Yeshaya 5:26 - MUKANDA WA MYIDI MUKULU

²⁶ Maweja-Nangila udi wasa tshimanyinu, ubikila tshisamba tshidi kule. Udi wela monzu ku ntengu ya buloba, mudi muntu ubikila mbua. Monayi tshisamba etshi tshidi tshifuma kule, tshienda lukasa lukasa, tshiambuluja bua kufika!

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Yeye neabishe dibendela diandi bua kusangishaku ba mu bisamba bidi kule, nele muosa bua kubabikila kudiye, bafume kunfudilu kua buloba; ne monai, nebadiendeshe bua kufika kudiye lubilu!

Yeshaya 5:26 ပူးပေါင်းရင်းမြစ်များ

Misambu 60:4

Uvua muzakeje buloba, mubueleshe mitanta. Kadi jibikila mitanta, bualu buloba budi mua kupuka.

Misambu 72:8

Mukalenga adie bumfumu ku mayi manene too ne ku makuabu, ku musulu wa Perate too ne ku ntengu ya buloba.

Yeshaya 10:3

Kadi dituku didi Maweja-Nangila ukosa nsambu, tshipepele tshikole tshifuma kule netshinupete. Diba adi, nenuenze tshinyi? Nenuye kudi nganyi? Nenupete diambuluisha muaba kaayi? Nenuye kuteka mpetu yenu penyi?

Yeshaya 11:12

Nease dibendele, bua kuvuluija bukua matunga, mudiye musue kusangisha bena Izrayele, bavuabu baye nabu mu bupika, pamue ne bena Yuda bavua bamuangalake ku ntengu ne ntengu ya buloba.

Yeshaya 13:2

Maweja-Nangila udi wamba ne: “Asayi dibendele pa mukuna, padi kapayi mitshi. Elayi kabobu ka mvita. Bikilayi bena mvita ne tshianza, bua babuelele ku biibi bia bantu badi badifila ku budisuile buabu.

Yeshaya 13:3

Meme ndi ntumina, bantu badi banyi meme, meyi anyi. Ndi mubikidishe bilobu bianyi, bamiadiamvita badi bela mbila ya disanka, bua bakumbaje tshidi tshiji tshianyi tshijadika.”

Yeshaya 13:4

Umvuayi tshiona tshidi tshifumina ku mikuna, tshifuanangane ne mutoyi wa tshisumbu tshinene tshia bantu. Bavua badisangishe mbafume ku makalenga mavule. Bena matunga ne matunga badi muaba umue. Bualu Maweja-Nangila muena bukole buonsu, ke udi ukenketa bantu bende bua baye ku mvita.

Yeshaya 13:5

Badi batumina ku matunga a kulekule, muaba udi diulu ne buloba bituangene, bua kuya kunyanga ditunga dijima: ke Maweja-Nangila ne badiye muangate, bua kunyoka bantu ba buloba bujima.

Yeshaya 18:3

Kadi nuenu bonsu badi pa buloba, nuenu bonsu badi basa muaba udi bantu, tangila bimpe diba diabandishabu dibendela pa mukuna. Pelabu mpungi, nuteleje bimpe.

Yeshaya 30:16

Nudi nuandamuna ne: “Nansha kakese! Netubande pa nyama ya tubalu, tunyeme lubilu!” Bulelela, nenubande pa tubalu, nunyeme lubilu. Bualu badi banuipata! Nudi nuamba kabidi ne: “Tubalu tuetu tudi tunyema lukasa.” Eyowa, kadi badi banulondakaja, badi banyema kabidi lubilu lupita lua tubalu tuenu!

Yeshaya 31:9

Bilobu nebinyeme mvita, bua bowa bukole budibu bakuatshika. Balombodi ba bena mvita nebatekete mu maboku, nebanyeme, bashiya dibendele diabu. Maweja-Nangila ke udi wamba nanku. Ke yeye udibu batendelela pa mukuna wa Siyone. Kapia kende kadi katemena ku Yerushalayime.

Yeshaya 39:3

Pashishe, muambi Yeshaya kuya kudi mukalenga Izkiya, kumukonka ne: — Bantu aba bavua bakuambile tshinyi? Kabidi mbafume penyi? Izkiya kuandamuna ne: — Mbafume kule, ku bena Babilone, bafike bua kummona.

Yeshaya 7:18

Dimue dituku, Maweja-Nangila neele kashiba, abikile njiji ya ku muaba udi musulu wa Nile ubuelela mu mayi manene, ne mbulubulu ya mu ditunga dia bena Ashure.

Yirmeya 4:13

Monayi mubishi udi ubanda, bu mavuba a mvula wa tshipupu. Matempu ende a mvita adi anyema lubilu bu mvunde. Nyama yende ya tubalu idi inyema mipite nyunyi wa tshiminyi ku lubilu. Tuajiminyi, tuabutuku!

Yirmeya 5:15

Maweja-Nangila udi wamba ne: nuenu bena Izrayele, nennutumine tshisamba tshikuabu, tshidi tshifume kule bua tshinuluishe. Tshisamba atshi kabena mua kutshipita bukole to. Tshisamba atshi ntshia ku bisamba bia kale. Kanuena mua kumvua muakulu watshi. Bidi bantu aba bamba kanuena mua kubimanya to.

Yirmeya 51:27

Nuele diyi bua babange kuluisha Babilone. Nuele mpungi bua bantu ba bisamba bionsu bumvue. Nutuadije mvita. Nubikidishe bantu ba mu bukalenga bua Ararate, bua Mini ne bua Ashekenaze, Nusungule bantu badi mua kulombola bena mvita. Nutume ku mvita nyama ya tubalu bungi bu mukongolu wa mpasu ya mukumbi.

Muadi 4:19

Batukengeshi betu badi ne lubilu lupite lua nyunyi wa tshiminyi udi ubuka mulu. Badi batuipata pa mikuna, batualamina miaba idi kayiyi bantu.

Yezekiyele 38:17

“Meme Maweja-Nangila Mvidi Mukulu, ndi nkuambila ne: Wewe ke umvua ntela kukadi bidimu bivule, diba dimvua muambile bambi ba bena Izrayele, bantu banyi, ne: numanyishe bena Izrayele misangu ne misangu ne: nentume muntu udi ne bua kuluisha bena ditunga dienu.

Yowele 2:7

Idi inyema bu bilobu, ibanda pa tshimana mudi bena mvita benza. Mpasu yonsu udi uya buludi mu wende njila, kakuena udi usesuka.

Abakuke 1:8

Nyama yabu ya tubalu mmipite ya nkashama ku lubilu. Idi ne lonji lupite lua nyama ya bimungu idi yenda ne nzala. Babandi babu ba pa tubalu, badi bafumina kule, benda batupika. Badi ne lubilu bu lua nyunyu ya mikanku, idi imona nyama wa kudia, yikila ne lukuka pambidi pende.

Zekâya 10:8

Nembikile bantu banyi, nembasangishe pamue, bualu ndi mujadike bua kubapikula. Nebavulangane bungi buvuabu kale.

Malaki 1:11

Meme Maweja-Nangila wa bukole buonsu, ndi njadika ne: kudi diba dipatukila too ne kudidi dibuelela bantu ba bisamba bionsu badi bannemeka. Miaba yonsu badi bangoshila musenga wa kamonya, badi bandambula milambu minkumbanyine. Bulelela, bisamba bia bende bidi binnemeka.

Dielulula 28:49

Maweja-Nangila neanutumine baluishi, bafume kule ku ndekelu wa buloba, banudi kanuyi bamanye muakulu wabu. Maweja-Nangila neele bantu abu munkatshi muenu, bu mudi nyunyi wa tshiminyi wikila pa biakudia biende.