Yeshaya 60:9 - MUKANDA WA MYIDI MUKULU

⁹ Ke matu adi afuma ku mielelu ya mayi a ku matunga a kule. Matu manene adi enda kumpala. Bana bebe badi pa matu aa, bafumine ku matunga a kule, bambule mpawungi yabu ne biamu bitoke bia mushinga mukole. Badi balua bua kutumbisha Maweja-Nangila, Mvidi Mukulu webe, wa tshijila wa bena Izrayele. Bualu Yeye ke udi ukusankisha nenku.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bulelela, maloba a ku muelelu wa mai neangindile, ne matu a ku Tâshishi neadianjile kufika, bua kulua ne bana bebe ba balume ku miaba idi kule, balua ne argent wabo ne or wabo diatshimue nʼabo, bua muanda wa dina dia Yehowa Nzambi webe, ne bua muanda wa Wa Tshijila wa Isalele, bualu bua yeye wakukutumbisha.

Yeshaya 60:9 ပူးပေါင်းရင်းမြစ်များ

Genese 9:27

Mvidi Mukulu asankishe Yefete, ndelanganyi ya Yefete isombe mu nzubu ya ntenta ya bena Sheme; Kenaane ikale mupika wa Yefete!”

1 Bakalenga 10:1

Mukalenga mukaji wa mu ditunga dia Saba, kumvuaye lumu lua Shelomu. Kuyaye bua kumonangana nende, kumukonka malu makole bua kujadika muvua lungenyi luende.

1 Bakalenga 10:22

Mukalenga Shelomu uvua ne matu avuaye utuma mitantshi mile, musangu umue ne matu a mukalenga Irame. Pavua bidimu bisatu bipite, matu awu avua apingana mambule tshiamu tshia mpawungi, tshiamu tshitoke tshia mushinga mukole, mibanga, nyama ya nkima, ne nyunyi ya mu matunga makuabu.

1 Bakalenga 22:48

Kadi, tshikondu atshi, mu ditunga dia Edome kamuvua mukalenga to. Muvua anu mulombodi uvua mukalenga wa bena Yuda mutekemu.

1 Bakalenga 8:41

“Padi bantu batumbisha dina diebe dia butumbi, bamanyishangana bukole buudi wenza nabu bishima, bantu benyi nebumvue lumu alu. Nanku, muntu muenyi yonsu udi kayi wa mu tshisamba tshia bantu bebe bena Izrayele, padiye ufuma kule, ufika mu nzubu emu bua kukutendelela,

Misambu 48:7

Luzakalu kubenza, bu mudi dikenga dikuata mukaji pa kulela,

Misambu 72:10

Bakalenga ba mu Tarshishe ne ba mu bidila bia kule, nebamutumine malambi, ba mu Saba ne ba mu Seba bamutuadile milambu.

Misambu 97:1

Maweja-Nangila udi mukalenga, buloba bujima busanke, bantu bonsu badi kule basanke!

Ekesode 33:19

Maweja-Nangila kuandamuna Moshe ne: — Nenkuleje buakane buanyi, nenkuambile kabidi dina dianyi dia “Maweja-Nangila”. Muntu undi musue kunanga, ndi mmunanga, kabidi muntu undi musue kufuila luse, ndi mmufuila luse.

Nsumuinu 18:20

Muntu udi uukuta ne diyi dia mukana muende. Tshidiye wamba tshidi mua kumudisha.

Yeshaya 11:11

Dituku adi Maweja-Nangila neenze tshiakabidi muende muonsu, bua kupikula bantu bende. Neapingaje kuabu bavua bashale ne muoyi mu ditunga dia Ashure ne dia Ejipitu, mu ditunga dia Patrose ne dia Kushe, mu Elame ne mu Babilone, mu Amate wa bena Arame, ne mu matunga a ku muelelu wa mayi manene.

Yeshaya 2:16

Neine matu manene onsu mu mayi, kabidi ne majuwa, nansha wowu malenga bishi.

Yeshaya 24:15

“Nuenu bena ku luseke ludi diba dipatukila, tumbishayi Maweja-Nangila. Nuenu badi basomba ku mielelu ya mayi manene, kobolayi dina dia Maweja-Nangila Mvidi Mukulu wa Izrayele.”

Yeshaya 42:10

Imbilayi Maweja-Nangila musambu mupiamupia. Nuenu badi benda mu mayi manene, nuenu bifukibua bidi biendamu, ne nuenu bantu badi base kulekule, numutumbishe too ne ku ndekelu kua buloba.

Yeshaya 42:4

Kakuteketa mu maboku, kakupungila, too ne muabuejaye malu malenga pa buloba bujima. Bantu ba ku matunga a kule, badi amu bamuindila, bua abalongeshe.

Yeshaya 43:4

Bualu udi ne mushinga ku mesu anyi. Kakuena mukuabu, amu wewe! Meme ndi mukunange. Nenku, ndi mfila bantu bakuabu pa mutu pebe. Bisamba bikuabu nembishintakaje nebe.

Yeshaya 43:6

Nengambile badi ku mutu ne: ‘Nubalekele, bapingane kuabu.’ Nengambile badi kuinshi ne: ‘Kanukandamanyi nabu to.’ Nufike ne bana banyi ba balume, badi ku mutu kuaka. Nufike ne bana banyi ba bakaji, badi ku ndekelu kua buloba.

Yeshaya 46:13

Malu aa kaena kabidi nenu kule to. Akadi pa kukumbana amu mpindiewu! Lupandu kaluena lunengakana. Meme mene ndi mfika nalu mu Siyone. Eyowa, ndi ntuadila bena Izrayele tshitupa tshia butumbi buanyi.

Yeshaya 49:1

Nuenu bantu badi basomba kule, ntelejayi meme. Bisamba bia mu matunga a kule, teyayi matshi enu kundi. Maweja-Nangila uvua mumbikile meme, mamu kayi muanji kundela. Meme mutshikale munda mua mamu, ukavua munsungule bu muena mudimu wende.

Yeshaya 49:22

Maweja-Nangila Mvidi Mukulu udi wamba ne: Meme nemmanyishe bakalenga ba matunga, tshidibu ne bua kuenza. Nanku nebapingaje bana bebe ba balume, bambula mu maboku abu. Nebapingaje bana bebe ba bakaji, bambula pa makaya abu.

Yeshaya 51:5

Nkadi pabuipi, nkadi pa kunupandisha. Nkadi pa kutshimuna baluishi benu. Bantu badi basomba mu matunga a kule, nembaleje njila mululame. Badi basomba mu bidiila bidi kule kuaka, nebatekemene kundi bua meme kubasungidila.

Yeshaya 55:5

Ne wewe kabidi Izrayele, neubikile bantu benyi, baudi kuyi muanji kumanya. Bantu aba, badi kabayi banji kukumanya, nebafike kuudi. Nebafike kuudi amu bualu buanyi meme, Maweja-Nangila Mvidi Mukulu webe, wa tshijila wa Izrayele. Bualu meme ndi nkupesha lumu elu.”

Yeshaya 57:17

Ntupakanyi ya bena Izrayele, ivua mianji kumfikisha munda. Mvua mubanyoke ne tshiji. Tshivua musue kubatangila kabidi to. Kadi bobu bavua batungunuka amu ne dienza bibi, muvua muoyi wabu ubalongesha.

Yeshaya 60:4

Kenzakana ku nseke yebe yonsu, umone mudi bana bebe bonsu bafika. Badi badisangisha pabuipi nebe. Bana bebe ba balume badi bafume kule. Bantu badi bakupingajila bana bebe ba bakaji, babambula mu maboku.

Yeshaya 60:6

Ditunga diebe nediuwule ne nyama ya tumelu tente. Bangenda mushinga ba mu Madiyane ne ba mu Efa nebafume ku Saba, bisumbu ne bisumbu, ne tumelu tuabu. Nebakutuadile tshiamu tshia mpawungi ne musenga wa kamonya. Nebende batumbisha Maweja-Nangila.

Yeshaya 66:12

Maweja-Nangila udi wamba ne: “Ndi ntuma musulu wa diakalenga ku Yerushalayime, ne biuma bia matunga makuabu bungi bu musulu udi mupasalale mu tshisuku. Nenkukube mudi mamu wamusha muanende, umutuala ku lubese, umukongololuela pa bibelu biende.

Yirmeya 3:17

Bualu tshikondu atshi, nebinyike Yerushalayime ne: “Nkuasa wa bukalenga bua Maweja-Nangila.” Bisamba bionsu nebisangile mu Yerushalayime bua kuntumbisha. Nebalekele tshitunu tshivuabu natshi tshia kuenza buenzayi bu bantu bapale.

Yirmeya 30:19

Bantu badi basombamu nebimbe misambu, nebele mbila ya disanka. Nuenu ndelanganyi ya Yakobe nemwulangane. Kanuakukepela kabidi to. Bonsu nebanunemeke.

Yezekiyele 39:7

Nenkuate mudimu bua bantu banyi bena Izrayele bamanye mundi wa tshijila. Tshiena musue buabampeje kabidi to. Bisamba bikuabu nebimanye kabidi ne: meme ndi Maweja-Nangila Mvidi Mukulu wa tshijila wa bena Izrayele.

Mika 4:13

“Nuenu bena mu Yerushalayime, jukayi, shipulayi ntete. Nennukankamike, nushale mudi ngombe udi ne nsengu mikole bu tshiamu, ne bikonu bu tshiamu tshikunze. Nenuboze bantu ba bungi. Nenupawule bintu biabu, nenubijidile mu dina dianyi meme Maweja-Nangila, mfumu wa buloba bujima.”

Mika 7:12

Pashishe, bana benu, nebapingane mu ditunga dienu, bafumina ku bena Ashure ne ku Ejipitu, ku mielelu ya Nile ne Perate, ku mielelu ya mayi manene, ne ku matunga a mikuna.

Sefanya 2:11

Maweja-Nangila neabakuatshishe bowa. Neabutule nwidie yonsu ya pa buloba. Diba adi, bantu bonsu, nansha badi basomba kule kupite, nebamutendelele, muntu yonsu muaba udiye usomba.

Zekâya 14:14

Bena mu ditunga dia Yuda nebaluangane, bua kusungidila Yerushalayime. Nebanyenge bubanji buonsu bua bisamba, bidi pamue nabu; nebunguje mpawungi, biamu bitoke bia mushinga mukole, ne bilamba bia bungi.

Luke 2:32

Ke butoke budi bumanyisha bisamba bionsu muudi, bupetesha bena Izrayele, bantu bebe, lumu.

Yowanane 17:26

Ndi mukumanyishe kudibu. Nentungunuke ne dikumanyisha, bua dinanga diudi munnange dikale munda muabu, bua meme kabidi ngikale munda muabu.

Bienzedi 9:15

Ke Mfumu kumuandamuna ne: — Uye. Bualu muntu awu ke tshiamu tshia mudimu tshindi musungule, bua kumanyishaye bisamba bikuabu, bakalenga ba matunga, ne bena Izrayele, dina dianyi.

Ngalate 3:26

Bualu nudi bana ba Mvidi Mukulu, panudi nuitaba, nudisanga ne Yezu Kristu.

Ngalate 4:26

Kadi Yerushalayime wa mu diulu kena mu bupika; yeye ke mamuetu!

Yoshua 9:9

Kuandamunabu ne: — Tuetu tudi bapika bebe. Tudi bafume mutantshi mule. Bualu tudi bamane kumvua lumu lua Maweja-Nangila Mvidi Mukulu webe. Tudi bamanye malu a dikema avuaye muenze mu ditunga dia Ejipitu.