Yeshaya 52:7 - MUKANDA WA MYIDI MUKULU

⁷ Ndisanka kaayi patudi tumona muntu wenda pa mikuna, ututuadila lumu lua disanka! Udi utuadila bantu lumu lua bupole, lua diakalenga ne lua lupandu. Udi ukuambila wewe Yerushalayime ne: “Mvidi Mukulu webe udi mukalenga.”

Mukanda wa Nzambi Dihungila Dikulukulu ne Dihungila Dihia-dihia 2003

⁷ Mona makasa a muntu udi ulua ne lumu luimpe bu mudiu malengele ha mikuna, udi umuangalasha lumu lua ditalala, udi ulua ne lumu lua diakalengele, udi umuangalasha lumu lua luhandu, udi wambila Siona ne, Nzambi webe udi ukokesha!

Yeshaya 52:7 ပူးပေါင်းရင်းမြစ်များ

Misambu 59:13

Bionsu bidibu bamba bidi amu bibi. Ditambisha diabu nedibakuatshishe mu buteyi, bualu badi belangana milawu, bashimangana.

Misambu 68:11

Ke muaba uvua bantu bebe baya kusomba, muaba uuvua mulongoluele bapele, bualu uvua ubananga.

Misambu 93:1

Maweja-Nangila udi mukalenga, udi mudijingile butumbi bu mudibu badijingila tshilamba, udi muvuale bukole, bu mudibu bavuala mukaba. Buloba budi bushindame, kabuena mua kunyunga.

Misambu 96:10

Nuambile bantu bonsu ne: “Maweja-Nangila udi mukalenga, buloba budi bushindame kabuena bunyunga, Maweja-Nangila udi ukosa nsambu ya bantu amu pa yoyi.”

Misambu 97:1

Maweja-Nangila udi mukalenga, buloba bujima busanke, bantu bonsu badi kule basanke!

Misambu 98:2

Maweja-Nangila mmuleje bantu ne: udi Musungidi, mmuleje buakane buende.

Misambu 98:3

Uvua muvuluke malu ende makane, ne bulelela buende kudi bena Izrayele. Bantu bonsu too ne ku ndekelu kua buloba, badi bamona Mvidi Mukulu wetu uvua mutusungidile.

Misambu 99:1

Maweja-Nangila udi mukalenga, bantu badi bazakala. Nkuasa wende wa bukalenga udi pa mutu pa batumibue bende badi bashale mu diulu, buloba budi butenkakana.

Musambu wa Solomo 2:8

Telejayi: munanga wanyi ukadi ufika! Udi wenda utupika mu mikuna minene, usambuka lubilu mikuna mikese.

Yeshaya 24:23

Pashishe ngondu neakunzubile, diba nedibuitshidile ne bundu. Bualu Maweja-Nangila muena bukole buonsu, neadie bumfumu mu Yerushalayime pa mukuna wa Siyone. Bakulu ba ditunga, nebamone butumbi buende.

Yeshaya 33:22

Bualu Maweja-Nangila udi mulombodi wetu, udi mfumu wetu bonsu. Maweja-Nangila udi mukalenga wetu. Yeye ke Musungidi wetu.

Yeshaya 40:9

Nuenu bena Yerushalayime, bandayi pa mukuna mutumbuke. Nuenu bena Siyone, koleshayi diyi muenu muonsu. Mbanuambile lumu lua disanka, kanutshinyi mua kuluambila banga bantu. Ambilayi bena mu bimenga bia Yuda ne: “Monayi Mvidi Mukulu wenu.

Yeshaya 41:27

Meme ndi wa kumpala, wakadianjila kuambila Siyone bualu. Bualu mvua mutume muntu mu Yerushalayime, bua kutuadila bantu lumu lua disanka lua ne: “Bana benu, bakadi bapingana!”

Yeshaya 42:11

Bantu bimbile Mvidi Mukulu misambu, mu tshipela ne mu bimenga biatshi, ne mu mitanda idi bena Kedare base. Bena mu tshimenga tshia Sela, bele tunkunduluila! Bele mbila ya disanka, pa mitu ya mikuna!

Mika 4:7

Nensangishe badi batapike, tshisamba tshifululuke. Nengangate badi mu bupika, bashale tshisamba tshinene. Meme Maweja-Nangila, nengikale ku mutu kuabu, biangatshile ku Siyone, ku dituku adi too ne tshiendelele.

Nahume 2:1

Nuenu bena ditunga dia Yuda, tangila muntu udi unuluila pa mikuna, bua kunumanyisha lumu lua disanka lua ne: tudi batshimune baluishi betu, tuapetshi bupole. Enzayi bibilu bienu bia kutendelela, tuadilayi Mvidi Mukulu binuvua bamulaye. Bualu muntu mubi uvua unukengesha awu, kena mua kubuela kabidi ne nwita mu ditunga dienu. Bukole buende bonsu mbujike.

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Matayi 25:34

Nenku mukalenga neambile bantu badi ku diende dia balume ne: “Vuayi, nuenu badi Tatu wanyi muele lupemba. Angatayi Bukalenga buvuabu banulongoluele, katshia bafuka bukua panu.

Matayi 28:18

Ke Yezu kusemena pabuipi nabu, ubambila ne: — Mvidi Mukulu mmumpeshe bumfumu buonsu mu diulu ne pa buloba.

Marke 13:10

Bidi bimpe bangabanga banji kulongesha bantu bonsu Lumu lua Disanka.

Marke 16:15

Pashishe kubambilaye ne: — Nuye mu buloba bujima, nulongeshe bantu bonsu Lumu lua Disanka.

Luke 2:10

Kadi mutumibue kubambila ne: — Kanutshinyi to. Ndi munutuadile Lumu lua Disanka luasankisha bantu bonsu bikole:

Luke 24:47

Badi ne bua kulongesha bisamba bionsu mu dina diende, kutuadija ku Yerushalayime, ne: kudiye ke kudi bantu mua kupeta bukole bua kudilengeja, bua Mvidi Mukulu abajimijile mibi yabu.

Efeze 6:15

Bu muntu udi uvuala bisabata bua kuya ku luendu, ikalayi ne disuminyina bua kuya kulongesha Lumu lua Disanka, ludi lufila bupole.

Didimanyisha 11:15

Pashishe mutumibue wa muanda mutekete kuela mpungi. Meyi makole kumvuika mu diulu, amba ne: “Bumfumu bua kulombola buloba budi kudi Maweja-Nangila wetu ne kudi Meshiya wende. Nebashale mu bukalenga kashidi.”

Didimanyisha 14:6

Pashishe meme kumona mutumibue mukuabu ubuuka mulu menemene. Uvua ne bua kumanyisha bantu bonsu ba pa buloba, ba mu bisamba bionsu, ba mu meku onsu, ba miakulu yonsu, ne ba mu matunga onsu, Lumu lua Disanka ludi lushala kashidi.