Yeshaya 7:20 - MUKANDA WA MYIDI MUKULU

²⁰ Dituku adi, Maweja-Nangila neanubeye nsuki, ne miosa ya pambidi ponsu, ne miedi, ne kapaya kadiye usomba, dia muamua dia musulu wa Perate. Kapaya kende aka, ke mukalenga wa bena Ashure.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Mu dituku adi Mukelenge neanuheye ne dihaya diakabuesheye mu mudimu wandi, ne diakangateye mu nseke ya buloba idi ku nyima kua Musulu wa Pelata, neanubeye ne mukelenge wa Ashû mene, neabeye nsuki ya ku mitu ne miosa ya ha makasa; dihaya nediumushe muedi wonso kabidi.

Yeshaya 7:20 ပူးပေါင်းရင်းမြစ်များ

Yeshaya 1:5

Nudi nutungunuka ne buenzayi buenu bua tshinyi? Dinyoka divuabu banunyoke ki ndikumbane anyi? Mutu wenu onsu mmutapike mputa, muoyi wenu wa munda kawena ne bukole.

Yeshaya 10:15

— Tshisuyi tshidi mua kudimona tshipite mfumuatshi anyi? Nseele wa kupanda nende mabaya udi mua kudiangata ne mushinga mupite wa muenaye anyi? Dikombu kadiena dijuula muntu, kadi muntu ngudi udijuula! Tshibonge katshiena tshinyungisha muntu, muntu ngudi utshinyungisha.

Yeshaya 11:15

Maweja-Nangila neakamishe musapa wa mayi manene a Ejipitu. Yeye neakanyine ne tshianza tshiende musulu wa Perate. Ku bukole bua Mueyelu wende, neaukosolole tusulu muanda mutekete, tudibu mua kusabuka ku makasa.

Yeshaya 36:1

Mu tshidimu tshia dikumi ne tshinayi tshivua Izkiya mu bukalenga, Senakeribe, mukalenga wa bena Ashure, kuluisha bimenga bionsu bia bena Yuda bivuabu bakoleshe ne bimana, kubikuata.

Yeshaya 8:7

Nenku nembueje mu ditunga diatshi, mayi a musulu wa Perate, mayi mapite bungi, a muenji mukole kabidi. Ke mukalenga wa Ashure, ne tshiluilu tshiende. Mayi a musulu wa Perate, neapasalale dia muamua ne dia munu.

Yeshaya 9:13

Nenku Maweja-Nangila neanyoke bena Izrayele bonsu, bamfumu ne bantu babu, amu dituku dimue, amu mudibu bakose mutu ne mukila.

Yirmeya 2:18

Mpindiewu, nudi nuya kuenza tshinyi mu Ejipitu? Nudi nuya kunua mayi a musulu wa Nile anyi? Nudi nuya kudi bena Ashure bua tshinyi? Bua kunua mayi a mu musulu wa Perate anyi?

Yezekiyele 29:18

— Yezekiyele, Nebukadnesare mukalenga wa Babilone uvua muenzeje bena mvita bende mudimu mukole bua kuluisha Tire. Nanku bena mvita bende badi mpindiewu ne mabala pa mitu, bapuluka pa makaya. Kadi, nansha mukalenga nansha bena mvita bende, kabena bapeta kantu mu mvita ya Tire to.

Yezekiyele 29:20

Ndi mmupesha ditunga dia Ejipitu, bua kumufuta bua midimu idiye mungenzele. Bualu bena mvita bende mbankuatshile mudimu. Meme Maweja-Nangila Mvidi Mukulu, ndi njadika bualu abu.