Yeshaya 61:3 - MUKANDA WA MYIDI MUKULU

³ bua kusankisha bena mu Siyone badi badila muadi. Ndi ne bua kubasa tshifulu tshia lumu, pa mutu pa butu buvuabu babalabe ku mitu. Ndi ne bua kubalaba mafuta a mupuya muimpe, bua kumusha dibungama didi pa mpala yabu. Ndi ne bua kubavuadika tshilamba tshia tshibilu, bua kumusha kanyinganyinga kadi mu muoyi wabu. Nanku nebabafuanyikije ne mitshi idi isankisha Mvidi Mukulu, nansha ne lupangu luimpe ludi luleja butumbi bua Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

³ bua kusamba badi badila mu Siona, bua kubaha nkata mulengele bua kubuesha ku mutu mu muaba wa butue, mafuta a disanka mu muaba wa madilu, tshivualu tshia butumbi mu muaba wa mutshima muneme bujitu; bua babikidibue ne, Mitshi ya telebinta ya buakane, ditentula dia Yehowa, bua yeye atumbishibue.

Yeshaya 61:3 ပူးပေါင်းရင်းမြစ်များ

Estere 8:15

Mordekayi kupatuka mu nzubu wa mukalenga muvuale tshilamba tshia bukalenga tshifikuluke, tshitoke, mutentakaje tshinkutu tshia buanda bukunze. Uvua muase kabidi tshifulu tshinene tshia mpawungi. Bena mu tshimenga tshia Shushane bavua bela tunkunduluila ne bibingu bia disanka.

Estere 9:22

Bualu matuku awu, bena Yuda bavua bapete dikisha, kabatshiwa ne muluishi kabidi to. Ngondu awu, dibungama diabu divua diandamuke disanka, dikenga divua diandamuke diakalenga. Nanku bavua ne bua kuenza bibilu ne disanka, batuminangana bintu bia kusankishangana nabi, kupesha bapele bintu.

Misambu 104:15

ne maluvu a mvinyo bua kubasankisha, ne mafuta bua kukenkesha mpala yabu, ne diampa bua kubapesha bukole.

Misambu 149:4

Bualu Maweja-Nangila udi ne disanka bua tshisa tshiende, udi utumbisha bapuekele, ubapandisha.

Misambu 23:5

Udi untekela mesa, baluishi banyi batangile, undaba tshilabu tshia muenyi muimpe. ungelela maluvu dikopu tente.

Misambu 30:11

Maweja-Nangila, teleja, umfuile luse. Maweja-Nangila, ungambuluishe.

Misambu 30:12

Uvua wandamuna kanyinganyinga kanyi, kenza tshianga tshia disanka. Uvua mumvule tshilamba tshia madilu, mumvuadike tshia tshibilu.

Misambu 45:7

Nkuasa webe udi mushindama kashidi, amu bu mudi nkuasa wa Mvidi Mukulu. Udi ulombola bukalenga buebe ne buakane.

Muambi 9:8

Matuku onsu uleje amu disanka, vuala bilamba bimpe, laba manananshi pa mpala.

Yeshaya 12:1

Dituku diudi upeta lupandu, newambe ne: “Maweja-Nangila, ndi nkuela tuasakidila. Uvua mumfikile munda pa bualu. Kadi tshiji tshiebe tshiatuyi. Udi muvue kunsamba.

Yeshaya 26:2

Unzululayi biibi. Bantu badi ne diyi dimue, badi bakumbaja tshidibu balaye, babuele.

Yeshaya 44:23

Eyowa, Maweja-Nangila udi muenze bualu. Diulu, leja disanka diebe patoke. Bidi mu kandondu ka buloba, imbayi ne meyi makole. Nuenu mitshi idi mu metu, nuenu kabidi mikuna, elayi mbila ya disanka. Bualu Maweja-Nangila udi upandisha bantu bende. Udi uleja lumu luende, padiye usungidila bena Izrayele.

Yeshaya 46:13

Malu aa kaena kabidi nenu kule to. Akadi pa kukumbana amu mpindiewu! Lupandu kaluena lunengakana. Meme mene ndi mfika nalu mu Siyone. Eyowa, ndi ntuadila bena Izrayele tshitupa tshia butumbi buanyi.

Yeshaya 52:1

Wewe Yerushalayime, jukaku, kankamana, fululuka lukasa. Wewe Siyone, tshimenga tshia tshijila, vuala bilamba biebe bilengele. Bualu benyi ne bantu babi, kabena babuela kabidi muebe to.

Yeshaya 61:10

Ndi ngela Maweja-Nangila tuasakidila muanyi muonsu. Ndi ntumbisha Mvidi Mukulu wanyi ne musangelu, bualu dingambuluisha diende didi bu tshivualu tshidiye umvuadika. Lupandu ludiye untuadila, ludi bu tshinkutu tshidiye umbuikila. Ndi ne disanka bu dia musedianganyi mupiamupia, udi wasa tshifulu tshia tshibilu, nansha bu dia nsongakaji udi ubuela mu dibaka, uvuala bilengejilu biende.

Yirmeya 31:13

Nanku, bansongakaji nebaje maja a disanka. Nansha bansongalume mene, ne bakulumpe nebasanke. Bualu Maweja-Nangila udi wamba ne: Nenkudimune kanyinganyinga kabu, kandamuke disanka. Nembasambe, ngumusha ntatu buabu nayi. Nembuwuje ne disanka.

Yezekiyele 34:29

Nembapeshe madimi adi ne bufuke bua bungi. Kabakuikala kabidi ne nzala mu ditunga diabu to. Bantu ba bisamba bikuabu kabakubapepeja kabidi to.

Yezekiyele 47:7

Nanku meme kumona ne mitshi ya bungi ivua mpindiewu ku mielelu yonsu ya muenji wa mayi.

Zekâya 3:5

Kubambilaye kabidi bua bajingile Yeshuwa tshitambala tshimpe ku mutu. Nanku kumujingilabu tshitambala ku mutu, kumuvuadika ne bilamba bimpe, mutumibue wa Mvidi Mukulu mutangile.

Matayi 15:13

Yezu kuandamuna ne: — Mutshi onsu udi Tatu wanyi udi mu diulu kayi mukune, nebawujule ne miji yawu.

Matayi 5:16

Ke mudi butoke buenu ne bua kukenkela bantu, bua bamone malu mimpe anudi nuenza, batumbishe Tatu wenu udi mu diulu.

Luke 15:22

Kadi tatu kuambila bena mudimu bende ne: “Ambulujayi, tualayi tshilamba tshimpe; numuvuadiketshi. Numuele kakanu ku munu. Numutuadile bisabata, numuelebi.

Yowanane 15:8

Butumbi bua Tatu wanyi budi bumueneka, panudi nukuama bimuma bivule, kabidi nudileja nanku munudi balongi banyi.

Yowanane 16:20

Ndi nnujadikila ne: nenudile, nuele miyenga, kadi ba pa buloba nebasanke. Nenubungame. Kadi dibungama dienu nediandamuke disanka.

1 Korente 3:9

Bualu tudi tukuatshila Mvidi Mukulu mudimu amu umue, kabidi nuenu nudi budimi bua Mvidi Mukulu. Tudi mua kuamba kabidi ne: nudi nzubu wa Mvidi Mukulu.

1 Korente 6:20

Mvidi Mukulu mmunusumbe, mufute mushinga. Nanku tumbishayi Mvidi Mukulu mu mubidi wenu.

Filipe 1:11

Diba adi amu malu enu mimpe, avua Yezu Kristu muenze nenu, bua kutumbisha ne kunemeka Mvidi Mukulu, neikale biuma bienu.

2 Tesalonike 1:10

Ebi nebienzeke dituku didi Mfumu ufika, bua bantu bonsu badi bende, bamutumbishe, bua bonsu badi bamuitaba, bamusamune. Nuenu kabidi nenuikale munkatshi muabu, bualu nuvua bitabe bituvua banulongeshe.

Ebrewu 1:9

Udi unanga bidi Mvidi Mukulu musue, ubenga bidiye ubenga. Ke pavua Mvidi Mukulu, Mvidi Mukulu webe mukujidile, mukuele manyi a tshijila a disanka pa mutu, mukusungule anu wewe, mubenge bena mulongu nebe.”

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

1 Petro 4:14

Nudi bena diakalenga, padibu banupenda bualu nudi nulonda Kristu munyima. Bualu Mueyelu wa butumbi, Mueyelu wa Mvidi Mukulu mmunutulukile.