Yeshaya 53:5 - MUKANDA WA MYIDI MUKULU

⁵ Kadi bavua bamutape mputa, amu bua mibi yetu. Bavua bamukengeshe, amu bua buenzayi buetu. Bavua bamunyoke yeye, bandekele tuetu babinga. Bavua bamutuute bikole, kutulekela tuetu, kabayi nansha batulenga pambidi.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Kadi bakamutaha mputa bua mibi yetu, bakamukuma bua malu mabi etu; dikenga didi divuisha ditalala dietu diakadi hamʼbidi handi, ne tuakukoleshibua ku mibundabunda yandi.

Yeshaya 53:5 ပူးပေါင်းရင်းမြစ်များ

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

Yobe 33:24

Mutumibue awu udi umvuila muntu netu luse, ulomba Mvidi Mukulu ne: “Umulekele, kabuedi mu kandondu ka bafue to. Ndi mupete bia kumubingisha nabi.”

Misambu 30:2

Maweja-Nangila, ndi nkutumbisha, bualu uvua mumpandishe, kuvua muanyishe bua baluishi banyi banseke.

Nsumuinu 20:30

Mputa idi itusamisha ke idi ituambuluisha bua tudilengeje. Mituutu mikole ke idi yakaja meji etu.

Yeshaya 40:2

Nukoleshe bena Yerushalayime ku muoyi! Nubele mbila, nubambile ne: “Midimu yenu mikole yajiki! Nudi bafute tshibawu tshienu. Maweja-Nangila mmununyoke misangu ibidi dinyoka dijima dinuvua ne bua kupeta.”

Yeshaya 57:18

Ndi mumanye bimpe mudibu benza. Kadi meme nembenzele nenku: Nembalengeje, nembalombole mu njila, nembakoleshe ku muoyi! Bantu bavua bavuala bilamba bia madilu,

Yeshaya 6:7

Kudintuaye ku mishiku, wamba ne: “Tshibawu tshiebe tshiakujika, bubi buebe buakujimina, bualu kapia kakulenga ku mishiku yebe.”

Danyele 9:24

Mbapeshe tshisamba tshiebe ne tshimenga tshia tshijila tshiudi musombe bidimu makumi muanda mutekete, bua bajikije ditomboka diabu, balekele malu mabi, bafuilangane luse, bakose nsambu pa yoyi kashidi. Nanku malu adi Mvidi Mukulu uleja, adi bambi bambe, neakumbane. Nebajidile tshiakabidi nzubu wa Mvidi Mukulu wa tshijila.

Zekâya 13:7

Maweja-Nangila wa bukole buonsu udi wamba ne: “Muele wa myita, utape mulami wa mikoku, utuvua tukuata nende mudimu; ushipe mulami wa mikoku, mikoku neitangalake, meme mene nenduishe bana bayi.”

Matayi 20:28

Nanku Muana wa muntu kena mufike bua bamuenzele mudimu, kadi amu bua kukuatshila bantu bakuabu mudimu, ne bua kufila muoyi wende bua kupikula bantu ba bungi.

Rome 4:25

Bayua bamufundile tshibawu tshia lufu bua mibi yetu. Bavua bamupingajile muoyi bua kutubingisha ku mesu kua Mvidi Mukulu.

1 Korente 15:3

Mvua munulongeshe malu avuabu bandongeshe: Bualu bupite bunene mbobu ebu: Kristu mmufue bua mibi yetu, muvua Mikanda ya tshijila midianza kuamba.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

Efeze 5:2

Nulonde njila wa dinanga. Vulukayi muvua Kristu mutunange, mudifile bualu buetu, bu mulambu wa dipembu dimpe, uvua usankisha Mvidi Mukulu.

Dielulula 11:2

Mpindiewu, ndi nnuambila nuenu mikenji eyi. Tshiena ngambila bana benu to. Bualu bobu kabena bamona, kabena bamanya bionsu bidi Maweja-Nangila munuenzele bua kunuleja bukole buende. Anu nuenu ke badi bamanya butumbi ne bukole buende.

Ebrewu 10:10

Bu mudi Yezu Kristu mukumbaje tshivua Mvidi Mukulu musue, bavua batujimijila mibi, ku mulambu wa mubidi wende uvuaye mufile musangu umue bua kashidi.

Ebrewu 10:14

Nenku ku mulambu umue udi mufikishe tshisamba tshia bena ditaba ku bujima buatshi bua kashidi.

Ebrewu 5:8

Nansha muvuaye Muana wa Mvidi Mukulu, uvua mulonge butumike mu makenga onsu avuaye nawu.

Ebrewu 9:28

Ke muvuabu balambula Kristu musangu umue bua kujimija mibi ya bantu ba bungi. Neamueneke musangu muibidi, ki mbua kujimija mibi, kadi mbua kusungila badi bamuindila.

1 Petro 3:18

Bualu Kristu mene mmufue musangu umue bua kashidi, bualu bua mibi ya bantu. Yeye, uvua kayi ne bualu, mmufuile bena tshibawu, bua kunufikisha kudi Mvidi Mukulu. mBamushipe, bualu uvua muntu. Kadi mbamubishe ku bafue ku bukole bua Mueyelu wa Tshijila.