Yeshaya 65:9 - MUKANDA WA MYIDI MUKULU

⁹ Meme nemvudije bena tshisamba tshia Yakobe, ne bena diku dia Yuda. Bonsu aba bandi musungule, nebasombe pa mikuna yanyi minene, nebapiane ditunga. Bantu badi bandamate nebasemu nzubu yabu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nempatule tunkanunuma mu Yakoba, nempatule bahianyi ba mikuna yanyi mu Yuda; bantu banakusungula nebahiane buloba, ne badi bankuatshila mudimu nebashikamemu.

Yeshaya 65:9 ပူးပေါင်းရင်းမြစ်များ

Yeshaya 27:6

Matuku adi kumpala, bena Izrayele, bena tshisamba tshia Yakobe, nebeele miji mipiamipia. Nebeele bilongu, nebasampile, nebuwuje buloba bujima ne bimuma biabu.

Yeshaya 30:19

Nuenu bena Siyone, badi basomba mu Yerushalayime, katshia kanuakudila kabidi to. Panuabikila Maweja-Nangila, neanuambuluishe ne muoyi wa kalolu. Yeye mumvue amu muadi wenu, neanuandamune.

Yeshaya 32:18

Bantu ba Maweja-Nangila nebasombe talalaa, muaba udi bupole ne dikisha, muaba udibu kabayi ne lutatu nansha lukese.

Yeshaya 45:19

Meme tshiena muakule mu musokoku. Muaku wanyi kawena ufuma mu miidima. Tshiena mutumine ndelanganyi ya Yakobe diyi, bua inkebele muaba udi mutupu. Meme Maweja-Nangila ndi ngamba malu amu patoke. Malu onsu andi mmanyisha mmalelela. Ndi ngakumbaja.”

Yeshaya 45:25

Kadi nengambuluishe ndelanganyi yonsu ya Izrayele, bua bapete tshidibu ne bua kupeta. Nanku nebantumbishe.

Yeshaya 49:8

Maweja-Nangila udi wamba ne: “Padi tshikondu tshia lupandu tshifika, nengandamune ku dindomba diebe. Pafika dituku dia kukupandisha, nenkuambuluishe. Mvua mukuteke, mukulame, bua ukumbaje bimvua mulaye bantu banyi. Ndi nnupingaja mu ditunga dienu, bua nusombe tshiakabidi miaba yonsu mu buloba bua tshijila, buvuabu banyangakaje lelu.

Yeshaya 57:13

Paudi wela lubila, ulomba diambuluisha, mvidie yebe yonsu ayi ikupandishe, tumone! Kadi mvunde neaye nayi, lupepele neluyikombe! Amu bantu badi batekemena kundi, nebapiane ditunga, nebasombe pa mukuna wanyi wa tshijila.

Yeshaya 60:21

Bantu bebe bonsu nebalame meyi anyi. Kabakubipata kabidi mu ditunga diebe. Ke bantu bamvua mufuke ne bianza bianyi, bua baleje bantu bakuabu butumbi buanyi. Badi bu mitshi indi mukune mu lupangu luanyi.

Yeshaya 65:15

Bantu banyi nebangate dina dienu, bua kutshipa nadi bantu bakuabu. Nebambe ne: “Maweja-Nangila Mvidi Mukulu akushipe, bu mudiye mushipe kampande nansha kansanga.” Kadi, bantu banyi badi bandamate, nebapete dina dikuabu.

Yeshaya 65:22

Kukuasa kabidi nzubu, bua muntu mukuabu kumuangata to. Kakukuna kabidi bintu, bua muntu mukuabu kusanka nabi to. Bantu banyi nebalale panu baboboke, amu mudi mitshi ilala bidimu ne bidimu. Bantu bandi nnanga nebasanke ne bintu bivuabu bapete ku midimu ivuabu bakuate.

Yezekiyele 36:24

“Pandi mumane kunumusha munkatshi mua matunga a bantu munuvua, nennusangishe, nnupingaja mu ditunga dienu.

Sefanya 3:20

Diba adi, nennupingaje mu ditunga dienu, nennusangishe muaba umue. Nenudimuene mundi nkudimuna dikenga dienu. Nennupeshe butumbi ne lumu, munkatshi mua bantu bonsu ba pa buloba. Meme Maweja-Nangila ndi ngamba nanku.”

Matayi 24:22

Bu Mvidi Mukulu kayi mukepeshe bungi bua matuku awu, muntu nansha umue kavua mua kupanda. Kadi mmuakepeshe, bualu bua bantu badiye musungule.

Rome 11:28

Patudi lutangila mushindu uvua bena Yuda babenge Lumu lua Disanka, badi baluishi ba Mvidi Mukulu, kadi amu bua nuenu kutuuta dikasa dimpe. Kadi patudi bitangila mushindu uvua Mvidi Mukulu musungule bankambua babu, badi bashala bantu badiye unanga.