuindila ne lutulu lupandu ludi Maweja-Nangila ukutumina.

Amosa 4:11

Meme mvua munyangakaje misoku mijima, mumvua muenze kale mu Sodome ne Ngomore. Nuenu kupatukamu amu bakese, bu tshishelele tshia lukunyi, tshidibu bapatule lukasa muiku. Kadi kanuena bapingane kundi. Meme Maweja-Nangila ndi ngamba nanku.

Abakuke 2:3

Bindi nkuleja, kabiena bienzeka mpindiewu. Kadi nebikumbane pa tshikondu tshiabi. Nansha kabiyi bienzeka lukasa, indila ne lutulu, mutekemene. Bindi nkumanyisha nebienzeke, kamuyi mpata, kabiyi nansha binenga.

Zekâya 3:2

Mutumibue wa Mvidi Mukulu kuambila Satane, mufundianganyi, ne: — Satane, Maweja-Nangila neakunyoke. Eyo, Maweja-Nangila uvua musungule tshimenga tshia Yerushalayime, neakunyoke. Yeshuwa kena bu tshishelele tshiyuabu bapatule kuiku anyi?

Matayi 10:28

Nenku kanutshinyi bantu badi bashipa mubidi, kadi kabayi mua kushipa muoyi. Nutshine nangananga Mvidi Mukulu, udi mua kujimija diakamue mubidi ne muoyi mu kandondu.

Matayi 24:6

Nenumvue mutoyi wa myita ya pabuipi, ne ngumu ya myita ya kule. Kadi kanutshinyi to. Ebi bionsu bidi ne bua kuenzeka; kadi ki nshikidilu wa buloba to!

Dielulula 20:3

“Nuenu bena mvita ba bena Izrayele, numanye ne: lelu nudi nuluangana ne bena lukuna benu. Panuafika muaba udibu, nukoleshe muoyi. Kanubatshinyi, kanupampakanyi, kanuzakadi to.

1 Samuele 17:32

Ke Davide kumuambila ne: — Mukalenga, muntu nansha umue kena mua kutshina muena Peleshete ewu to. Meme nenye bua kuluangana nende.