Yeshaya 51:18 - MUKANDA WA MYIDI MUKULU

¹⁸ Ku bana ba balume bonsu bauvua mulele, kakuena nansha umue udi ukulombola. Ku bana bonsu bauvua mukoleshe, kakuena nansha umue uuvua mua kueyemena.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Kakuena umue wa munkatshi mua bana ba balume bonso bakuleleye udi mumanye mua kunulombola; ne kakuena umue wa munkatshi mua bana ba balume bonso bakukolesheye udi umukuata ku tshianza tshiandi tshia balume.

Yeshaya 51:18 ပူးပေါင်းရင်းမြစ်များ

Yobe 8:20

Mvidi Mukulu kena mua kubenga muntu udi kayi ne bualu to. Kadi kena mua kuambuluisha muntu mubi nansha.

Misambu 142:4

Pandi nteketa mu maboku, wewe udi mumanye kundi nya. Bantu mbateya mu njila undi nyila.

Misambu 88:18

Matuku onsu idi injingila nseke yonsu, bu mudi mayi apasalala mu musulu.

Yeshaya 41:13

Bualu meme Maweja-Nangila, ndi Mvidi Mukulu webe, ndi nkuambuluisha. Ndi nkuambila tshiakabidi ne: “Lekela kutshina. Nenkuambuluishe.”

Yeshaya 45:1

Maweja-Nangila udi wambila Koreshe, muntu udiye mujidile ne: “Ndi mutue ku tshiebe, bua utekeshe matunga onsu, unyenge bakalenga mamfumu abu, bakunzuluile biibi, ubuele mu bimenga bionsu.

Yeshaya 49:21

Nenku neudikonke ne: “Udi mumpe bana bonsu aba nnganyi? Nkavua mushale patupu, tshiyi mmona bana banyi. Tshivua mutekemene kupeta bakuabu. Bavua bangipata, bantuma kua bende. Kadi aba, uvua ubakolesha nnganyi? Mvua mushale nkayanyi. Kadi aba mbafume penyi?”

Yeshaya 54:11

Wewe Yerushalayime udi mukengi, udibu banyungisha kudi tshipepele tshikole, kakuyi muntu udi ukusamba. Kadi meme Maweja-Nangila ndi ngamba ne: “Nenkuasulule ne mabue malengeja bimpe. Nengenzulule bitaku biebe ne mabue mafikuluke.

Yirmeya 10:20

Kadi ntenta wanyi mmunyanguke, mionji yende mmikoseke yonsu. Tshiena kabidi ne bana. Bonsu mbumuke. Tshiena ne muntu udi mua kungimanyika ntenta, udi mua kungenzela muaba wa kusomba.

Yirmeya 31:32

Kayakuikala bu ndondu imvua mutue ne bankambua babu, pa-mvua mubakuate ku tshianza bua kubapatula mu Ejipitu. Bualu ndondu ayi bavua bayinyanga! Eku meme mvua mfumu wabu.

Yezekiyele 34:6

Eyowa, mikoku yanyi mmilalakane mu mikuna minene ne mikese, pashishe mmitangalake miaba yonsu pa buloba bujima, kakuyi muntu udi nayi bualu, uya kuyikeba.

Amosa 5:2

Izrayele nnsongakaji udi mufue, tshitalu tshiende tshitshidi panshi. Kakujuka kabidi to. Mbamulekele pa buloba buende: muntu nansha umue kena umujula!

Matayi 15:14

Balekelayi! Bampofu, badi balombola bampofu! Kadi padi mpofu ulombola mpofu nende mu njila, bonsu babidi nebadishinde mu tshiina.

Matayi 9:36

Ke Yezu kumvua luse bua bungi bua bantu bavuaye mumone, bualu bavua bapungile, bakengakana, bu mikoku idi kayiyi ne mulami.

Marke 8:23

Ke Yezu kukuata mpofu ku tshianza, kuya nende ku mpenga kua musoku. Pashishe kulabaye muntu awu mate ku mesu, kumutenteka bianza, umukonka ne: — Udi umona tshintu anyi?

Bienzedi 13:11

Mpindiewu, teleja: Mfumu neakunyoke. Neushale mpofu, kuyi umona diba amue matuku. Diakamue mesu a Elimase kufofama. Ukadi udimona butuku, unyunguluka nseke yonsu, ukeba muntu udi mua kumulombola, mumukuate ku tshianza.

Bienzedi 9:8

Shawule kujuka panshi, utabala, kadi nanshaye kumona tshintu. Kumukuatabu ku tshianza, bua kumufikisha mu Damase.

Ebrewu 8:9

Kakuikala bu ndondu umvua mutue ne bankambua babu, dituku dimvua mubakuate ku diboku, bua kubapatula mu Ejipitu. Kabavua balame ndondu ewu umvua mutue nabu. Nanku meme kubalengulula. Ke mundi meme Maweja-Nangila njadika nanku.