Yeshaya 52:5 - MUKANDA WA MYIDI MUKULU

⁵ Mpindiewu tshinudi numona ntshinyi? Bena Babilone kabidi, bavua baye ne bantu banyi mu bupika tshianana, kabayi bafute kantu. Bantu aba badi bakengesha bantu banyi, badi baditambisha, basendeka amu kusendeka dina dianyi.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nunku mpindiu Yehowa udi ukonka ne, Ndi mmona tshinyi kunoko, bualu bua bakuya ne bantu banyi mu buhika tshianana? Yehowa udi wamba ne, Badi babakokesha badi bela bibingu, ne dina dianyi ditu diahendibua dinda tô ne dilolo.

Yeshaya 52:5 ပူးပေါင်းရင်းမြစ်များ

2 Samuele 12:14

Kadi bua paudi muenze bualu ebu, baluishi ba Maweja-Nangila bapetshi mushindu wa kudiwula Maweja-Nangila. Nanku, muanebe udibu balele mpindiewu, neafue.

Misambu 44:12

Udi utufila mu bianza biabu bu nyama ya kushipa. Bakadi batutangalaja mu matunga a bantu benyi.

Misambu 44:16

Matuku onsu ndi mmona mudibu bampepeja. Ndi ne bundu mesu tente.

Misambu 74:10

Mvidi Mukulu wanyi, muluishi neakusendeke kabidi matuku bungi munyi? Muena lukuna neakuseke kashidi anyi?

Misambu 74:18

Maweja-Nangila, vuluka mudi muluishi ukufunyina, mudi bantu batatakane aba bakuseka.

Ekesode 3:7

Maweja-Nangila kumuambila ne: — Ndi mumone dikenga dia bantu banyi badi mu ditunga dia Ejipitu. Ndi mumvue miadi yabu. Badi babakengesha bikole ne tshikisu. Ndi mumone mudi bena Izrayele banyingalala.

Yeshaya 22:16

Bumfumu buudi nabu muaba ewu mbumfumu kaayi? Bulela buudi nabu apa mbulela kaayi? Udi udiumbuila lukita, udiumbuila majambu pa mukuna, udiumbuila webe muaba wa ndekelu munda mua lubuebue bishi?

Yeshaya 37:28

“Ndi mumanye malu ebe onsu, ndi mumanye paudi ujuuka, nansha paudi usomba, paudi upatuka, nansha paudi ubuela, ne paudi umfunyina meme.

Yeshaya 37:6

awu kubambila ne: “Nuye kuambila mfumuenu ne: Maweja-Nangila udi wamba ne: Uvua muteleje muvua balombodi ba bena mvita ba mukalenga wa bena Ashure bampenda. Kadi kutshinyi bionsu bivuabu bakula abi to.

Yeshaya 47:6

Mvua mufikile bantu banyi munda. Nenku meme kubadiwula. Meme kubafila mu bianza biebe. Kadi kuvua ne luse nansha lukese. Bakulakaje mene, uvua mubakengeshe bikole.

Yeshaya 51:20

Bana bebe badi basomba panshi mu masangu onsu a njila, kabayi banyunga, kabayi ne bukole. Bavua bu ngulungu ivuabu bakuate mu bukondu. Ke muvua Maweja-Nangila mubanyoke bikole, bua tshiji tshivuaye natshi.

Yeshaya 51:23

Nendinuishe bavua banukengeshe, bavua banuamba ne: ‘Lalayi panshi, tunudiate.’ Nuvua ne bua kufila nyima yenu, kudi bantu aba bavua bendelapu, bu badi bapitshila mu njila.”

Yeshaya 52:3

Maweja-Nangila udi wamba bantu bende ne: “Bavua banufile mu bupika tshianana, kabayi nansha banusumbe. Nanku nebanupikule tshianana, kabayi bafila nansha dikuta.”

Yirmeya 50:17

Bena Izrayele bavua bu mikoku mipambuke, ivua nyama ya ntambue ipatshila. Mukalenga wa bena Ashure uvua wa kumpala, uvua muyidie. Pashishe, Nebukadnesare, mukalenga wa bena Babilone, uvua muyitshibule mifuba.

Muadi 1:21

Bantu kumvua mikemu yanyi. Kakuena nansha umue udi unsamba. Baluishi banyi bonsu mbamane kumvua lumu lua dikenga dianyi. Badi ne disanka bua paudi unkengesha. Dituku diuvua muambe difike, bua bapete pabu dikenga bu dianyi!

Muadi 2:3

Bua tshiji tshiende tshikole, kutekeshaye bukole buvua Izrayele nabu. Kubengaye kumuambuluisha, pavua muluishi wende mumuvuile. Kuelaye kapia munkatshi mua bantu bende. Kavua kuosha bionsu.

Yezekiyele 20:14

Kadi tshiena muenze nanku to, bualu bantu bavua bammone mpatula bena Izrayele mu tshipela, bavua mua kumpepeja.

Yezekiyele 20:9

Kadi, tshivua muenze nanku to, bua bena ditunga divua bena Izrayele basombe kabavu kumpepeja. Bualu bantu aba bavua bateleja mumvua mulaye bena Izrayele bua kubapatula mu Ejipitu.

Sefanya 1:10

Maweja-Nangila udi wamba ne: “Mu Yerushalayime dituku adi, nebumvue mbila mikole ku tshiibi tshia Mishipa, miadi mu Tshimenga Tshipiatshipia, mutoyi wa bungi pa mikuna.

Rome 2:24

Bualu Mikanda ya tshijila idi yamba ne: “Buenu nuenu bena Yuda, ke budibu bampendela kudi bantu ba bisamba bikuabu.

Balombodi 18:3

Pavuabu muaba awu, kumvuabu nsongalume wa bena Levi wakula. Kumanyabu tshiakuidi tshiende. Kuyabu kukonka nsongalume awu ne: — Udi mukubikile muaba ewu nnganyi? Udi wenza tshinyi? Tshiudi musombele muaba ewu ntshinyi?