Yeshaya 59:9 - MUKANDA WA MYIDI MUKULU

⁹ Ke mudi Mvidi Mukulu kayi utuambuluisha lukasa, kayi ukumbaja bivuaye mutulaye. Tuvua batekemene kumona butoke, kadi miidima idi miaba yonsu. Tuvua bindile bua diba dipatuke, kadi tudi tuenda amu mu miidima yabufuku.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bua malu â kulumbulula kuakane kudi kule nʼetu, ne buakane kabuena butuheta; tudi tukeba munya, kadi monai, midima; tudi tukeba dinkenke, kadi tudi tuenda mu mufitu.

Yeshaya 59:9 ပူးပေါင်းရင်းမြစ်များ

Yobe 19:8

Mvidi Mukulu mmujike njila bua tshipitshi. Mmuntumine miidima bua nkebe njila wanyi mpange.

Yobe 30:26

Meme kutekemena disanka, kadi meme kupeta dikenga. Meme kuindila butoke, kadi anu miidima kuenzeka.

Misambu 82:5

“Kadi kanuena numvua, kanuena bamanye tshintu nansha tshimue, nudi mu miidima, nuenda nububuta, ke padi bantu bakeba kubutuka.

Nsumuinu 4:19

Kadi njila idi bantu babi balonda idi miidima. Kabena bamanye muaba udibu mua kulendukila.

Yeshaya 5:30

Dituku adi, nebabuele mu ditunga dia bena Izrayele, benda beela bibingu bikole, bu biona bia mayi manene. Bantu nebatangile mu ditunga, kadi kabakumona tshintu to, amu midima mikole, ne mavuba adi abuikila butoke.

Yeshaya 59:11

Tudi tupuma bonsu bu nyama wa lonji, tudila muadi bu kamandankutshi. Tuvua batekemene kudi Mvidi Mukulu, bua atuambuluishe, kadi kena muenze kalu to. Tuvua bindile lupandu, kadi ludi netu kule.

Yeshaya 59:14

Nenku bantu kabena benza bimpe to. Kabena bakumbaja bidi Mvidi Mukulu musue. Mu bisalu kamuena kabidi muntu wa muoyi muimpe, kamuena udi wamba malu patoke.

Yeshaya 59:8

Kanuena bamanye njila wa bupole. Kuonsu kunudi nupitshila, nudi nudiatakaja buakane mu makasa. Nudi nulonda amu njila mikonyangale. Kadi muntu udi unulonda mu njila yenu ayi, kakupeta bupole to.

Yeshaya 8:21

Nebapite mu ditunga baletele ne nzala. Pabapita nzala, nebapende mukalenga wabu, ne Mvidi Mukulu wabu. Bantu nebatangile kulu,

Yeshaya 8:22

nebatangile panshi, kadi nebamone amu dibungama, midima ne makenga. Nebabuele mu midima idi yenza bowa.

Yirmeya 13:16

Nemekayi Maweja-Nangila Mvidi Mukulu wenu. Tshianana nennutumine miidima, bua nuenu kutetuka pa mikuna, kuenda mu miidima inuvua kanuyi bindile, batekemena munya. Maweja-Nangila kuandamuna butuku, kunutumina miidima, bu mavuba a mvula wa tshipupu.

Yirmeya 14:19

Maweja-Nangila udi mubenge bena Yuda anyi? Kuena mumanye kabidi bena Siyone anyi? Udi mututape mputa idi kayiyi yuma bua tshinyi? Tuvua batekemene ne: bionsu nebikumbane, kadi katuena bamone tshia nsongu nansha tshimue. Tuvua bindile tshikondu tshivua makenga etu ne bua kujika, kadi tudi tumona amu malu adi atukuatshisha bowa.

Yirmeya 8:15

Tuvua batekemene ne: malu onsu neajike bimpe. Kadi kakuena bualu buimpe nansha bumue to. Tuvua batekemene ne: makenga etu neajike, kadi tudi tubutuka.

Muadi 3:2

Kungipataye kumpala kuende. Kungendeshaye mu miidima pa mutu pa kungendesha mu butoke.

Muadi 4:14

Badi benda babubuta mu njila bu mpofu, mibidi minyanguke ne mashi. Mbakandike bantu bua kulenga nansha ku bilamba biabu.

Amosa 8:9

Maweja-Nangila Mvidi Mukulu udi wamba ne: Dituku adi, nembueje diba munda munya, mu munya, buloba nebubuele mu midima.

Mika 1:12

Badi basomba mu Marote, badi bazakala bua bintu biabu bidibu mua kujimija. Dikenga didi Maweja-Nangila utuma, ndifike ne ku biibi bia Yerushalayime. Nedibuele ne mu ditunga dijima dia Yuda.

Abakuke 1:13

Kadi mesu ebe adi mimpe be. Kuena mua kuanyisha bua amone malu mabi. Bantu badi bakengesha bakuabu, kuena mua kubatangila, kuyi wenza bualu. Kadi muudi umona bidi bena tshinyangu abu benza, kuyi wamba bualu, mbishi? Bantu babi aba badi babutula matunga a bantu ba nsongu badi babapita bobu. Kadi udi umona nanku, upuwa bua tshinyi?

1 Tesalonike 5:3

Diba diamba bantu ne: “Tudi talalaa. Bionsu bidi mu bupole,” diakamue kabutu nekabakuate, mudi makenga akuata mukaji pa lulelu. Kabakupanduka to.