Yeshaya 5:17 - MUKANDA WA MYIDI MUKULU

¹⁷ Mu misesu ya mu tshimenga nemuikale tshisuku. Mikoku neidiemu bisosa, amu bu bidiyi idia mu mpata. Bana ba mbuji ba manyi, nebakebemu biakudia biayi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Hashishe, bana ba mikoko nebadieku mashinde bu muakadibo mua kudia mu budimi buabo bua mashinde, nyama idi ne manyi ne bana ba mikoko nebidie mashinde munkatshi mua bikulu.

Yeshaya 5:17 ပူးပေါင်းရင်းမြစ်များ

Nehemya 9:37

Ditunga didi ne biakudia bia bungi, kadi bidi bisankisha nangananga bakalenga, bavua batubueje mu bupika bua bubi buetu. Badi benza netu, kabidi ne biuma bietu, amu bu mudibu basue. Bushuwa, tudi mu dikenga dinene!”

Misambu 119:70

Lungenyi luabu ndujibale, kadi meme ndi nsanka bua kutumikila mikenji yebe.

Misambu 17:10

Badi bapapisha muoyi wabu, kabayi ne luse. Badi baditemba amu kuditemba.

Misambu 17:14

Ubabutule, ubajikije mu bantu. Ubanuishe lulengu luuvua mubalamine. Bana babu banue buukute, biikulu babu balabule luvua lushale!

Misambu 73:7

Badi ne kantu ku bianza, bapepeja bantu bakuabu, bela amu meji a kuenzelangana bibi.

Yeshaya 1:7

Ditunga dienu didi bu tshipela. Bimenga bionsu, bavua babioshe. Bantu ba bisamba bikuabu mbiibe bia pa madimi enu, nuenu batangile. Bu muvuabi pa kabutu ka Sodome, kanuena bashale ne tshintu nansha tshimue.

Yeshaya 10:16

Nenku mfumu wa bamfumu, Maweja-Nangila muena bukole buonsu, neajimije bubanji budi bena Ashure nabu. Neoshe lumu luabu, ne bionsu bidibu nabi.

Yeshaya 17:2

Bena bimenga bidi bena Damase batangila nebanyeme. Nyama neipite mu bimenga ebi, kakuyi udi uyitshinyisha, nansha uyipata.

Yeshaya 32:14

Nzubu wa mukalenga mmushale mutupu, tshimenga, tshivua bantu tente, tshikadi tshipela. Mukuna wa Ofele, ne kaleya ka batentekedi, mbishale dikolu kashidi. Nyama ya mpunde ya ditu ikadi inayilamu, bimuna bikadi bikebelamu biakudia biabi.

Yeshaya 40:11

Udi bu mulami wa mikoku, udi usaka mikoku yende. Udi utuma amu tshianza, uyikunguja kaba kamue. Udi wambula bana ba mikoku mu tshiadi tshiende, usaka bitulu bitulu mikoku idi yamusha tuana.”

Yeshaya 65:10

Bantu badi bankeba, nebadishe bimuna biabu mu mpata wa Sarone. Mu tshibandabanda tshia Akore ngombe yabu neipete lupangu, ne muaba wa kulala.

Yeshaya 7:25

Bantu kabakuya kabidi kudima ne lukasu pa mikuna. Nebatshine meba ne mingonga. Nemushale amu mpata ya kudisha ngombe ne mikoku, muaba udi ngombe ukeba biakudia, muaba udi mikoku inayila.

Yirmeya 5:28

Bena Izrayele badi badiunda bikole, mubidi wabu mmusenene. Kadi badi anu benza malu mabi, kabayi bapungila. Kabena bakosa nsambu pa yoyi, kabena bakuila bana ba nshiya mu bilumbu biabu, bua bamone mua kubinga. Kabena bambuluisha bapele, bua bapete bidibu ne bua kupeta.

Muadi 5:2

Bintu bietu bia bumpianyi mbabinyenge kudi bantu bakuabu. Nzubu yetu mbayangate kudi bantu benyi.

Osheya 4:16

Bena Izrayele mbatomboke bu ngombe ubenga kukoka ditempu. Nanku Maweja-Nangila udi mua kunudisha mu mpata munene, bu mudiye udisha bana ba mikoku anyi?

Osheya 8:7

Nanku, tshiudi ukuna, ke tshiudi upola. Udi ubuelakana ne mvidie ya patupu, udi udienza kabidi wa patupu. Tshikolakola katshiyi ne miepu, katshiena mua kupetesha ntete ya kuenza bukula to. Nansha yoyi mitupeshe bukula, nebabudie anu kudi bantu benyi.

Mika 2:12

Maweja-Nangila udi wamba ne: “Nuenu ndelanganyi ya Yakobe, nennusangishe bonsu. Nuenu badi bashale ne muoyi mu Izrayele, nennukunguje. Nennusangishe muaba umue, bu mikoku mu lupangu luayi, bu tshisumbu tshia nyama mu mpata. Nennuenze tshisumbu tshimue tshia bantu bavule.

Sefanya 2:14

Muaba uvua tshimenga, bisumbu bia nyama nebilalemu, kabidi ne nyama mikuabu ya mishindu yonsu: tshipungulu ne kakutukutu nebisombe mu mitu ya makunji a nzubu. Nebumvuile miadi ya nyunyi ku madidishi a nzubu. Tshikolokolu netshimueneke ku tshibuelelu. Mabaya a sedre avuabu balamike ku bimana, nebaalamune ku bukole.

Sefanya 2:6

Buloba buebe ku muelelu wa mayi manene, nebuandamuke mpata wa bisosa, nebushale muaba udi balami ba mikoku bendakana, ne udibu bateka bikumbi biayi.”

Luke 21:24

Nebabashipe ku muele wa nwita. Nebaye nabu mu matunga makuabu onsu, basuika nkanu. Bantu ba bisamba bikuabu nebanyange Yerushalayime, too ne pakumbana tshikondu tshiabu.

Dielulula 28:33

Tshisamba tshia bantu banudi kanuyi bamanye, netshinukengeshe, tshinunyenge biakudia bionsu binudi banowe.

Dielulula 32:15

Yeshurune mumane kudia mukute, mumane kudiunda, kusenena, kulengulula Mvidi Mukulu uvua mumufuke, kupetula mulami wende ne mupandishi.