Yeshaya 51:16 - MUKANDA WA MYIDI MUKULU

¹⁶ Ndi mbalula tshiakabidi diulu, ndi nshindika kabidi buloba. Nengambile bena mu Yerushalayime ne: “Nuenu nudi bantu banyi. Ndi nnupesha mikenji yanyi. Nennusokoke mu tshianza tshianyi.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nakuteka mei anyi mukana muebe, nakukusokoka mu mundidimbi wa tshianza tshianyi, bua meme kuasa diulu ne kujadika bishimikidi bia buloba, ne bua kuambila Siona ne, Wewe udi bantu banyi,

Yeshaya 51:16 ပူးပေါင်းရင်းမြစ်များ

Misambu 75:3

Mvidi Mukulu udi wamba ne: “Meme nkayanyi ndi njadika tshikondu tshindi ndumbuluisha bantu, nenkose nsambu yabu amu pa yoyi.

Misambu 91:4

Neakulame, neusangane tshisokomenu kudiye, bu muana wa nzolu, usokoma mu mapuapua a mamuende. Bulelela buende budi bu ngabu udi ukulama.

Misambu 92:13

Kadi muntu muakane udi ukola, bu dibue dia ngaji, udi ulepa bu mutshi wa sedre wa mu Lebanone.

Ekesode 33:22

Nenkubuikile ne tshianza tshianyi mu lubuebue too ne pangapita.

Ekesode 4:15

Neumumvuije tshidiye mua kuamba. Nennuambuluishe wewe ne muanenu Arone bua nuakule bimpe. Nennumanyishe tshinudi mua kuenza.

Yeshaya 45:18

Maweja-Nangila uvua mufuke diulu, ke Mvidi Mukulu uvua muenze buloba, mubusonge, mubushindike. Kadi kena mubutuke munda mutupu, mmubuenze bua bantu basepu. Mpindiewu udi wamba ne: “Maweja-Nangila ke Meme! Kakuena mvidie mukuabu.

Yeshaya 48:13

Ndi mushindike buloba ne bianza bianyi meme. Ndi mbalula ne diulu. Pandi mbikila diulu ne buloba, diakamue bidi bimueneka kundi.

Yeshaya 49:2

Uvua muteke mukana muanyi muaku, uvua ufuanangana ne muele mutue. Udi undama, umbuikila ne tshianza tshiende. Udi mungenze mukete mutue, udiye usokoka mu tshibubu tshiende.

Yeshaya 49:8

Maweja-Nangila udi wamba ne: “Padi tshikondu tshia lupandu tshifika, nengandamune ku dindomba diebe. Pafika dituku dia kukupandisha, nenkuambuluishe. Mvua mukuteke, mukulame, bua ukumbaje bimvua mulaye bantu banyi. Ndi nnupingaja mu ditunga dienu, bua nusombe tshiakabidi miaba yonsu mu buloba bua tshijila, buvuabu banyangakaje lelu.

Yeshaya 50:4

Maweja-Nangila Mvidi Mukulu uvua mundongeshe tshindi ne bua kuamba. Ke yeye udi ummanyisha miaku, indi mua kuambuluisha nayi muntu ukadi mupungile. Dinda dionsu, Maweja-Nangila udi umbisha, mpeta kudiye dijinga dikole dia kumuteleja, bu mudi balongi bajinga kuteleja mulongeshi wabu.

Yeshaya 57:19

nembeleshe mbila ya disanka. Nempandishe, bushuwa nempandishe bantu bonsu, badi kule ne badi pabuipi. Ke mundi ngamba meme, Maweja-Nangila.”

Yeshaya 59:21

Maweja-Nangila kuamba kabidi ne: “Monayi ndondu undi ntua nenu: Mueyelu wanyi neunutulukile. Ndi nnulongesha malu anyi bituadije ku mpindiewu ne kashidi. Tshiena ngumusha dilongesha edi kunudi, nansha kudi bana benu, nansha kudi biikulu benu. Meme Maweja-Nangila ndi njadika nanku awu.”

Yeshaya 60:21

Bantu bebe bonsu nebalame meyi anyi. Kabakubipata kabidi mu ditunga diebe. Ke bantu bamvua mufuke ne bianza bianyi, bua baleje bantu bakuabu butumbi buanyi. Badi bu mitshi indi mukune mu lupangu luanyi.

Yeshaya 61:3

bua kusankisha bena mu Siyone badi badila muadi. Ndi ne bua kubasa tshifulu tshia lumu, pa mutu pa butu buvuabu babalabe ku mitu. Ndi ne bua kubalaba mafuta a mupuya muimpe, bua kumusha dibungama didi pa mpala yabu. Ndi ne bua kubavuadika tshilamba tshia tshibilu, bua kumusha kanyinganyinga kadi mu muoyi wabu. Nanku nebabafuanyikije ne mitshi idi isankisha Mvidi Mukulu, nansha ne lupangu luimpe ludi luleja butumbi bua Maweja-Nangila.

Yeshaya 65:17

Bualu nemfuke diulu dipiadipia, ne buloba bupiabupia. Kabakuvuluka kabidi diulu dikulukulu ne buloba bukulukulu. Kabakubielela kabidi meji to.

Yeshaya 66:22

Maweja-Nangila udi wamba ne: ndelanganyi yebe ne dina diebe nebishale kashidi kumpala kuanyi, amu mudi diulu dipiadipia ne buloba bupiabupia bindi mfuka bua kashidi.

Yirmeya 1:9

Pashishe kuololaye tshianza kundengaye mukana, ungambila ne: — Wewe, newambile bantu miaku yanyi.

Yirmeya 24:7

Nembapeshe bukole bua kumanyabu ne: meme ndi Maweja-Nangila. Nebapingane kundi ne muoyi wabu mujima. Nanku, nebikale bantu banyi, meme nengikale Mvidi Mukulu wabu.

Yirmeya 31:33

Kadi Maweja-Nangila udi wamba ne: ndondu indi ntua ne bena Izrayele neikale nenku: Nemfunde mikenji yanyi mu muoyi wabu wa munda. Tshiena nyifunde kabidi pa mabue to. Nenyifunde munda muabu. Nengikale Mvidi Mukulu wabu, bobu nebikale bantu banyi.

Yirmeya 32:38

Nebikale tshiakabidi bantu banyi. Meme nengikale Mvidi Mukulu wabu.

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Zekâya 8:8

Nembumushe ku matunga awu, bua kusombabu mu Yerushalayime. Nebikale bantu banyi, meme nengikale Mvidi Mukulu wabu. Nengikale mukalenga wabu, wa muoyi umue, udi ukosa nsambu pa yoyi.”

Yowanane 17:8

Bualu mvua mubambile meyi auvua mungambile, bobu kuitaba. Mbitabe ne: mvua mufume kuudi menemene. Mbitabe kabidi ne: wewe ke uvua muntume.

Yowanane 3:34

Uvua Mvidi Mukulu mutume udi wamba miaku ya Mvidi Mukulu. Bualu Mvidi Mukulu udi mumupeshe Mueyelu wende wa Tshijila kayi upima.

Dielulula 18:18

Nanku nembatumine muambi wa munkathi mua bana babu, bu muudi wewe Moshe. Nengikale mmuambila malu, yeye umanyisha bena Izrayele bionsu bingikala mumumanyishe.

Dielulula 33:27

Matuku onsu Maweja-Nangila udi unulama, udi ne bukole bunene pa buloba bujima, uvua nabu kale, udi nabu lelu. Udi unuipatshila baluishi benu, nuenu batangile, unuamba bua kubabutula.

Ebrewu 8:10

Maweja-Nangila udi wamba ne: ndondu ungatua ne bena Izrayele kunyima kua matuku awu, udi nenku: Nenteke mikenji yanyi mu lungenyi luabu. Nenyifunde mu mioyi yabu. Nengikale Mvidi Mukulu wabu, bobu nebikale bantu banyi.

2 Petro 3:13

Kadi tuetu tudi tutekemena bidi Mvidi Mukulu mulaye: ke diulu dipiadipia ne buloba bupiabupia, muaba wasomba bantu bua kuenza amu tshidi Mvidi Mukulu musue. Ke tshitudi bindile atshi.

Didimanyisha 1:1

Mu mukanda ewu mbafunde muvua Yezu Kristu mudimanyishe. Mvidi Mukulu mmuanyishe bua adileje nanku kudi bantu bende, bua bamanye bidi ne bua kuenzeka amu mpindiewu. Kristu kutuma mutumibue wende, bua abimanyishe Yowanane, muena mudimu wa Kristu.