Yeshaya 66:12 - MUKANDA WA MYIDI MUKULU

¹² Maweja-Nangila udi wamba ne: “Ndi ntuma musulu wa diakalenga ku Yerushalayime, ne biuma bia matunga makuabu bungi bu musulu udi mupasalale mu tshisuku. Nenkukube mudi mamu wamusha muanende, umutuala ku lubese, umukongololuela pa bibelu biende.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bualu bua Yehowa udi wamba dî edi ne, Monai, nemmukumbashile diakalengele bu musulu wa mai, nemmukumbashile biuma bia bisamba bia bantu bu musulu udi uhasalala mielelu yau; nenuamue mabele andi, nebanutuale ha lubese luandi, nebanukuongoluele ha bibelu biandi.

Yeshaya 66:12 ပူးပေါင်းရင်းမြစ်များ

Yeshaya 14:2

Bantu ba mu bisamba bikuabu nebambuluishe bena Izrayele, nebabafile kuabu. Mu buloba bua Maweja-Nangila, bena Izrayele nebadiangatshile bantu aba balume ne bakaji bu bapika babu. Bantu bavua babela mu lukanu, bena Izrayele nebabele kabidi mu lukanu. Nebashale bamfumu ba bantu bavua babatumina diyi.

Yeshaya 26:3

Bualu ke bantu badi bajadika malu ne muoyi umue. Wewe Maweja-Nangila udi ubalama ne bupole, bualu badi batekemena kuudi.

Yeshaya 33:21

Momu amu ke mudi Maweja-Nangila, utulejila butumbi buende. Nemuikale misulu mikese, ne mialabale. Momu amu matu a mvita kaena endelamu. Matu manene kaena apitshilamu.

Yeshaya 45:14

Izrayele, Maweja-Nangila udi ukuambila ne: tshionsu tshidi bena Ejipitu bapeta ku mudimu wabu, makasa adi bena Kushe, nansha bantu bale ba kafiondu ba mu Seba bapeta, bionsu ebi nebipitshile muebe, nebikale bintu biebe. Bantu aba nebakulonde, bamane kubasuika ne nkanu. Nebadiele panshi kumpala kuebe, bakutondela ne: “Mvidi Mukulu udi amu kuebe. Kena munga muaba to.”

Yeshaya 48:18

Eyi! bu wewe munteleje bimpe, bu wewe mukumbaje tshimvua mukutumine diyi! Nanku musulu wa diakalenga uvua mua kukupuekela. Lupandu luvua mua kufika kuudi, bungi bu mavuala a mayi manene!

Yeshaya 54:13

Bana bebe bonsu nembalongeshe meyi anyi. Nebasombe mu bupole.

Yeshaya 54:3

Bualu neuvulangane ku nseke yonsu. Bana bebe ba balume nebangatulule maloba adi mu bianza bia bena mutumba. Nebasulule kabidi mu bimenga, muvua mushale dikolu.

Yeshaya 59:19

Nenku bantu nebatshine Maweja-Nangila. Nebanemeke butumbi buende, bituadije luseke ludi diba dipatukila, too ne luseke ludidi dibuelela. Neafike lubilu, bu musulu wa muenji mukole, udibu basakila kudi tshipepela.

Yeshaya 60:16

Bena matunga ne bakalenga babu, nebakukuatshile mudimu, mudi mamu wamusha muanende. Nenku neumanye ne: meme Maweja-Nangila ndi mukupandishi webe. Meme Mvidi Mukulu wa Yakobe, ndi mudiangatshile bualu buebe ne manza abidi.

Yeshaya 61:6

Nuenu mene nebanuinyike ne: “Ke batuangaji ba Maweja-Nangila.” Bantu nebanutele bamba ne: “Ke bantu badi bakuatshila Mvidi Mukulu wetu mudimu.” Nenusankile ku mpetu ya bukua matunga. Nenuditembe ne bintu biabu.

Yeshaya 66:11

Nenku nutshionkomoke! Nenudie nuukute, padi Yerushalayime unusamba, unudisha, mudi mukaji wamusha muana dibele, bua bana banue dibele ne disanka.

Yeshaya 9:6

Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.

Yeshaya 9:7

Maweja-Nangila uvua mulumbuluishe ndelanganyi ya Yakobe. Kupishaye bukalenga bua Izrayele.

Yirmeya 33:6

Kadi, ndi ngondapa tshimenga etshi, mudibu bondapa muntu ne mputa. Nentshiondape, ntshipesha bukole bua mubidi. Nemfile bupole ne ditalala kudi bantu batshi.

Agayi 2:9

Nanku nzubu mupiamupia wanyi ewu, neikale muimpe mupite wa kale. Kabidi nempeshe bantu banyi ditalala mu nzubu ewu. Meme Maweja-Nangila wa bukole buonsu, ndi ngamba nanku.