Yeshaya 52:8 - MUKANDA WA MYIDI MUKULU

⁸ Teleja bantu bebe, bauvua muteke ku butentekedi. Bonsu badi bela mbila pamue, basanka, bualu mbadimuene ne mesu abu, mudi Maweja-Nangila upingana mu Siyone.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Unvua! Batentekedi bebe badi babandisha mei abo, badi bimba misambu diatshimue; bualu bua nebamone dihingana dia Yehowa ku Siona ne mesu abo mene.

Yeshaya 52:8 ပူးပေါင်းရင်းမြစ်များ

Misambu 102:22

Nenku, nemmanyishe bena Siyone lumu lua Maweja-Nangila, nebamutumbishe mu Yerushalayime,

Musambu wa Solomo 3:3

Meme kusambakena ne balami ba tshimenga, badi benda batentekela musoku, kubakonka ne: “Nuvua bamoneku munanga wanyi anyi?”

Musambu wa Solomo 5:7

Meme kusambakena ne balami ba tshimenga, bavua batentekela musoku, bendakana pa bimana bia tshimenga. Bobu kuntuuta, kuntapa mputa, kunyengabu ne tshitambala tshianyi.

Yeshaya 24:14

Bantu bikale bashale ne muoyi nebimbe musambu, batumbisha bunene bua Maweja-Nangila. Badi bela mbila ya disanka, bafuma ku luseke ludi diba dibuelela, bamba ne:

Yeshaya 26:1

Dituku adi, mu ditunga dia Yuda, bantu nebimbe musambu, bamba ne: “Tudi ne tshimenga tshivuabu bakoleshe ne bimana. Bua kutshilama bimpe, Maweja-Nangila mmutshinyungulule ne bimana, kabidi ne mushiki wa buloba.

Yeshaya 27:2

Dituku adi, nuimbe musambu, nusamune budimi buanyi bua mvinyo, budi bupatula mvinyo musheme.

Yeshaya 30:26

Dituku dikale Maweja-Nangila muele buanga, pa mputa ya bantu bende, muondape mputa yabu ivuaye mubatape, ngondu neakenke bu diba. Bukenke bua diba nebupite bua matuku onsu, misangu muanda mutekete, bu bukenke bua lumingu lujima, bukenka dituku dimue.

Yeshaya 35:10

Bantu badi Maweja-Nangila musungidile, nebapinganyine mu njila awu. Nebafike mu Siyone, bimbe misambu ya disanka. Disanka dia kashidi nedikale pa mpala yabu. Disanka dinene nediuwuje mioyi yabu. Makenga ne masumpakana mbimane kubashila muaba kashidi.

Yeshaya 40:9

Nuenu bena Yerushalayime, bandayi pa mukuna mutumbuke. Nuenu bena Siyone, koleshayi diyi muenu muonsu. Mbanuambile lumu lua disanka, kanutshinyi mua kuluambila banga bantu. Ambilayi bena mu bimenga bia Yuda ne: “Monayi Mvidi Mukulu wenu.

Yeshaya 48:20

Patukayi mu Babilone. Nyemayi lubilu lukole. Nuele mbila ya disanka, numanyishe bualu ebu, too ne ku nshikidilu kua buloba. Buambayi, bumanyishayi, nuambe ne: “Maweja-Nangila mmuangate bualu bua Izrayele, muntu wende, ne manza abidi.”

Yeshaya 56:10

Balombodi ba bantu banyi bena Izrayele, badi bampofu bonsu. Kabena bamanye kalu. Bonsu buabu badi bu mbua idi kayiyi yenza mutoyi, kayiyi ibuluka. Badi balotakana, badiolola panshi, basue kulala amu tulu.

Yeshaya 58:1

Maweja-Nangila udi wamba ne: Ela lubilu lukole. Kulekedi to. Diyi diebe difike kule, bu mudi muadi wa mpungi. Vuluija bantu banyi mudibu bantombokela. Manyishayi ndelanganyi ya Yakobe bilema biayi.

Yeshaya 62:6

Ndi muteke batentekedi pa bimana biebe wewe Yerushalayime. Kabena ne bua kupuwa, nansha munya nansha butuku. “Nuenu badi bavuluija Maweja-Nangila malaya avuaye mulaye bena Yerushalayime, kanuladi nansha kakese.

Yirmeya 31:12

Nebafike pa mukuna wa Siyone, bela mbila ya disanka. Nebaleje mpala wa disanka, pamonabu bionsu bidibu bapeta kudi Maweja-Nangila: ntete ya kuenza bukula, maluvu mapiamapia, mafuta mimpe, mikoku, mbuji ne ngombe. Nebikale bu budimi budi ne mayi ntavule. Nebapete bionsu bidibu nabi dikenga.

Yirmeya 32:39

Nembape muoyi umue, bua bandamate, bua bapete diakalenga, bobu ne ndelanganyi yabu.

Yirmeya 33:11

misambu ne mbila ya disanka. Nebumvue kabidi meyi a bantu batshidi babuela mu dibaka. Nebumvue kabidi bantu bimbe musambu ewu ne: Tumbishayi Mvidi Mukulu wa bukole buonsu, bualu udi mulenga. Dinanga diende ndia kashidi. Nebumvue kabidi musambu wa bantu badi baya ne milambu yabu mu nzubu wa Mvidi Mukulu. Bushuwa, Maweja-Nangila udi wamba ne: nempingajile ditunga edi lumu luadi lua kale.

Yirmeya 33:7

Nensankishe bena Yuda ne bena Izrayele. Nembapingajile diakalenga divuabu nadi kale.

Yirmeya 6:17

Ndi mubatekele batentekedi bua kubadimuja, bua kubambila ne: Nudimuke, nuteleje mpungi! Kadi kubengabu ne: “Katuena tuteleja to.”

Yezekiyele 3:17

— Muntu, ndi nkuteka mutentekedi bua kudimuja bena Izrayele. Neuteleje miaku yanyi. Neuyimanyishe bena Izrayele bua badimuke.

Yezekiyele 33:7

Yezekiyele, wewe ke undi muteke mutentekedi bua kudimuja bena Izrayele. Uteleje mundi nkuambila, ubele bena Izrayele mu dina dianyi.

Sefanya 3:9

“Pashishe nenkudimune bantu; nengumushe mikiya idi ku mishiku yabu. Nebantendelele meme Maweja-Nangila, nebankukuile ne muoyi umue.

Zekâya 12:8

Pashishe Maweja-Nangila neambuluishe bena Yerushalayime: badi kabayi ne bukole munkatshi muabu, nebapete bukole bu bua Davide. Ndelanganyi ya Davide neikale bu Mvidi Mukulu wabu, bu mudi mutumibue wa Maweja-Nangila udi wenda kumpala kuabu.

Bienzedi 2:1

Dituku dia Pentekostese bena ditaba bonsu bavua basangile muaba umue.

Bienzedi 4:32

Bena ditaba bonsu bavua ne muoyi umue, kabidi ne lungenyi lumue. Muntu nansha umue kavua wamba ne: bintu ebi mbianyi meme. Kadi bonsu bavua basangisha bionsu kaba kamue.

1 Korente 1:10

Bana hetu, mu dina dia Mfumu wetu Yezu Kristu, ndi nnulomba ne: umvuanganayi. Kanuabulukianganyi nansha. Nuenze tshintu tshimue menemene. Nuikale ne meji amue, kabidi ne muoyi umue.

1 Korente 13:12

Mpindiewu bitudi tumona bidi bifuanangane ne tshimfuanyi tshibuitshidile tshidi tshimueneka mu lumuenu. Kadi diba adi netumonangane ne Mvidi Mukulu mpala ne mpala. Lelu ndi mumanye amu nankunanku. Kadi diba adi nemmanye Mvidi Mukulu muonsu mudiye, mudiye mummanye kabidi muonsu mundi.

Ebrewu 13:17

Nutumikile balombodi benu, nubakokele. Bualu diba dionsu badi balame mioyi yenu, bualu Mvidi Mukulu neabalumbuluishe, neabele nkonku pa mudimu wabu. Panuikala babatumikile nebakumbaje mudimu wabu ne disanka. Tshianana nebaukumbaje ne dibungama. Abi kabiena mua kunupetesha kantu.

Didimanyisha 18:20

Wewe diulu, sanka, bua padi tshimenga etshi tshibutuke. Nuenu bantu ba Mvidi Mukulu, nuenu bapostolu ne bambi, tuayi tshianga! Bualu Mvidi Mukulu mmutshifundile tshibawu tshia bubi buvuatshi tshinuenzele!

Didimanyisha 19:4

Ke bakulu makumi abidi ne banayi, ne Bia muoyi binayi, kudiela panshi, bikukuila Mvidi Mukulu, udi musombe mu nkuasa wa butumbi, bimba ne: “Amene! Aleluya! Tumbishayi Mvidi Mukulu!”