Yeshaya 51:2 - MUKANDA WA MYIDI MUKULU

² Vulukayi Abrahame tatuenu, ne Sara uvua munulele. Abrahame kavua ne muana, pamvua mumubikile. Kadi meme kumuela lupemba, ndelanganyi yende kuvulangana pa buloba.

Mukanda wa Nzambi Dihungila Dikulukulu ne Dihungila Dihia-dihia 2003

² Tangilai kudi Abalahama tatu wenu, ne kudi Sala wakamuela; bualu bua hakadiye ha nkayandi nakamubikila, nakamuvudishila disanka, nakamuvudisha bua ikale bantu ba bungi.

Yeshaya 51:2 ပူးပေါင်းရင်းမြစ်များ

Genese 22:17

Nenkuele lupemba; nemvudije ndelanganyi yebe bungi bua mitotu ya mulu, nansha bu lusenga lua ku muelelu wa mayi manene. Ndelanganyi yebe neyinyenge misoku ya bena lukuna bayi.

Genese 24:1

Abrahame kukola kukulakaja. Maweja-Nangila uvua anu mumuele lupemba mu malu onsu.

Genese 24:35

Mfumuanyi Abrahame mmupete diakalenga. Maweja-Nangila mmumunemeshe ne bintu bia bungi: ke mikoku, ngombe, mbuji, tumelu, mpunde, biamu bitoke bia mushinga mukole, biamu bia mpawungi, ne bapika balume ne bakaji.

Yeshaya 29:22

Ke padi Maweja-Nangila, Mvidi Mukulu wa Yakobe ne wa ndelanganyi yende, Musungidi wa Abrahame, wamba ne: “Bituadije ku mpindiewu, bena Yakobe, kabena bafue kabidi bundu, kabakubungama kabidi to.

Yeshaya 41:8

Izrayele, muena mudimu wanyi, tshisamba tshia Yakobe tshimvua musungule, ndelanganyi ya Abrahame, mulunda wanyi, teleja.

Yeshaya 43:27

Nkambua webe wa kumpala ukavua mupile. Ke mudi kabidi balombodi ba ditunga diebe bantombokele lelu.

Yeshaya 48:1

Nuenu tshisamba tshia Yakobe, telejayi. Nudi nudisua, bua panudi ne dina dia Izrayele, bua panudi ndelanganyi ya Yuda. Nudi nutshipa, nutela dina dia Maweja-Nangila, nutela Mvidi Mukulu wa Izrayele. Kadi kanuena nuditshipilamu, kanuena ne muoyi wa kukumbaja tshinudi nulaya ne mutshipu.

Yeshaya 60:22

Mu tshiota tshikese, nemuikale bantu tshinunu. Tshiota tshishadile ku bionsu, netshidiunde, tshienze tshisamba tshinene. Ke tshindi ngenza lukasa meme Maweja-Nangila, pakumbana tshikondu.

Yeshaya 63:16

Bualu amu wewe ke udi Tatu wetu. Abrahame nkambua wetu, kena mubimanye. Yakobe kena mutuvuluke. Kadi wewe, Maweja-Nangila, udi Tatu wetu, wewe ke udibu binyika ku kale kuonsu aku ne: “Mutusungidi wetu.”

Yezekiyele 33:24

— Yezekiyele, bantu badi bashale mu bimenga bia mu ditunga dia Izrayele bivuabu babutula, badi bamba ne: “Abrahame uvua nkayende, kadi uvua mupete ditunga edi dijima. Nanku metu nangananga, nempete ditunga edi, bualu tudi ba bungi.”

Dielulula 1:10

Maweja-Nangila Mvidi Mukulu wenu mmunuvudije. Mpindiewu nudi bungi bu mitotu ya mulu.

Dielulula 26:5

Pashishe muntu udi ufila bintu abi, neambe kabidi kumpala kua Maweja-Nangila ne: “Nkambua wanyi uvua muena Arame, kayi ne muaba wa kusomba. Kadi uyile kusomba ku Ejipitu ne tshisumbu tshikese tshia bantu bavuaye nabu. Bantu abu kuvulangana, kuenza tshisamba tshinene tshia bantu, tshia bukole kabidi.

Yoshua 24:3

Nanku meme kumusha nkambua wenu Abrahame mu ditunga adi divua dishiya dia Perate. Meme kumuendesha mu ditunga dia Kenaane dijima. Meme kuvudija ndelanganyi yende, kumupa Izake.