Yeshaya 63:2 - MUKANDA WA MYIDI MUKULU

² — Kadi mudi bilamba biebe bikunze kunzuu mbishi? Makeji makunze awu mmafume penyi? Bidi bifuanangane ne bilamba bia muntu uvua ukama tumuma tua mvinyo mu tshiamu.

Mukanda wa Nzambi Dihungila Dikulukulu ne Dihungila Dihia-dihia 2003

² Bilulu biebe bidi bikunze bualu kai? Bivualu biebe bidi bu bia udi udiata tumuma mu tshikaminu tshia tumuma tua nvinyo munyi?

Yeshaya 63:2 ပူးပေါင်းရင်းမြစ်များ

Genese 49:11

Mionji ya maluvu a mvinyo neikale miaba yonsu, nansha muntu usuikaku nyama wa mpunde ki mbualu to. Neasukule bilamba biende ne maluvu, nansha tshinkutu tshiende mu mashi a tumuma tua mvinyo.

Yeshaya 59:17

Maweja-Nangila udi uvuala buakane, mudibu bavuala kazaku ka tshiamu ka mvita. Udi wasa lupandu, mudibu basa tshifulu ku mutu. Uvua uvuala dijinga dia kulongolola malu mimpe, amu mudibu bavuala bilamba. Tshinkutu tshidiye mudibuikile, ke disuminyina didiye nadi dia kuluangana mvita.

Yeshaya 63:1

Nganyi ewu udi ufuma ku Edome, mu tshimenga tshikulu tshia Bosra, ne bilamba bikunze kunzuu? Udi muvuale tshinkutu tshiende. Udi wenda mpala muele mulu, mudiumvue mudiye ne makanda! Maweja-Nangila udi wandamuna ne: — Ke meme! Ndi mufike bua kukosa nsambu, ndi mufike bua kunyoka bukua matunga, bua nsungidile bantu banyi.

Yezekiyele 35:6

Nanku meme Maweja-Nangila Mvidi Mukulu udi ne muoyi nennunyoke. Bualu mashi a bantu banudi bashipe adi akeba badi mua kuasombola. Bualu nuvua bashipe kanuyi nupingana panyima. Nanku nebanushipe penu.

Didimanyisha 14:19

Nenku ke mutumibue kukuata mudimu ne muele wende pa buloba, kunowa tumuma tua nwinyo, kutuela mu tshikaminu tshinene tshia tshiji tshikole tshia Mvidi Mukulu.

Didimanyisha 19:13

Uvua muvuale muntumpu mutua mu mashi. Dina diende didi ne: “Muaku wa Mvidi Mukulu.”

Didimanyisha 19:15

Mukana muende muvua mupatuka muele mutue wa kutapa nawu bisamba bidi bimubenga. Neabiludike ne dikombu dia tshiamu. Neabizaze mudibu bazaza tumuma tua nwinyo mu tshikaminu. Ke mudiye utalaja tshiji tshia Mvidi Mukulu wa bukole buonsu tshidi tshikuatshisha bantu buowa.