Yeshaya 57:5 - MUKANDA WA MYIDI MUKULU

⁵ Nudi nuenda buendenda muinshi mua mitshi minene, miaba yonsu idi mitshi ya dileji. Ku muelelu wa misulu, muinshi mua mbuebue, nudi nulambula mvidie bana.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nuenu badi badisonsuela lukuka lua masandi munkatshi mua mitshi ya telebinta, ne muinshi mua mutshi wonso udi ne muoyo; badi bashiha bana mu bibanda muinshi mua mitanta ya mabue.

Yeshaya 57:5 ပူးပေါင်းရင်းမြစ်များ

1 Bakalenga 14:23

Bena Yuda kabidi bavua bibake miaba ya kutendelela mvidie, bibake bibumba bia mabue, bibake kabidi makunji a kutendelela mvidie ku nsongu ya mikuna yonsu, ne muinshi mua mitshi ivua ne dileji dia bungi.

2 Bakalenga 17:10

Bavua bibaka bibumba bia mabue, ne makunji a kutendelela mvidie, ku nsongu ya mikuna, muinshi mua mitshi ivua ne dileji dia bungi.

2 Bakalenga 17:7

Bena Izrayele bavua babuele mu dikenga, bualu bavua batombokela Maweja-Nangila Mvidi Mukulu wabu, uvua mubasungidile mu bianza bia mukalenga wa bena Ejipitu, mubapatule mu ditunga edi. Bualu bena Izrayele bavua batendelela mvidie mikuabu,

2 Bakalenga 23:10

Yoshiya kunyangakaja tshioshelu tshivua ku Tofete, mu tshibandabanda tshia Inome, bua bantu kabayi kuoshilapu kabidi bana babu ba balume, nansha ba bakaji bua kulambula mulambu ku mvidie Moleke.

2 Kulondolola 28:3

Uvua ulambula milambu ya manananshi mu tshibandabanda tshia Inome. Uvua mulambule bana bende ba balume bu mulambu, bilondeshile bilele bibi bia bisamba bivua Maweja-Nangila muipate bua kushila bena Izrayele ditunga.

Ekesode 32:6

Bena Izrayele kujuka mu dinda dionsu, kufilabu milambu ya kuosha ne ya ditua ndondu. Pashishe, kudiabu, kunuabu, kutuadijabu kunaya.

Yeshaya 1:29

Eyowa, nenuikale ne bundu, bualu nuvua basue kusangila muinshi mua mitshi, bua kutendelela mvidie. Nenufue bundu, bualu nuvua basungule mpangu eyi, bua kuenzelamu malu enu mabi.

Yirmeya 17:2

Bualu bena Yuda badi batendelela mvidie, bayilambula milambu, bayashila makunji kuinshi kua mitshi, pa mikuna,

Yirmeya 2:20

Maweja-Nangila udi wamba ne: Wewe Izrayele, kukadi matuku a bungi audi mumbenge, muntombokele, wamba ne: “Ndi musue kudisombela.” Ke paudi ulala miaba yonsu pa mikuna, ne muinshi mua mitshi idi ne dileji dia bungi, bu mukaji muena tshiendenda.

Yirmeya 3:13

Kadi utonde bubi buebe, bualu uvua muntombokele meme, Maweja-Nangila Mvidi Mukulu webe. Uvua muye miaba yonsu kudi mvidie ya bisamba bikuabu. — Wewe kuikisha muinshi mua mitshi yonsu ivua ne dileji dia bungi. — Kuena munteleje to. Ke miaku ya Maweja-Nangila.

Yirmeya 3:6

Tshikondu tshi vua mukalenga Yoshiya mu bukalenga, Maweja-Nangila kungambila ne: — Udi mumone mudi Izrayele wenda tshiendenda anyi? Udi uya miaba yonsu ku mikuna, ne muinshi mua mitshi yonsu idi ne dileji dia bungi, bua kuenda tshiendenda.

Yirmeya 32:35

Bavua bateka mu tshibanda tshia Inome miaba ya kutendelela mvidie Baale, bua kulambulamu mvidie Moleke bana ba balume ne ba bakaji. Meme tshivua mubalombe bua benza nanku to. Tshivua nansha muele meji ku bualu bua nanku to. Kadi pa kuenza malu mabi aa, bavua basaka bena Yuda bua benze pabu malu andi mubenge.

Yirmeya 50:38

Umishayi mayi mu ditunga, misulu yonsu yume. Bualu ditunga edi nediuwule ne mpingu tente! Bonsu badi bayinemeka, bakadi bajimija lungenyi.

Yirmeya 51:7

Ditunga dia Babilone divua mu tshianza tshia Maweja-Nangila bu dikopu dia tshiamu tshia mpawungi. Bantu ba buloba bujima bavua banuinamu maluvu, bakuatshika. Bisamba bionsu bivua bijimija lungenyi, pavuabi binua maluvu avuamu.

Yirmeya 7:31

Mu tshibandabanda tshia Inome, mbalongolole muaba wa kulambuila milambu, udibu binyika ne: Tofete, bua kuoshamu bana babu ba balume ne ba bakaji bu milambu. Meme Maweja-Nangila tshivua mubambile bua kuenza bualu ebu to. Tshivua nansha muele meji ku bualu bua nanku to.

Yezekiyele 16:20

Uvua muyilambule kabidi bana ba balume ne ba bakaji bautua mundelele. Wewe kubafila bua mvidie ibadie yukute. Kabitua bikumbane bua wewe kuenda tshiendenda tshiebe patupu anyi?

Yezekiyele 20:26

Mvua muanyishe bua bapie mikiya, padibu balambule ba muanabute, babashipa. Bionsu abi bivua bibakuatshisha bowa, bua bavuluke ne: meme ndi Maweja-Nangila.”

Yezekiyele 20:28

Meme kubafikisha mu ditunga dimvua muditshipe bua kubapesha. Kadi, kuaka kuayibu, mbamone nsongu ya mikuna ivua ne mitshi ya bifufu. Kubandabu kuine aku bua kulambula milambu. Bavua bamfikisha munda ne bintu bivuabu balambula, manananshi avuabu bosha, ne maluvu avuabu balambula muaba awu.

Yezekiyele 20:31

Nansha mpindiewu nudi nupia mikiya, panudi nuyilambula bintu, nuyishipela bana benu. Nuenu bena Izrayele, nudi nuela meji ne: panudi nuenza nanku, ndi mua kuitaba bua nuenu kunkonka bualu anyi? Kabiena mua kuenzeka to! Meme Maweja-Nangila Mvidi Mukulu wa muoyi, tshiena mua kuitaba bua nunkonke bualu to.

Yezekiyele 6:13

Bitalu biabu nebishale panshi munkatshi mua mpingu yabu, ne ku nseke yonsu ya bilambuilu biabu, ku nsongu ya mikuna minene ne mikese, muinshi mua mitshi idi ne mabeji mabishi mapite bungi, ne ku miaba mikuabu yonsu idibu balambuila mvidie yabu milambu. Nanku muntu yonsu neashindike ne: meme ndi Maweja-Nangila.

Lewitiki 18:21

“Kuena ne bua kulambula bana bebe kudi mvidie wa Moleke to, bualu udi upepeja dina dianyi. Meme ndi Maweja-Nangila Mvidi Mukulu wenu.

Dibadika 25:6

Pavua Moshe ne bena Izrayele bonsu basangile, basengelela Mvidi Mukulu ku mushiku wa ntenta wa kusambakena, kumonabu muena Izrayele mukuabu ufika mu ntenta wa bana babu, ne mukaji wa bena Madiyane.

Dielulula 12:2

Nunyangakaje miaba ya tshijila yonsu, idibu base pa nsongu ya mikuna minene ne mikese, munkathi mua mitshi ya dileji, muaba udibu batendelela mvidie kudi bisamba binuanyenga matunga abi.

Didimanyisha 18:3

Bualu tshimenga etshi tshivua tshinuishe bisamba bionsu maluvu atshi, maluvu makole a buendenda buatshi bubi. Bakalenga ba pa buloba bavua benza natshi malu a bundu.’ Bangenda mushinga ba pa buloba bavua banema ne bintu bimpe kabiyi kubala, bivuatshi nabi.”