Yeshaya 66:13 - MUKANDA WA MYIDI MUKULU

¹³ Eyowa, meme kabidi nenkusambe mudi mamu usamba muanende, — nenkusambe nansha mu Yerushalayime! —

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bu mudi muntu udi mamuʼandi usamba, nennusambe muomumue; nenusambibue mu Yelushalema.

Yeshaya 66:13 ပူးပေါင်းရင်းမြစ်များ

Misambu 137:6

Meme tshiyi nkuvuluka, tshiyi nsanka nsanguluka bualu buebe, ludimi luanyi lulamate mu tshilakalaka!

Misambu 94:19

Pamvua nsumpakana bua ntatu, wewe kunsamba, kunsankisha kabidi.

Yeshaya 12:1

Dituku diudi upeta lupandu, newambe ne: “Maweja-Nangila, ndi nkuela tuasakidila. Uvua mumfikile munda pa bualu. Kadi tshiji tshiebe tshiatuyi. Udi muvue kunsamba.

Yeshaya 40:1

Mvidi Mukulu udi wamba ne: Sambayi bantu banyi! Kanujingakanyi to!

Yeshaya 40:2

Nukoleshe bena Yerushalayime ku muoyi! Nubele mbila, nubambile ne: “Midimu yenu mikole yajiki! Nudi bafute tshibawu tshienu. Maweja-Nangila mmununyoke misangu ibidi dinyoka dijima dinuvua ne bua kupeta.”

Yeshaya 49:13

Diulu, lejaku disanka diebe! Buloba, Sankaku! Mikuna minene, imbayi misambu ne meyi makole. Bualu Maweja-Nangila udi usamba bantu bende. Bantu bende badi bakenga, udi ubafuila luse.

Yeshaya 51:12

Maweja-Nangila udi wamba ne: Udi unusamba ke meme! Amu meme nkayanyi! Bantu banyi, munudi nutshina muntu mmunyi? Muntu yonsu udi unenga katupa kipi bu bisosa, ufua.

Yeshaya 51:3

Ke mudi Mvidi Mukulu usamba Siyone lelu. Udi musue kufuila badi basomba mu makolu ende luse. Buloba ebu bukavua bu tshipela. Maweja-Nangila neabuenze budimi buimpe. Buloba buatuke ebu, neabuandamune lupangu lua Edene. Koku aku bantu nebele mbila mikole ya disanka. Nebimbe misambu, bakokola bisanji, bela Maweja-Nangila tuasakidila.

Yeshaya 66:10

Nuenu badi bananga Yerushalayime, sankayi nende pamue, sangulukayi bualu buende. Nuenu bonsu bavua mu madilu, bua pavuaye mu dikenga, sankayi nende mpindiewu.

2 Korente 1:3

Tutumbishayi Mvidi Mukulu, Tatu wa Mfumu wetu Yezu Kristu, Tatu udi utunanga bikole. Yeye ke Mvidi Mukulu udi utuambuluisha misangu ne misangu mu makenga etu onsu.

2 Korente 1:4

Nansha tuetu bapete makenga a mishindu kaayi, udi utusamba amu kutusamba. Ke mutudi mua kusamba kabidi badi mu makenga mashilangane, ne disambangana didi Mvidi Mukulu mene utusamba nadi.

1 Tesalonike 2:7

Bu mutudi bapostolu ba Kristu, tuvua mua kunuleja bumfumu buetu. Kadi patuvua kuenu, tuvua banuleje muoyi wa kalolu, amu mudi mamu ukuba bana bende.