Yeshaya 54:9 - MUKANDA WA MYIDI MUKULU

⁹ Nengenze lelu, bimvua muenze mu matuku a Nowa. Mvua muditshipe ne: mayi a mvula kaena mua kubuikila kabidi buloba to. Ndi nditshipa kabidi nanku lelu ne: tshiena nkufikila munda, tshiena nkutandisha kabidi to.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bua bualu ebu budi bu muakadi matuku a Noa kundi; bua bu munakadi tshiha bua mai a nvula mu matuku a Noa ne, Kaena alua ha buloba kabidi, nunku nakuditshiha ne, Tshiena nkuata nʼebe tshiji kabidi, tshiena nkubela.

Yeshaya 54:9 ပူးပေါင်းရင်းမြစ်များ

Genese 8:21

Mulambu kununkilawu Maweja-Nangila mupuya muimpe. Kununganaye wamba ne: “Nansha bantu bikale anu ne meji mabi biangatshile ku buana buabu, kadi tshiena ntshipa buloba kabidi bua buenzayi bua muntu. Tshiena mua kubutula bionsu bidi ne muoyi musangu muibidi bu mumvua muenze emu.

Yobe 11:16

Kuakuvuluka makenga ebe a kale to. Neikale bu mayi a musulu mamane kupueka.

Misambu 104:9

Wewe kuelela mukalu bua kaasambuki, kaapinganyi bua kubuikila buloba.

Yeshaya 12:1

Dituku diudi upeta lupandu, newambe ne: “Maweja-Nangila, ndi nkuela tuasakidila. Uvua mumfikile munda pa bualu. Kadi tshiji tshiebe tshiatuyi. Udi muvue kunsamba.

Yeshaya 49:18

Banduluka, tangila ku nseke yebe, umone: bana bebe badi badisanga pamue bonsu, bakadi bafika kuudi. Maweja-Nangila udi wamba ne: bu mundi Meme Mvidi Mukulu ne muoyi, ndi nditshipa ne: Neusanke bua bantu bebe, amu bu mudi nsongakaji, udi ubuela mu dibaka, usanka bua mabue a mushinga mukole, ne mukaba muimpe udiye uvuala.

Yeshaya 51:22

Maweja-Nangila, Mfumu webe, Mvidi Mukulu webe, udi usungidila bantu bende, ubambila ne: “Ndi ngangata dikopu dia tshiji tshianyi, dinuvua banue dinuenza tshinyingunyingu. Kanuakunuinamu kabidi to.

Yeshaya 51:6

Tangila mulu, mu diulu! Tangila panshi, pa buloba! Diulu nedijimine bu muinshi. Buloba nebusunsuke bu tshilamba. Bantu nebafue bu njiji. Kadi lupandu lundi ntuadila bantu, nelushale kashidi tshiendelele. Bumfumu buanyi kabuakuikala ne ndekelu.

Yeshaya 51:8

Bualu nebasunsuke, bu tshilamba tshidibu badia kudi musuasua. Kadi lupandu lundi mfika nalu, nelushale matuku onsu. Bumfumu buanyi nebutungunuke ku ndelanganyi ne ku ndelanganyi ya bantu.”

Yeshaya 55:11

Ke mudi kabidi muaku wanyi. Kawena upingana kundi patupu, kauyi upatula bipeta, kauyi ukumbaja bimvua muelele meji. Meme kutuma muaku wanyi, wowu kupeta amu tshimvua muipatshile.”

Yeshaya 62:8

Maweja-Nangila mmuditshipe, wamba ne: “Bulelela, bu mundi ne bukole bua kuenza tshindi musue, ndi nditshipa kudi bantu banyi ne: tshiena mua kuitaba bua baluishi bebe kudiabu ntete ya bukula iudi mudime, nansha bua bantu badi bafuma ku matunga a bende kunuabu maluvu mapiamapia, audi mutatshile ne midimu.

Yirmeya 31:37

Pikala muntu ne bukole bua kupima butumbuke bua diulu, pikalaye ne bukole bua kubuela mu kandondu ka buloba, diba adi, nembenge bena Izrayele bonsu, bua malu mabi avuabu benze. Ke malu adi Maweja-Nangila unumanyisha.

Yezekiyele 16:42

Ke mundi mua kutalaja tshiji tshianyi, tshiyi nkumvuila kabidi mukawu. Nensombe talala. Tshiakufika munda kabidi to.

Yezekiyele 39:20

Ku tshibilu tshianyi nenudie minyinyi ya nyama ya tubalu ne ya bantu badi babandapu, ya bena mvita ba bisumbu bishilangane. Nenukute. Meme Maweja-Nangila Mvidi Mukulu, ndi njadika nanku.

Yezekiyele 39:29

Nenguwuje bena Izrayele ne Mueyelu wanyi. Tshiena mua kubalekela kabidi to. Meme Maweja-Nangila Mvidi Mukulu, ndi njadika nanku.”