Yeshaya 57:2 - MUKANDA WA MYIDI MUKULU

² Nebabuele mu bupole buanyi. Nanku bantu badi balonda njila wa buakane, nebamone mua kuikisha talalaa.

Mukanda wa Nzambi Dihungila Dikulukulu ne Dihungila Dihia-dihia 2003

² udi ubuela biandi mu ditalala; badi bikisha mu malalu abo, muntu ne muntu mene udi wenda mu buakane buandi.

Yeshaya 57:2 ပူးပေါင်းရင်းမြစ်များ

Genese 17:1

Abrame mumane kukumbaja bidimu makumi tshitema ne tshitema, Maweja-Nangila kumumuenekela, umuambila ne: — Ndi Mvidi Mukulu wa bukole buonsu. Witabe diyi dianyi, wikale muntu muakane.

2 Kulondolola 16:14

Kumujikabu mu lukita lukuabu lua ku nkita ivuaye mumbuishe mu Tshimenga tshia Davide. Kujikabu tshitalu tshiende muaba uvuabu basangishe manananshi a bungi a mishindu mishilangane. Manananshi awu bavua baenza kudi bantu bavua bamanye mudimu awu bikole. Bavua bosha manananshi mavule mu dina dia mukalenga Asa.

Yobe 3:17

Ku bafue bena lonji kabena benza kabidi bibi to! Koku aku, bantu badi bamane kupungila, kabayi kabidi ne bukole, badi bikisha.

Misambu 37:37

Jooja muntu udi wenza malu makane, tangila muntu wa nsongu. Neumone ne: muntu wa nenku udi ne diakalenga mu bana bende.

Muambi 12:7

Diba adi, mubidi wa muntu neupingane mu buloba muvuawu mufume. Mueyelu wa muoyi neupingane kudi Mvidi Mukulu uvua mumupeshawu.

Yeshaya 14:18

Bushuwa, bakalenga bonsu ba matunga, bavua babajika ne lumu, muntu mu luende lukita.

Yeshaya 26:7

Maweja-Nangila, wewe udi uleja bantu badi bakuitaba, njila mululame wa kulondabu. Njila uudi wewe uleja bantu, udi ubafikisha buludi muaba mene udibu bakeba.

Yirmeya 6:16

Maweja-Nangila udi wamba ne: Anji imanayi mu njila. Nuele meji a bivua binuenzekele kale. Nukonke bankambua benu. Nanku nusungule njila muimpe. Nulonde njila awu bua nupete dikisha. Kadi kubengabu bamba ne: “Katuena tulonda njila muimpe to.”

Yezekiyele 32:25

Eyowa, mukalenga wa bena Elame udi ulala munkathi mua bena tshiluilu tshiende badi bafue mu mvita. Lukita luende ludi munkatshi mua nkita mivule ya bena mvita bende. Bantu bonsu aba mbafue mu mvita. Bavua bakuatshisha bantu bowa pa buloba. Mpindiewu badi balala kabayi ne lumu, pamue ne bantu bakuabu badi bafue mu mvita.

Danyele 12:13

Kadi wewe Daniyele, unanukile too ne ku nshikidilu. Nenku newikishe pashishe. Neujuke bua kuangata difutu diebe ku nshikidilu kua bidimu.’ ”

Matayi 25:21

Mfumuende kumuandamuna ne: “Bimpe, muena mudimu wanyi muimpe, muitabi wa ku diyi dianyi. Uvua mukumbaje bimpe mudimu webe ne bintu bikese bindi mukushile. Nanku nenkushile bidi ne mushinga wa bungi. Buelaku mu tshibilu tshianyi, tusanke nebe.”

Luke 1:6

Bonsu babidi bavua bakumbaja bivua Mvidi Mukulu musue, batumikila bimpe menemene mikenji yonsu ne meyi onsu bia Maweja-Nangila.

Luke 16:22

Mupele kufua. Batumibue ba Mvidi Mukulu kumuambula, kuya kumuteka mu diulu pabuipi ne Abrahame. Muena biuma kufua kabidi. Kumujikabu.

Luke 2:29

— Mukalenga, biuvua mulaye mbimane kukumbana. Witabe mpindiewu bua muntu webe afue mu bupole.

Luke 7:50

Kadi Yezu kuambila mukaji ne: — Ditaba diebe diakusungidi. Waya bimpe.

2 Korente 5:1

Tudi bamanye ne: nzubu utudi tusomba, mmomumue ne: mubidi wetu wa panu, udi upuka. Kadi Mvidi Mukulu mmutulongoluele nzubu mukuabu mu diulu, nzubu udi ushala kashidi, udibu kabayi basa kudi bantu.

2 Korente 5:8

Tudi bakole muoyi, tujinga kushiya mubidi ewu diakamue, bua kuya kusomba mu nzubu mudi Mfumu.

Filipe 1:23

Badi bankoka eku ne eku: luseke ndi musue kushiya panu, bua kuikala ne Kristu. Ke bivua mua kuikala bipite buimpe.

Didimanyisha 14:13

Pashishe meme kumvua diyi difumina mulu, dingamba ne: — Funda ne: “Badi bafuila mu mudimu wa Mfumu bituadija ku mpindiewu, mbena diakalenga!” Mueyelu wa Mvidi Mukulu udi wamba ne: “Bushuwa, nebikishe bua midimu mikole ivuabu benze, bualu malu mempe avuabu benze adi abalonda, abakuila.”