Yeshaya 5:30 - MUKANDA WA MYIDI MUKULU

³⁰ Dituku adi, nebabuele mu ditunga dia bena Izrayele, benda beela bibingu bikole, bu biona bia mayi manene. Bantu nebatangile mu ditunga, kadi kabakumona tshintu to, amu midima mikole, ne mavuba adi abuikila butoke.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Mu dituku adi nebele bantu aba tshibingu tshidi bu tshiona tshia mai manene; ne biamona muntu buloba, ke, mîdima ne kanyinganyinga bidiku; ne munya udi ulua midima ku matutu mafike.

Yeshaya 5:30 ပူးပေါင်းရင်းမြစ်များ

Muambi 12:2

Diba adi, newikale mu miidima. Diba, ngondu ne mitotu kabiakukukenkela kabidi to. Nansha mvula mumane kujika, mavuba makuabu adi amu afiikisha tshibuashibuashi.

Yeshaya 13:10

Mitotu ya mulu, ne bidimina nzaji kabiakukenka kabidi to. Diba nedibuitshidile, amu patshididi dipatuka. Ngondu kakutokesha kabidi ne nkenke yende to.

Yeshaya 13:4

Umvuayi tshiona tshidi tshifumina ku mikuna, tshifuanangane ne mutoyi wa tshisumbu tshinene tshia bantu. Bavua badisangishe mbafume ku makalenga mavule. Bena matunga ne matunga badi muaba umue. Bualu Maweja-Nangila muena bukole buonsu, ke udi ukenketa bantu bende bua baye ku mvita.

Yeshaya 17:12

Akia! Bisamba bungi nenku, bidi bienza mutoyi bua tshinyi? Mutoyi wabu udi bu wa tshiona tshia mayi manene. Bukua matunga budi bujuula tshimvundu, bu tshia mayi a tshibila adi apueka lubilu.

Yeshaya 30:6

Nyama idi yambula bintu bia bungi, idi yenda ipitshila kuinshi kua ditunga. Mu buloba bua dikenga ne dibungama, mudi bintu bia bungi bidi bikuatshisha bowa, mudi nyama ya ntambue ikungula, mudi nyoka ya ntoka ne nyoka idi ibuka, nyama ya mpunde ne ya tumelu idi ipitshilamu, yambula bubanji ne bintu bia mushinga mukole. Balombodi ba mu ditunga badi baya nabi kudi bantu ba tshisamba, tshidi katshiyi mua kubambuluisha nansha kakese.

Yeshaya 59:9

Ke mudi Mvidi Mukulu kayi utuambuluisha lukasa, kayi ukumbaja bivuaye mutulaye. Tuvua batekemene kumona butoke, kadi miidima idi miaba yonsu. Tuvua bindile bua diba dipatuke, kadi tudi tuenda amu mu miidima yabufuku.

Yeshaya 8:22

nebatangile panshi, kadi nebamone amu dibungama, midima ne makenga. Nebabuele mu midima idi yenza bowa.

Yirmeya 13:16

Nemekayi Maweja-Nangila Mvidi Mukulu wenu. Tshianana nennutumine miidima, bua nuenu kutetuka pa mikuna, kuenda mu miidima inuvua kanuyi bindile, batekemena munya. Maweja-Nangila kuandamuna butuku, kunutumina miidima, bu mavuba a mvula wa tshipupu.

Yirmeya 50:42

Bena mvita batshi badi basempela ne mafuma ne miele, bantu ba tshikisu, kabayi ne luse. Badi benza mutoyi, mudi mayi ela mavuala. Badi babanda pa nyama ya tubalu, bela mualu wa mvita, benda mu milongu, bua kukuluisha wewe Babilone!

Yirmeya 6:23

Bena mvita ba mu tshisamba atshi badi ne buta bua mikete ne misongolu, badi ne tshikisu kabayi ne luse. Badi benza mutoyi bu tshiona tshia mayi manene. Badi babanda pa nyama ya tubalu, bamane kudilongolola bua kubanga mvita, bamane kuela mualu wa mvita, bua kukuluisha wewe, Siyone!

Muadi 3:2

Kungipataye kumpala kuende. Kungendeshaye mu miidima pa mutu pa kungendesha mu butoke.

Yezekiyele 26:3

Nanku meme Maweja-Nangila Mvidi Mukulu ndi njadika ne: “Wewe tshimenga tshia Tire, nenkunyoke bikole. Nentume bantu ba mu bisamba bivule bua bakuluishe. Nebabuele muebe ne bukole bu bua mavuala a mayi manene.

Yowele 2:10

Padi mpasu eyi isemena pabuipi, buloba budi buzakala, diulu didi dinyungakana, ngondu ne diba bidi bibuitshidila, mitotu kayena ikenka kabidi.

Amosa 5:18

Bantu badi batekemena dituku dia Maweja-Nangila, didiye ne bua kudileja patoke, mbena diakabi. Dituku adi nedinulengelele ku tshinyi? — Nekuikale amu midima, butoke kabuyi bumueneka!

Amosa 8:9

Maweja-Nangila Mvidi Mukulu udi wamba ne: Dituku adi, nembueje diba munda munya, mu munya, buloba nebubuele mu midima.

Matayi 24:29

— Pajika matuku a dikenga awu, diakamue diba kadiakumueneka kabidi, ngondu kakukenka, mitotu neituke mulu, makole a mulu neanyungakane.

Didimanyisha 6:12

Pashishe meme kumona Muana wa mukoku ulamuna tshitampi tshisambombu. Tshikumina tshikole kuenzekatshi. Diba kufuka, bu tshilamba tshia madilu. Ngondu mujima kukunza bu mashi.