Yeshaya 50:2 - MUKANDA WA MYIDI MUKULU

² Pamvua mufike bua kunusungidila, tshivua musangane muntu bua tshinyi? Pamvua mubabikile, kabavua bangandamune bua tshinyi? Maboku anyi mmatambe buipi anyi? Tshiena ne mushindu wa kunuambuluisha anyi? Ndi mupange dikanda bua kunusungidila anyi? Kadi vulukayi ne: meme muakule amu muaku umue, ndi ngumisha mayi manene, ndi ngandamuna misulu yenza tshipela. Nenku, mishipa neipange mayi, neifue nyota, neituadije kubola.

Mukanda wa Nzambi Dihungila Dikulukulu ne Dihungila Dihia-dihia 2003

² Bualu kai, hanakulua, kakuakadi muntu bua kungakidila? Hanakukubikila, kakuakadi muntu bua kuitaba munyi? Tshianza tshianyi tshidi tshitamba buihi bua kukuhikula tshi, anyi? Tshiena ne bukole bua kukusungila, anyi? Tangila, ku kusamina kuanyi ndi ngumisha mai manene; ndi nvuisha misulu bu tshihela tshia lusenga; minyinyi yai idi inunka muhuya mubi bualu bua kakuena mai, idi ifua ne nyota.

Yeshaya 50:2 ပူးပေါင်းရင်းမြစ်များ

Genese 18:14

Kakuena tshidi mua kukolela Maweja-Nangila to. Tshidimu tshiavua, ngondu wa momumue, nempingane apa. Diba adi mukajebe Sara neikale mumane kulela muana wa balume.

2 Kulondolola 32:15

Nanku kanuena mua kuitaba, bua Izkiya ikale unushima, unulembakaja nenku. Kanumuitabi to! Ndi ngamba, ngambulula ne: mvi-die nansha umue wa tshisamba kampande, nansha wa ditunga kansanga, kena mupikule bantu bende ku bianza bia bankambua banyi, nansha ku bianza bianyi to. Nanku mvidie yenu kayena mua kunusungidila nansha kakese.”

Misambu 106:9

Kukanyinaye mayi manene a Luepu, kukamawu diakamue, kupitshishaye bantu bende mu dijimba dile bu mudibu benda mu tshipela.

Misambu 107:33

Yeye ke udi ukudimuna misulu ya mayi yenza tshipela, ne miaba ya mayi ya mu tshipela yenza buloba bume,

Ekesode 14:21

Butuku abu, Moshe kuolola tshianza pa mayi manene. Butuku bujima Maweja-Nangila kutuma tshipepela tshikole, tshifumina luseke ludi diba dipatukila. Tshipepela atshi kupandulula mayi manene, buloba buma kumueneka.

Ekesode 14:29

Kadi bena Izrayele bavua bapita munkatshi mua mayi manene ku makasa kume, mayi mimane bu tshimana ku dia balume, tshikuabu ku dia bakaji.

Ekesode 7:18

Minyinyi yonsu ya mu mayi neifue. Mayi neanunke mupuya mubi. Bena Ejipitu kabakunua kabidi mayi awu to.”

Ekesode 7:21

Minyinyi ya mu mayi yonsu kulua. Mayi a mu musulu wa Nile kununka mupuya mubi, bena Ejipitu kabayi mua kunua mayi awu kabidi to. Mashi avua mu ditunga dionsu dia Ejipitu.

Nsumuinu 1:24

Kadi pandi nnubikila, nudi nubenga kufika kundi. Ndi nnuoluela tshianza bua kunuambuluisha, kadi kanuena basue nansha kuntangila.

Yeshaya 11:15

Maweja-Nangila neakamishe musapa wa mayi manene a Ejipitu. Yeye neakanyine ne tshianza tshiende musulu wa Perate. Ku bukole bua Mueyelu wende, neaukosolole tusulu muanda mutekete, tudibu mua kusabuka ku makasa.

Yeshaya 19:5

Mayi a mu musulu wa Nile adi enda akama, musulu neume menemene.

Yeshaya 23:11

Maweja-Nangila uvua mukanyine mayi manene, uvua muzakaje makalenga. Maweja-Nangila uvua mutume diyi, bua babutule bimenga bia bena Kenaane, bivuabu bakoleshe ne bimana.

Yeshaya 36:20

Ku mvidie yonsu eyi, nansha umue kavua munkandike, bua meme kukuata ditunga diende. Kadi Maweja-Nangila udi mua kunkandika, bua meme kukuata Yerushalayime munyi?”

Yeshaya 41:28

Meme mvua mutangile, kadi tshiena mumone mvidie. Munkatshi mua mvidie yonsu, kamuena udi mua kufila meji, undi mua kukonka bualu, udi mua kungandamuna.

Yeshaya 42:15

Nembutule mikuna minene ne mikese, nengumishe bisosa ne mitshi bidipu. Nengumishe misulu, ishale tshipela. Majiba a mayi neakame.

Yeshaya 43:16

Kale, Maweja-Nangila uvua mupande njila mu mayi manene. Uvua mupande muaba wa kupitshila mu mayi muondoke.

Yeshaya 44:27

Udi utumina mayi manene diyi ne: ‘Kamayi’, udi umisha mayi, udi amu meme.

Yeshaya 51:10

Uvua mumishe mayi manene, bu mayi a lubuwa, ki ngwewe anyi? Uvua mupande njila munkatshi mua mayi manene, bua bantu bauvua musungidile bapitshilemu, ki ngwewe anyi?

Yeshaya 54:6

Maweja-Nangila uvua ukufuanyikija ne mukaji uvuabu bashiye kudi bayende, mushale ne kanyinganyinga kavule. Kadi Mvidi Mukulu webe udi wamba ne: “Mukaji uvuabu basungule mu bunsonga, mudibu mua kumulekela mmunyi?

Yeshaya 59:1

Nudi nuela meji ne: maboku a Mvidi Mukulu kaena male makumbane bua kunusungidila anyi? Nudi nuela meji ne: matshi a Maweja-Nangila adi mapate, kaayi mua kunuteleja anyi?

Yeshaya 59:16

Maweja-Nangila uvua mumone muvua muntu nansha umue kayi wambuluisha bavuabu bakengesha. Uvua ukema, bua pavua bantu kabayi bambuluishangana. Ke mudiye musue kukuata mudimu yeye mene. Bu mudiye unanga bantu, udi ukeba kubasungidila.

Yeshaya 63:13

Yeye ke uvua mubafile, munkatshi mua mayi manene. Batata benda amu bimpe, kabayi nansha batetuka, amu bu mudi nyama ya tubalu yenda mu mpata.

Yeshaya 64:6

Kakuena muntu nansha umue udi ukeba kukulomba diambuluisha, ujinga kudilengeja, ukuitaba. Bualu wewe mene kuena musue kutumona kabidi. Ukadi mumane kutubenga bua bilema bietu.

Yeshaya 65:12

Nanku ndi munusunguile lufu lua tshinyangu. Nenufue bonsu binu panshi, bua banukose mitu. Bualu, mvua munubikile, kadi nuenu nansha kuitaba. Mvua munuambile malu, kadi nuenu nansha kunteleja. Nutu nuenza amu bindi mubenge. Nudi nusungula amu bidi kabiyi mua kunsankisha.

Yeshaya 66:4

Meme kabidi nensanke padibu bakenga. Nembatumine makenga onsu, adibu batshina. Bualu ndi muele lubila, kadi muntu nansha umue kena mungitabe. Meme kubambila malu, kadi kabavua bateleja. Bavua benza amu bindi mubenge. Bavua basungula amu bidi kabiyi binsankisha.”

Yirmeya 14:9

Udi udileja bu muntu, udi kayi mua kutuambuluisha, bu muena bukitu udi mupange bukole bua kusungidila bakuabu, bua tshinyi? Eku wewe Maweja-Nangila udi munkatshi muetu. Tudi bantu bebe. Kutulekedi nansha.

Yirmeya 35:14

Yonadabe, muana wa Rekabe, uvua mukandike bana bende bua kabanu maluvu a mvinyo to. Bena Rekabe kuitaba miaku yende too ne lelu. Ki mbanue maluvu a mvinyo to. Bualu bavua bitabe mukenji wa kudi nkambua wabu. Meme Maweja-Nangila kunubela misangu ne misangu, kadi kanuena nunteleja to.

Yirmeya 35:15

Meme kunutumina bantu banyi bavule, bambi, bua banuambile ne: ‘Muntu yonsu wa kunudi adilengeje. Enzayi malu mimpe. Kanulamatshi mvindie ya bantu ba bisamba bikuabu bua kuyitendelela. Nenku nenusombe mu buloba bumvua munupeshe nuenu ne bankambua benu.’ Kadi kanuvua banteleje ne ntema, kanuvua bangumvue nansha.

Yirmeya 5:1

Endakanayi misesu yonsu mu Yerushalayime. Nutangile bimpe, nukebulule. Nutangile mu bisalu bionsu. Nuenu bapete muntu nansha umue udi wenza malu mempe, udi musue kuikala muntu muakane, nuenu basangane muntu wa nanku, meme Maweja-Nangila nemfuile Yerushalayime luse.

Yirmeya 7:13

Nanku, Maweja-Nangila udi wamba ne: Nudi benze bibi mushindu umue ne bena mu Shilo. Ndi munubele misangu ne misangu, kanuyi nunteleja to. Meme kunubikila, nuenu kubenga kuitaba.

Yirmeya 7:27

Nenku wewe Yirmeya, neuye kubambila bionsu ebi. Kadi kabakunteleja. Neubabikile mu dina dianyi bua badilengeje, kadi kabakukuandamuna to.

Yirmeya 8:6

Meme ndi muteleje bionsu bidibu bamba, kabena bamba malu mimpe to. Kakuena muntu udi unyingalala bua bubi buende, nansha udikonka ne: “Tshindi muenze ntshinyi?” Muntu yonsu udi wenda mu njila udiye musue, bu mudi nyama wa kabalu mumane kufika munda utomboka mu mvita.

Danyele 3:15

Nenumvue kabidi mpindiewu bela mpungi, nshiba, nzenze, lunkombe, ne biombelu bikuabu bionsu. Nanku mpindiewu nenuiname panshi, nukukuile lupingu lundi muenzeje anyi? Kadi binuabenga kulukukuila, diakamue badi banuela mu tshikutu tshidi ne kapia kakole. Diba adi, mvidie kaayi udi mua kunusungidila kundi?

Danyele 3:29

Nenku ndi ntuma diyi ne: “Muntu ne wa mu tshisamba kaayi, wa ditunga kaayi, nansha wa muakulu kaayi, udi udiwula Mvidi Mukulu wa Shadrake, Meshake ne Abede-Nego, nebamukose bitupa bitupa, nebupule nzubu wende, neashale dikolu. Bualu kakuena mvidie mukuabu udi mua kusungidila bantu bu mudi ewu muenze.”

Danyele 6:20

Patshiatshia, pakavua panshi patoke, mukalenga wa bakalenga kujuka, kuya lukasa ku buina bua nyama ya ntambue.

Danyele 6:27

“Ndi ngela mukenji ewu ne: Mu buloba buonsu budi ku bumfumu buanyi, muntu yonsu udi ne bua kuleja mudiye unemeka muende muonsu Mvidi Mukulu wa Daniyele. Yeye ke Mvidi Mukulu wa muoyi, udi ushala tshiendelele. Bukalenga buende budi bushala kashidi. Bumfumu buende kabuena bujika.

Osheya 11:2

Kadi pamvua mbikila bena Izrayele nanku, munanukile, bavua bambenga anu kubenga. Bantu banyi badi balambula mvidie Baale milambu. Mvidie yonsu ya mushindu ewu, badi bayoshila milambu.

Osheya 11:7

Bantu banyi bena Izrayele mbantombokele. Badi babikila mvidie Baale. Kadi mvidie ewu kena mua kubambuluisha to.

Nahume 1:4

Udi ukanyina mayi manene, uuma. Udi ukamisha misulu yonsu. Mpata mimpe ya mu Bashane ne mitshi ya mu mukuna wa Karmele bidi bifuba. Bilongu bidi pa mukuna wa Lebanone bidi bipopoka.

Abakuke 3:8

Maweja-Nangila, uudi mufikile munda nnganyi? Ke misulu iudi mutekele tshiji anyi? Ke mayi manene audi mufikile munda anyi? Udi ubanda pa mavuba, bu pa ditempu, didi nyama ya tubalu ikoka, bua uye kutshimuna baluishi.

Dibadika 11:23

Maweja-Nangila kuandamuna Moshe ne: — Meme ndi ne bukole bua kukumbaja bionsu abi. Wewe nkayebe neudimuene amu mpindiewu mundi mbikumbaja.

Marke 4:39

Yezu utabuluka, kukanyinaye bikole tshipepele, kuambilaye mayi a dijiba ne: — Puwa! Batanta! Tshipepele kutuya, bionsu kubalama menemene.

Yowanane 1:11

Muaku kufika mu ditunga diawu. Kadi bana bawu nanshabu kuwakidila.

Yowanane 3:19

Telejayi mudi tshilumbu pa buloba: butoke mbufike pa buloba, kadi bantu kunanga bikole miidima kumpala kua butoke, bualu badi benza malu mabi.

Yoshua 3:16

ke musulu kukosoloka. Mayi kuimana dibula kule ku mutu wa musulu mu tshimenga tshia Adame, tshidi pabuipi ne tshimenga tshia Sartane. Mayi avua apueka kuinshi, aya kubuela mu Mayi manene a luepu, kujiminawu onsu butubutuu. Bena Izrayele kusabuka, balulamangane ne tshimenga tshia Yeriko.