Yeshaya 5:25 - MUKANDA WA MYIDI MUKULU

²⁵ Nanku Maweja-Nangila mmufikile bantu bende munda. Mmubakanyine, mubatume. Mikuna imona nanku, kuzakalayi. Bitalu bia bantu kushala panshi mu misesu, bu butu bua kuimansha mu dyala. Kadi tshiji tshia Maweja-Nangila katshiena tshijike to. Udi amu ukanyina bantu bende.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Bua malu â tshiji tshia Yehowa tshiakatema kudi bantu bandi, ne yeye wakolola tshianza tshiandi bua kubakuma nʼatshi, wakabatuta; mikuna yakazakala, ne bitalu biabo biakalala munkatshi mua misesu bu bintu bia kuela ku diala. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yeshaya 5:25 ပူးပေါင်းရင်းမြစ်များ

1 Bakalenga 14:11

Pikala muntu wa mu nzubu muebe mufuile mu tshimenga, nebadie tshitalu tshiende kudi mbua. Pikalaye mufuile mu tshisuku, nebatshizokole kudi nyunyi ya mikanku.” Ke mudi Maweja-Nangila wamba nanku.

1 Bakalenga 16:4

Pikala muntu wa mu nzubu muebe mufuile mu tshimenga, nebadie tshitalu tshiende kudi mbua. Kadi yeye mufuile mu tshisuku, nebazokole tshitalu tshiende kudi nyunyi ya mikanku.

1 Bakalenga 21:24

Mukalenga Akabe, muena nzubu wa mu diku diebe udi ufuila mu tshimenga, nebamudie kudi mbua. Udi ufuila mu tshisuku, nebamuzokole kudi nyunyi ya mikanku.

2 Bakalenga 13:3

Nanku, Maweja-Nangila kufikila bena Izrayele munda. Kubafilaye mu bianza bia Azayele, mukalenga wa bena Siriya, ne mu bianza bia Benadade, muana wa Azayele, matuku onsu avua bantu abu mu bukalenga.

2 Bakalenga 9:37

Minyinyi ya Yezabele ikale mishale, nebayimiamine mu budimi ebu bu bufuke buela panshi. Nanku, muntu kakumanya kabidi ne ewu ke Yezabele to!”

2 Kulondolola 36:16

Kadi bena Izrayele kuseka bambi ba Mvidi Mukulu, kubalembakaja, kulengulula meyi a Mvidi Mukulu. Nanku, Maweja-Nangila kubafikila munda, kubanyoka bikole kabayi mua kupanda to.

Yobe 9:13

Padi Mvidi Mukulu mufike munda, kabena bamukandika to. Rakabe ne bena diende, nyama ya bidika ya mu mayi manene, mbiname ku makasa ende.

Misambu 106:40

Maweja-Nangila kukuatshila bantu bende tshiji, kukinaye ba mu bumpianyi buende.

Misambu 114:7

Buloba bumona Maweja-Nangila ufika, kuzakala, kukuatshika bowa kumpala kua Mvidi Mukulu wa Yakobe.

Misambu 18:7

Dikenga kumpita, meme kubikila Maweja-Nangila, mmuela mbila bua angambuluishe. Maweja-Nangila mu nzubu kumvua diyi dianyi, muadi wanyi kufika kudiye.

Misambu 68:8

Mvidi Mukulu, pauvua uya kumpala kua bantu bebe, mudianjidile mu tshipela,

Misambu 77:18

Mavuba akapatula muenji mukole, munkatshi mua mayi muvua mikungulu ya mvula, miketa yebe ivua ipitakana nseke yonsu.

Misambu 78:38

Kadi yeye uvua mubanange, ubafuila luse, kayi ubabutula. Kavua ulonda muvua tshiji tshiende tshimuambila. kavua ulonda meji atshi,

Misambu 83:10

Eyi, Mvidi Mukulu, enzela bantu aba bu muuvua muenzele Sisra ne Yabine, ku musulu wa muenji mukole wa Kishone. Nansha bu muuvua muenzele bena Madiyane,

Ekesode 7:19

Maweja-Nangila kuambila Moshe ne: — Ambila Arone ne: angata dikombu diebe, olola tshianza ku mutu kua mayi onsu a mu Ejipitu, adi mu misulu, adi mu tusulu tukese ne adi mu majiba. Mayi onsu andamuke mashi. Mashi neikale mu ditunga dijima dia Ejipitu too ne mu nguvu ne mu mabungu.

Yeshaya 10:4

Diba adi, nudi mua kusungula amu malu abidi: kubuelakana ne bena lukanu, nansha kufua. Kadi tshiji tshia Maweja-Nangila katshiena tshijika, tshianza tshiende tshitshidi tshiela mulu.

Yeshaya 10:6

Meme kubatuma bua kuluisha tshisamba tshidi tshimbenga. Meme kubambila bua kubunda tshisamba tshidi tshimfikisha munda. Meme kuanyisha bua biibe, bapawule bantu aba, babadiatakaje bu bitotshi bia mu njila.

Yeshaya 14:19

Kadi wewe mbakuimanshe pambelu, mbakupale lukita bua kukujikamu. Udi mufuanangane ne muana, udibu balela mufuile munda, ukuatshisha bowa. Udi mufuanangane ne tshitalu, tshidibu badiatakaja ku makasa. Mbakubuikile bitalu bia bantu, bavuabu bashipe ku muele. Kadi bobu bavua babajika mu lukita lua mabue,

Yeshaya 23:11

Maweja-Nangila uvua mukanyine mayi manene, uvua muzakaje makalenga. Maweja-Nangila uvua mutume diyi, bua babutule bimenga bia bena Kenaane, bivuabu bakoleshe ne bimana.

Yeshaya 25:11

Mu tshiina amu, bena Mowabe badi bolola maboku, amu bu badi bakeba kuowela pa mayi. Kadi nansha bobu benza nanku, Maweja-Nangila udi utekesha bena Mowabe, ne lutambishi luabu.

Yeshaya 29:2

kadi nenkunyoke! Meme Maweja-Nangila ndi njadika nanku. Neudile muadi, neubungame. Tshimenga tshijima netshikale amu bu tshilambuilu tshitampakane mashi miaba yonsu.

Yeshaya 42:25

Ke pavua Maweja-Nangila muleje bantu bende bunene bua tshiji tshiende, mubakengeshe ne mvita. Mvita kuosha bena Izrayele nseke yonsu. Kadi nanshabu kujingulula tshintu. Kapia kubosha, kubashidisha, kadi nanshabu kubuelela meji.

Yeshaya 51:20

Bana bebe badi basomba panshi mu masangu onsu a njila, kabayi banyunga, kabayi ne bukole. Bavua bu ngulungu ivuabu bakuate mu bukondu. Ke muvua Maweja-Nangila mubanyoke bikole, bua tshiji tshivuaye natshi.

Yeshaya 64:3

Katshia kabena banji kumvua bamba, ki mbanji kumanya, mesu katshia ki mmamone mvidie mukuabu udi wambuluisha, bantu badi batekemena kudiye, muudi wewe ubambuluisha.

Yeshaya 66:15

Tangilayi Maweja-Nangila udi ufika mu kapia. Matempu ende a mvita adi afika bu mvula wa tshipupu. Maweja-Nangila mmuwule ne kanyinganyinga, udi ufika bua kujikija tshiji tshiende, kukumbaja mu ndimi ya kapia bivuaye muambile bantu ne mikanu.

Yeshaya 66:24

Nenku nebafike bua kumona bitalu bia bantu bavua bantombokele. Tshikusu tshidi tshibikunya katshiena mua kufua to. Kapia kadi kabiosha, kakena kajima lukasa to. Bidibu bamone nebikuatshishe bantu bonsu buowa.

Yeshaya 9:11

kumpala kuabu kudi bena Arame, kunyima kuabu bena Peleshete. Bantu bonsu aba bakanyanga bena Izrayele bikole, babanyenga buloba buabu. Kadi tshiji tshia Maweja-Nangila katshiena tshijika. Utshidi amu ubakanyina.

Yeshaya 9:16

Ke padi Maweja-Nangila kayi mua kupandisha bansongalume babu ku mvita. Kena mua kufuila bakaji bakamba ne bana ba nshiye luse. Bualu bantu bonsu badi benza bibi, babenga diyi dia Mvidi Mukulu, bakula bu bantu badi kabayi bangata Mvidi Mukulu ne mushinga. Kadi tshiji tshia Maweja-Nangila, katshiena tshijika. Utshidi amu olola tshianza bua kunyoka.

Yeshaya 9:17

Eyowa, bubi budi butampakana kudi bantu bu kapia katua ku tshisuku, kalambuluka mu ditu, kajuula muishi mupite bungi bu mavuba.

Yeshaya 9:20

Bisamba bivua bibundangana, tshia Menashe kubunda tshia Efrayime, etshi kabidi kubunda tshia Menashe. Bionsu bibidi ebi kubunda tshia Yuda. Kadi tshiji tshia Maweja-Nangila katshiena tshijika. Tshianza tshiende tshitshidi tshiela mulu.

Yirmeya 15:3

Maweja-Nangila udi wamba ne: nembakengeshe mishindu inayi: muele wa mvita neubashipe, mbua neyikoke bitalu iye nabi kule, nyunyi ya mikanku neizokole bitalu, nyama ya mibuabua neidie bionsu bidi bishale.

Yirmeya 16:4

bonsu nebafue lulu lubi. Kabakumona udi mua kubadila nanshakubajika to. Bitalu biabu nebifukishe buloba. Nebafile mu mvita, nansha ku tshiyole tshia nzala. Bitalu biabi nebabizokole kudi nyunyi ya mikanku, babidie kudi nyama ya mibuabua.

Yirmeya 17:4

Nenushiye ditunga divua dienu, dimvua meme munupeshe. Ndi nnutuma mu bupika, mu ditunga dinudi kanuyi bamanye. Bualu nudi balundule tshiji tshianyi. Tshikadi bu kapia kadibu kabayi mua kujima.

Yirmeya 4:24

Ndi mmona mikuna minene yupuka, mikuna mikese izakala.

Yirmeya 4:8

Vualayi bilamba bikayapale, nudile miadi, nudituute bianza pa tshiadi. Bualu Maweja-Nangila utshidi ne tshiji, unulondakaja ne tshiji tshiende tshikole.

Yirmeya 6:12

Maweja-Nangila udi wamba ne: Bantu bakuabu nebangate nzubu yabu. Nebangate kabidi madimi abu ne bakaji babu. Eyowa, meme Maweja-Nangila nennyoke bena ditunga edi bonsu.

Yirmeya 8:2

Nebatangalaje miluba panshi kumpala kua Diba, kua Ngondu ne kumpala kua Tshiluilu tshia mitotu. Bintu ebi ke mvidie ivua bantu aba banange, ke ivuabu batendelela, ke ivuabu balamate, ke ivuabu bakonka malu, bakukuila. Kabena bangula mifuba eyi bua kuyijika to. Neyishale anu panshi bu bufuke bua kufikisha buloba.

Yirmeya 9:22

Maweja-Nangila udi wamba ne: “Muntu udi ne meji, kaditambishi bua meji ende to! Muntu udi ne bukole, kaditambishi bua bukole buende to! Muntu mubanji, kaditambishi bua bubanji buende to!

Muadi 5:22

Neutubengelemu kashidi anyi?

Yezekiyele 15:6

Meme Maweja-Nangila Mvidi Mukulu, ndi ngamba ne: badi bela mionji ya mvinyo muiku, kadi kabena belamu mabaya a mutshi nansha. Ke mundi musue kunyoka amu bena mu Yerushalayime.

Yezekiyele 30:25

Eyowa, maboku a mukalenga wa bena Ejipitu nealembelele kaayi ne bukole. Kadi nempeshe maboku a mukalenga wa bena Babilone bukole bua bungi. Nemmupeshe muele wanyi mu bianza. Neafune bua kuluisha bena Ejipitu. Bantu bonsu nebamanye ne: meme ndi Maweja-Nangila.

Yezekiyele 6:14

Nembaleje bukole buanyi. Nennyange ditunga diabu, nembutule bantu badi basombamu, biangatshile ku luseke lua ku tshipela tshidi kuinshi mu ditunga, too ne ku tshimenga tshia Ribla tshidi ku mutu wa ditunga. Bantu bonsu nebajadike ne: meme ndi Maweja-Nangila.”

Danyele 9:16

Maweja-Nangila, utuenzele tshiakabidi malu mempe. Lekela tshiji tshiudi mukuatshile Yerushalayime, tshimenga tshiebe, mukuna webe wa tshijila. Bua bilema bietu ne bua mibi ya batatuetu, matunga onsu adi netu mutumba adi amu apenda Yerushalayime ne tshisamba tshiebe.

Osheya 14:4

Bena Ashure kabena mua kutupandisha to. Katuena mua kubanda kabidi, pa nyama ya tubalu tua myita to. Mpingu yetu, mbintu bivuabu basonge. Katuena mua kuyinemeka kabidi bu Mvidi Mukulu wetu to. Bualu anu wewe nkayebe, ke udi ufuila bana ba nshiya luse.”

Amosa 8:8

Ke padi buloba buzakala, bonsu badi basombapu basa muadi. Buloba bujima nebubande, nebupueke, bu mudi musulu wa Nile mu Ejipitu.

Mika 1:4

Padiye upita, mikuna idi ilandakana, bibandabanda bidi bipanduluka, mudi mafuta enguluka ku kapia, mudi mayi apulumuka pa kakuna.

Nahume 1:5

Mikuna minene idi ikanka kumpala kuende, mikuna mikese idi itenkakana. Padi Mvidi Mukulu umueneka, buloba ne bonsu badi basombapu bidi bizakala.

Abakuke 3:10

Padi mikuna ikumona, idi izakala. Mvula udi uloka bikole, wenza nkoka pa buloba. Mayi manene adi ela tshiona bikole, mavuala abanda mulu bu mikuna.

Sefanya 1:17

Maweja-Nangila udi wamba ne: “Nembueje bantu mu dikenga, nebababate mudi bampofu benza, bualu bavua bangenzela malu mabi. Mashi abu neatangalake miaba yonsu, bu mudi lupuishi. Bitalu biabu nebibole, mudi bintu bidibu bela ku dyala.”

Dielulula 31:17

Nanku nembafikile munda, mbalekela, bua babakengeshe bikole kudi bisamba bikuabu. Nebajadike mudi makenga aa abenzekela, bualu meme Mvidi Mukulu tshiena kabidi munkatshi muabu.

Dielulula 31:18

Dituku adi, nembalekele bulelela, bualu mbenze malu mabi, batendelela mvidie.

1 Tesalonike 2:16

Bualu badi benza muabu muonsu, bua katumanyishi bantu ba bisamba bikuabu mudibu mua kupanda. Ke mudibu buwuje bungi bua malu mabi, avuabu benze mu bikondu bionsu. Kadi mpindiewu tshiji tshia Mvidi Mukulu tshikadi pambidi pabu.

Didimanyisha 20:11

Pashishe meme kumona nkuasa munene mutoke wa butumbi, ne uvua musombepu. Buloba ne diulu bivua bimunyema lubilu, bijimina kashidi.