Yeshaya 5:9 - MUKANDA WA MYIDI MUKULU

⁹ Mvua mumvue Maweja-Nangila muena bukole buonsu uditshipa, wamba ne: “Ndi nditshipa ne: nzubu yonsu eyi nebayinyangakaje. Miaba minene yonsu idi milengeja bimpe, kabakuyisomba kudi bantu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yehowa wa misumba udi wamba mu matshu anyi ne, Bulelela, nsubu ya bungi neyikale munda mutuhu, yoyo mene mminene ne miakane, kayiyi ne bantu bashikamemu.

Yeshaya 5:9 ပူးပေါင်းရင်းမြစ်များ

2 Kulondolola 36:21

Nanku, miaku ya Maweja-Nangila kukumbana, ivua muambi Yirmeya muambe ne: “Ditunga nedishale munda mutupu bidimu makumi muanda mutekete, too ne pajika matuku a Dikisha, avua bena Izrayele babenge kuikisha.”

Yobe 15:28

Bavua baye kusomba mu bimenga bidi binyanguke, babuele mu nzubu ivua mishale kayiyi ne bantu, ikeba kupuka.

Yobe 20:21

Padiye udia, kena ushila muntu tshintu. Kadi diakalenga diende kadiena dinenga.

Nsumuinu 15:27

Muntu udi ne lukuka lua biuma udi ukebela nzubu wende kabutu. Udi kayi wangata mabuejila nealale matuku mavule.

Yeshaya 22:14

Kadi Maweja-Nangila muena bukole buonsu, uvua mungambile ne: “Ndi nditshipa, tshiena ndekela tshilema etshi, amu nuenu bamane kufua.” Maweja-Nangila, Mvidi Mukulu muena bukole buonsu udi ujadika nanku.

Yeshaya 27:10

Mu tshimenga tshivuabu bakoleshe ne bimana, mudi mutupu. Tshimenga tshidi amu bu mu tshipela, kamuyi bantu. Ngombe idi idiamu, ilalamu, ibulukuta mabeji a mitshi.

Yeshaya 5:6

Nebushale lububa: muntu nansha umue kena mua kusolela budimi abu, muntu kena mua kubuipidila kabidi Meba ne mingonga nebitolokemu. Nenkandike mavuba, bua mvula kalokedi kabidi mu budimi ebu.”

Amosa 3:7

Eyowa, Maweja-Nangila Mvidi Mukulu kena wenza bualu, kayi muanji kubumanyisha bambi, bantu bende.

Amosa 5:11

Nudi nukengesha udi kayi bukole, numunyenga ntete ivuaye munowe. Nanku kanuakulala mu nzubu mipiamipia, inuvua base ne mabue. Kanuakunua maluvu a mvinyo anuvua bapete, ku mionji misunguluke inuvua bakune.

Amosa 6:11

Dimukayi, bualu: Maweja-Nangila mmuele diyi, nzubu yonsu neyele mitanta, yupuka, minene, nansha mikese.

Matayi 22:7

Mukalenga kufika munda bikole. Kutumaye tshiluilu tshiende, bua kushipa bashipianganyi aba, ne kuosha tshimenga tshiabu.

Matayi 23:38

Nanku, nzubu wa Mvidi Mukulu wenu awu neashale munda mutupu!

Yakobe 5:4

Kanuena bafute bena mudimu badi bakuate mudimu mu madimi enu. Nuteleje mudibu badila muadi! Mvidi Mukulu Maweja-Nangila wa bukole buonsu mmumvue mbila ya badi banowe biakudia bienu.