Yeshaya 51:23 - MUKANDA WA MYIDI MUKULU

²³ Nendinuishe bavua banukengeshe, bavua banuamba ne: ‘Lalayi panshi, tunudiate.’ Nuvua ne bua kufila nyima yenu, kudi bantu aba bavua bendelapu, bu badi bapitshila mu njila.”

Mukanda wa Nzambi Dihungila Dikulukulu ne Dihungila Dihia-dihia 2003

²³ Nenduteke mu tshianza tshia badi bakukengesha, bakukuambila ne, Koba nyima bua tuetu tuhite ha nyima hebe! Ne wewe wakuvuisha nyima webe bu buloba, bu musesu mene bua bantu bahitshilemu.

Yeshaya 51:23 ပူးပေါင်းရင်းမြစ်များ

Yoshua 10:24

Bafike amu ne bakalenga abu kudiye, Yoshuwa kubikidisha bena Izrayele, kuambila balombodi ba bena mvita bavua nende mu mvita bua basemene pabuipi, ne: — Semenayi apa. Diatayi bakalenga aba mu nshingu. Balombodi ba bena mvita kuenza nanku.

Zekâya 12:2

— Nengenze Yerushalayime bu dikopu dia nwinyo, diwule ne tshiji tshianyi. Bantu bonsu badi bamunyunguluke, nebanue, balembakane. Kanyungunyungu nekakuate bena Yuda bonsu, panyungulukilabu Yerushalayime kudi bena myita.

Didimanyisha 17:18

Kadi mukaji uuvua mumone, ke tshimenga tshinene, tshidi bakalenga ba pa buloba batumikila.

Didimanyisha 11:2

Kadi kupimi lupangu lua pambelu pa nzubu wa Mvidi Mukulu to. Bualu mbalupeshe bantu ba bisamba bikuabu. Bantu abu nebadiatakaje tshimenga tshia tshijila ngondu makumi anayi ne ibidi.

Nsumuinu 21:18

Muntu mubi udi kayi ulamata Mvidi Mukulu, kayi ulama meyi ende, neabuele mu dikenga, pa mutu pa bantu bakane badi benza amu bidi Mvidi Mukulu musue.

Nsumuinu 11:8

Muntu muakane udi upanduka ku dipampakana. Muntu mubi udi ubuelamu pa mutu pende.

Misambu 66:12

Uvua muanyishe bua baluishi betu batudiate mu mutu ne nyama ya tubalu. Tuvua ne bua kupitshila mu kapia ne mu mayi. Kadi wewe kutupatulamu bua tuikishe.

Obadya 1:16

“Nuenu bena Izrayele, mvua mununyoke, pa mukuna wanyi wa tshijila, mununuishe dikopu dia tshiji tshianyi. Nanku bisamba bikuabu, nembinuishe kabidi dikopu adi. Nebikenge anu kukenga, too ne muabutukabi butubutuu.

Mika 7:10

Pamona baluishi betu malu aa, bundu nebubakuate. Bualu bavua batukonka ne: “Maweja-Nangila Mvidi Mukulu wenu, tshidiye wenza ntshinyi?” Nebabadiate mu makasa, bu bitotshi bia mu njila, tuetu netubandile malu aa!

Misambu 129:3

Kunjulabu mubundabunda panyima, bu bantu badi badima budimi.