Yeshaya 53:3 - MUKANDA WA MYIDI MUKULU

³ Bavua bamudiombola kudi bantu. Bavua bamubenga, bualu mmuntu mudine mu makenga. Tuvua bamupetule. Katuvua bamuangate ne mushinga to. Uvua bu muntu uvuabu kabayi mua kutangila.

Mukanda wa Nzambi Dihungila Dikulukulu ne Dihungila Dihia-dihia 2003

³ Bakamulengulula, bakamulekela kudi bantu; wakadi muena kanyinganyinga, wakamanya makenga; wakadi bu muntu udi bantu basokoka mpala yabo kudiye, wakadi muhetudibue, ne katuakumuanyisha nansha.

Yeshaya 53:3 ပူးပေါင်းရင်းမြစ်များ

Misambu 69:29

Ukupule mena abu mu mukanda wa badi ne muoyi. Kubafundi pamue ne bantu bebe.

Misambu 88:4

Bulelela ndi ne makenga a bungi, ndi pabuipi ne lufu.

Yeshaya 49:7

Maweja-Nangila, wa tshijila wa bena Izrayele, udi mudiangatshile mu bianza tshilumbu tshia tshisamba tshiende. Mpindiewu, wewe udibu bapepeja, udibu badiombola, udi mupika wa bakalenga ba tshikisu, Maweja-Nangila udi ukuambila ne: “Pamona bakalenga muudi mupatuke mu bupika, nebajuke mu nkuasa yabu. Balombodi ba matunga pamonabu, nebadiele panshi bua kukunemekela.” Nebaleje mudibu banemeka Maweja-Nangila, wa tshijila wa Izrayele. Bualu yeye uvua mukusungule, udi ukumbaja kabidi bivuaye mulaye.

Yeshaya 50:6

Ndi ntuma nyima wanyi kudi bantu badi bantuuta. Ndi ndeja mbanga yanyi kudi bantu badi bantula muedi. Tshiena mbuikila mpala wanyi, padibu bantuila mate, bampenda.

Yeshaya 52:14

Bantu bavule bavua bamumone, bavua bakuatshika bowa, bua mpala wende uvua munyanguke. Kavua mufuanangane kabidi ne mpala wa muntu to.

Yeshaya 53:10

Kadi Maweja-Nangila uvua muanyishe muena mudimu wende uvuabu bakengeshe. Bu nuwuaye mufile muoyi wende pa mutu pa bantu bakuabu, muena mudimu awu neapete muoyi tshiakabidi, neikale ne ndelanganyi mivule, neashale matuku mavule pa buloba. Yeye ke wakumbaja meji adi Maweja-Nangila nawu.

Yeshaya 53:4

Kadi yeye ke uvua muangate pambidi pende makenga avua ne bua kutukuata tuetu. Uvua musame pamutu petu. Kadi tuetu tuvua bele meji ne: Mvidi Mukulu mmumunyoke, mmumutape mputa, mmumukengeshe.

Mika 5:1

Maweja-Nangila udi wamba ne: “Wewe Betleyeme wa mu Efrata, ku misoku yonsu ya bena meku a Yuda, udi musoku udi ne bantu bakese. Kadi nempatule muntu wa munda muebe, bua alombole mu dina dianyi, tshisamba tshia bena Izrayele. Muntu awu uvuaku ku kale ne kalele.”

Zekâya 11:8

Meme kuipata ku mudimu balami basatu ba mikoku, munkatshi mua ngondu umue. Kadi tshivua mulame mikoku ne lutulu, bualu ivua imbenga.

Matayi 26:67

Pashishe bamue kumufuila mate mu mpala, kumututa bisusu. Bakuabu kumukuma mapi,

Matayi 27:63

Kumuambilabu ne: — Mukalenga, tudi tuvuluka muvua muena dishima ewu, pavuaye ne muoyi, muambe ne: “Kunyima kua matuku asatu, nembike ku bafue.”

Marke 10:33

Uvua ubambila ne: — Telejayi, tukadi tuya ku Yerushalayime. Muaba awu, nebafile Muana wa muntu mu bianza bia batuangaji banene ne balongeshi ba mikenji. Nebamufundile tshibawu tshia lufu, nebamufile mu bianza bia benyi.

Marke 10:34

Bobu abu nebamuseke, nebamutuile mate pambidi, nebamutuute mikaba, nebamushipe. Kunyima kua matuku asatu, neabiike ku lufu.

Marke 14:34

kubambilaye ne: — Muoyi wanyi udi tente ne dibungama too ne ku lufu. Shalayi apa, ikalayi batabale.

Marke 15:19

Bavua bamutuuta lukodi ku mutu, bamutuila mate pambidi, bamutuila binu panshi kumpala kuende bua kumukukuila.

Marke 9:12

Yezu kubandamuna ne: — Bulelela, Eliya udi ne bua kudianjila kufika bua kulongolola malu onsu. Mudi Mukanda wa tshijila ujadika ne: nebakengeshe Muana wa muntu bikole, kabidi nebamupetule mbishi?

Luke 16:14

Baparushe bavua bumvua miaku yonsu eyi. Kadi kusekabu Yezu, bualu bavua bananga makuta.

Luke 19:41

Yezu ufika pabuipi ne tshimenga, utshimona, kuasaye muadi bualu buatshi,

Luke 8:53

Bantu abu kuseka Yezu, bualu bavua bamanye ne: nsongakaji mmumane kufua.

Luke 9:22

Kubambilaye kabidi ne: — Muana wa muntu neakenge bikole. Bakulu, batuangaji banene, ne balongeshi ba mikenji, nebamubenge, bamushipe. Kadi dituku disatu neabike ku lufu.

Yowanane 11:35

Ke Yezu kudila.

Yowanane 8:48

Bena Yuda kuandamuna Yezu ne: — Tuvua tuambilamu ne: udi muena Samariya, kabidi ne: udi ne mukishi mubi munda muebe.

Dielulula 32:15

Yeshurune mumane kudia mukute, mumane kudiunda, kusenena, kulengulula Mvidi Mukulu uvua mumufuke, kupetula mulami wende ne mupandishi.

Ebrewu 4:15

Katuena ne mutuangaji munene udi mupange kukenga netu mu butekete buetu. Kadi mutuangaji wetu munene, bavua bamuteta mu bionsu mudibu batuteta tuetu. Kadi yeye kavua muenze bubi.

Ebrewu 5:7

Patshivua Yezu pa buloba, uvua ulomba Mvidi Mukulu, umutendakena, wela mbila mikole, ne binsonji ku mesu, kudi uvua mua kumusungila ku lufu. Mvidi Mukulu kumuteleja bualu Yezu uvuaumutumikila.