Yeshaya 52:3 - MUKANDA WA MYIDI MUKULU

³ Maweja-Nangila udi wamba bantu bende ne: “Bavua banufile mu bupika tshianana, kabayi nansha banusumbe. Nanku nebanupikule tshianana, kabayi bafila nansha dikuta.”

Mukanda wa Nzambi Dihungila Dikulukulu ne Dihungila Dihia-dihia 2003

³ Bua Yehowa udi wamba dî ne, Bakanuhana tshianana, nebanuhikule kabayi banuhikula ne argent.

Yeshaya 52:3 ပူးပေါင်းရင်းမြစ်များ

Misambu 44:12

Udi utufila mu bianza biabu bu nyama ya kushipa. Bakadi batutangalaja mu matunga a bantu benyi.

Misambu 44:13

Udi usumbisha bantu bebe ku mushinga mukese, kuyi nansha upeta makasa.

Yeshaya 1:27

Tshimenga tshia Siyone netshishale ne bukole, amu padi bena Siyone banemekangana, bapingana kudi Maweja-Nangila, benzelangana bimpe.

Yeshaya 45:13

Meme Maweja-Nangila muena bukole buonsu ndi ngamba ne: Meme kabidi ndi mutume Koreshe, muntu unudi bamanye, bua anusungidile. Nendandakaje njila yonsu kumpala kuende. Yeye ke wibakulula tshimenga tshianyi tshia Yerushalayime. Neanyishe bua bantu banyi bavuabu bakuate, bapingane kuabu! Kena ulomba nansha dikuta, nansha mabuejila!”

Yeshaya 50:1

Maweja-Nangila udi unuebeja ne: Nudi nuamba ne: ndi mubenge Yerushalayime, mamuenu, kadi mukanda udi ujadika mundi munubenge wepi? Meme munusumbishe, munutume ku bupika, bua meme kufuta mabanza, kadi ndi munutume kudi nganyi? Eyowa, bavua banusumbishe bua malu enu mabi, bavua babenge mamuenu bua buntomboji buende, bua buntomboji buenu.

Yeshaya 62:12

Nebanuinyike ne: “Ke bantu ba tshijila, ke bantu bavua Maweja-Nangila mupikule.” Wewe Yerushalayime, kabena bakuinyika kabidi ne: “Tshimenga tshidi Mvidi Mukulu ubenga.” Kadi nebakuinyike ne: “Tshimenga tshidiye unanga.”

Yeshaya 63:4

Mvua ne dijinga munda muanyi dia kusombuela bantu banyi lelu. Bualu tshikondu tshia kupikula bantu banyi tshiakumbanyi.

Yirmeya 15:13

Yuda, ndi musue bua baluishi bapawule biuma biebe ne bintu biebe bionsu. Ke mudibu bakunyoka bua malu mabi auvua muenze miaba yonsu mu ditunga diebe.

Yezekiyele 16:31

Wewe kuasa tshibumba ku tshibuelelu tshia musesu onsu. Uvua muakaje, mu bisalu bionsu, muaba mutumbuke bua umueneke bimpe. Kuuvua nansha mulombe bua bakufile, bu mudibu bonda muena tshiendenda yonsu!

Yezekiyele 34:27

Mitshi neyikuame bimuma. Buloba nebumeneshe biakudia. Muntu yonsu neasombe talala mu ditunga. Nensulule nkanu idibu basuika bantu banyi. Nembapikule kudi bavua babakuate ku bupika. Nanku nebajadike ne: meme ndi Maweja-Nangila.

Lewitiki 25:54

Padi muena Izrayele awu kayi mua kudipikula, nansha kabayi mua kumupikula yeye ne bana bende, nebabapatule mu bupika tshidimu tshia ‘Mufikilu’ wa disanka dinene.

1 Petro 1:18

Nudi bamanye muvuabu banupikule ku nsombelu wa patupu, uvua bankambua benu banushile. Ki mbanupikule ku bintu bia lupitapita, bu mudi tshiamu tshia mpawungi, nansha tshiamu tshitoke tshia mushinga mukole.