Yeshaya 56:3 - MUKANDA WA MYIDI MUKULU

³ Muena tshisamba tshikuabu, udi mulamate Maweja-Nangila, kena mua kuela meji a ne: “Maweja-Nangila mmunteke ku luseke. Mmungumushe munkatshi mua bantu bende.” Muntu mutungula kambi ne: “Ndi amu bu lukunyi luume.”

Mukanda wa Nzambi Dihungila Dikulukulu ne Dihungila Dihia-dihia 2003

³ Muena tshisamba tshia bende wakalamata kudi Yehowa kambi biandi ne, Yehowa neantahulule kudi bantu bandi bulelela; ne muntu mutungula kambi biandi ne, Mona, ndi mutshi mûme.

Yeshaya 56:3 ပူးပေါင်းရင်းမြစ်များ

2 Kulondolola 6:32

“Padi muenyi udi kayi wa mu tshisamba tshia bena Izrayele, mufume ku ditunga dia kule, mubuele mu nzubu emu bua kukutendelela, yeye mumane kumvua muudi wewe Mvidi Mukulu munene wa bukole buonsu, wenza bishima,

Estere 9:27

Nanku bena Yuda kuanyisha diyi edi, bajadike buabu bobu ne bua ndelanganyi yabu, ne bua bonsu bavua mua kubuela mu tshisumbu tshia bena Yuda, balame diyi edi bimpe. Bavua ne bua kulama bimpe matuku aa abidi a tshibilu tshia ku tshidimu ku tshidimu, bilondeshile muvua Mordekayi mulongolole.

Yeshaya 14:1

Bushuwa, Maweja-Nangila nealeje tshiakabidi mudiye munange ndelanganyi ya Yakobe, mudiye musungule bena Izrayele. Neapingaje bantu bende mu matunga abu. Bantu benyi nebadisange kudibu, nebapetangane ne bena tshisamba tshia Yakobe.

Yeshaya 39:7

Nebakuate bamue bantu ba ku ndelanganyi yebe, baye nabu ku Babilone bua kubapakula, bua bikale bena mudimu mu nzubu wa bukalenga kua mukalenga wa bena Babilone.”

Yeshaya 56:5

nebafunde dina diende ku bimana bia nzubu wanyi. Muaba awu nebamuvuluke, mudi bana ba balume ne bakaji kabayi mua kuvuluka baledi babu. Nemvuluke dina diende kashidi. Kabakudikupula kudi muntu to!”

Yeshaya 56:6

Maweja-Nangila udi wamba ne: “Bantu benyi badi bandamate, bantumbisha, bannanga, basue kuikala bena mudimu banyi, badi banemeka bimpe dituku dia Dikisha, balama ndondu ituvua batue ne tshisamba tshianyi,

Yirmeya 50:5

Nenukebe njila udi muye ku Siyone. Bualu ke muaba unudi nuenda nukeba. Nenufike kundi bua meme kutua nenu ndondu wa kashidi, unudi kanuyi mua kupua muoyi tshiendelele.

Lewitiki 21:20

nansha muntu ne katonta nyima, nansha muntu mushawuke, nansha muntu ne lusonga mu disu, nansha muntu ne lubika, nansha muntu mutungu.

Lewitiki 25:45

Bapika abu, nudi mua kubasumba kabidi ku bana ba bantu benyi badi basomba mu ditunga dienu, nansha mu balela ba benyi abu, badibu balelela mu ditunga dienu. Bantu bonsu aba badi mua kushala bantu benu.

Sefanya 2:11

Maweja-Nangila neabakuatshishe bowa. Neabutule nwidie yonsu ya pa buloba. Diba adi, bantu bonsu, nansha badi basomba kule kupite, nebamutendelele, muntu yonsu muaba udiye usomba.

Dibadika 18:4

Anu bana benu bena Levi nkayabu ke badi mua kunuambuluisha ku midimu yonsu ya mu ntenta wa kusambakena. Muntu mukuabu kena mua kufika pabuipi nenu to.

Dibadika 18:7

Kadi wewe Arone ne ndelanganyi yebe, nuenze mudimu wa butuangaji ku tshilambuilu, ne muaba wa tshijila menemene, udi kunyima kua tshilamba tshidi tshilembelela. Meme Maweja-Nangila ndi munupeshe mudimu wa butuangaji ewu. Kadi pikala muntu mukuabu usemena pabuipi nanyi, neafue.

Bienzedi 10:34

Ke Petro kuambila bantu ne: — Mpindiewu ndi njadika ne: Mvidi Mukulu kena ne kansungasunga.

Bienzedi 17:4

Bamue bena Yuda kuitaba bivua Polu ne Silase bambe, kudisangisha nabu. Ke muvua kabidi bena Ngreke ba bungi, bavua bamane kubuela mu tshisumbu tshia bena ditaba ba bena Yuda, ne bakaji bavule bamanyike, benze.

Bienzedi 18:7

Umuka ku nzubu wa kutendelela, kuyaye kua Titiyuse Yustuse, muena Ngreke uvua mubuele mu tshisumbu tshia bena ditaba ba bena Yuda. Nzubu wa muntu awu uvua mutumba ne nzubu wa kutendelela.

Rome 15:16

dia meme kuikala muena mudimu wa Yezu Kristu bua bisamba bikuabu. Ndi nkumbaja mudimu wa tshijila wa mutuangaji ewu, pandi ndongesha Lumu lua Disanka lua Mvidi Mukulu, bua Mueyelu wa Tshijila ujidile bantu ba bisamba bikuabu, bikale bu mulambu udi ulengelela Mvidi Mukulu.

1 Korente 6:17

Kadi udi udisanga ne Mfumu, udi wenza nende tshintu tshimue mu Mueyelu wende.

Efeze 2:12

Mu tshikondu atshi kanuvua pabuipi ne Kristu. Nuvua benyi. Kanuvua ba mu tshisamba tshia Izrayele, tshivua Mvidi Mukulu musungule. Ndondu ivua Mvidi Mukulu mutue ne bantu bende, ne malaya avuaye mubalaye, kabivua binutangila. Nuvua basombe panu, kanuyi batekemene tshintu, kanuyi ne Mvidi Mukulu.

Efeze 2:22

Badisange nende, nudi penu bidibu bibaka nabi nzubu, bua, pamue ne bantu bakuabu bonsu, nuenze nzubu umue, muaba udi Mvidi Mukulu usomba mu Mueyelu wende.

Dielulula 23:9

Ndelanganyi ya bena Edome ne ya bena Ejipitu, biangatshile ku ya musangu muisatu, idi misombe mu ditunga dienu, ke idi mua kubuela muaba udi bantu ba Maweja-Nangila basangile.

1 Petro 1:1

Meme Petro, mupostolu wa Yezu Kristu, ndi mfundila bantu badi Mvidi Mukulu musungule mukanda ewu. Nudi batangalake mu matunga makuabu bu benyi, basombe mu buloba bua Pontuse, bua Ngalatiya, bua Kapadokiya, bua Aziya, ne bua Bitiniya.