Yeshaya 54:2 - MUKANDA WA MYIDI MUKULU

² Diundisha munda mua ntenta webe, sakidila bilamba, ubivungulule. Kutangidi bungi bua biudi utula. Lepesha mionji ya kusuika nayi ntenta. Popela milonda bikole mu buloba.

Mukanda wa Nzambi Dihungila Dikulukulu ne Dihungila Dihia-dihia 2003

² Vundisha muaba wa ntenta webe, bavungulule bilulu bikudika bia mu nsubu muebe; kababihihishi nansha, lungakasha mionshi ya ntenta webe, hohela mitondo.

Yeshaya 54:2 ပူးပေါင်းရင်းမြစ်များ

Genese 26:22

Kumukaye muaba awu. Kumbulaye tshiina tshia mayi tshisatu muaba mukuabu. Kadi kabena batandangana kabidi bua tshiina atshi to. Izake kutshinyika dina ne: “Ditanta” (Rehobote). Kuambaye kabidi ne: “Mpindiewu Maweja-Nangila wanyishi bua tutante, tuwlangane mu ditunga emu.”

Ekesode 35:18

milonda ya bitupa ya mu nzubu wa tshijila, ne ya ku lupangu, too ne mionji ya kuelaku.

Ekesode 39:40

— bilamba bia ku lupangu, makunji abi ne bitaku biawu, kabidi ne tshilamba tshia mu mushiku wa mbelu wa lupangu, mionji ne milonda ya bitupa yatshi; — bintu bionsu bivuabu ne bua kuenza nabi mudimu mu ntenta wa kusambakena, kabidi ne mu nzubu wa tshijila;

Yeshaya 26:15

Maweja-Nangila, Wewe uvua mutantshishe tshisamba tshietu. Wewe kusemeja mikalu yonsu ya ditunga dietu kule. Ke muuvua mupete lumu lunene.

Yeshaya 33:20

Neutangile Yerushalayime, neutangile Siyone, muaba udibu benzela bibilu bietu, nanku neumone ne: Yerushalayime ukadi muaba wa dikisha ne wa bupole, bu ntenta udibu kabayi batentemuna kabidi, kabayi batula milonda, kabayi basulula mionji yende.

Yirmeya 10:20

Kadi ntenta wanyi mmunyanguke, mionji yende mmikoseke yonsu. Tshiena kabidi ne bana. Bonsu mbumuke. Tshiena ne muntu udi mua kungimanyika ntenta, udi mua kungenzela muaba wa kusomba.

Mika 7:11

Dituku didibu bibakulula bimana bia tshimenga tshienu tshikulu nedifike. Dituku adi nebasemeje kule mikalu ya buloba buenu.